Istorya ng movie, pinalitan ni Direk Joel… CLAUDINE AT MARK ANTHONY, MASYONDA NA, TUMABA PA,

'DI NA BAGAY SA ROM-COM.

ni Erlinda Rapadas - @Teka Nga! | July 06, 2021

Kinontra ni Direk Joel Lamangan ang unang plano na isang rom-com movie ang pagsasamahan ng dating magka-love team na sina Claudine Barretto at Mark Anthony Fernandez. Reunion movie 'yun kaya dapat daw ay maganda at may bigat ang istorya.

Katwiran ni Direk Joel ay mature nang pareho sina Claudine at Mark Anthony. Medyo nag-gain pa sila ng weight kaya hindi babagay kung rom-com ang kanilang gagawin.

Kaya, pinalitan ang istorya ng napapanahong tema na ang title ay Deception.

For sure, hindi na mahihirapan pa si Direk Lamangan dahil parehong magagaling na artista sina Claudine at Mark Anthony. Ngayon pa lang ay nag-aabang at kinikilig na ang mga fans sa kanilang reunion movie.

Pareho namang excited at masaya sina Claudine at Mark Anthony na makatrabahong muli ang isa't isa. Matagal na hindi sila nagkita at na-miss nang husto ni Claudine ang kanyang ex-boyfriend.

Gustong makita ng mga televiewers kung may kilig pa rin sa publiko ang tambalang Claudine-Mark Anthony.

SARAH, 'DI TOTOONG PROBLEMADO SA RELASYON KAY MATTEO KAYA NAGPAGUPIT

ni Erlinda Rapadas - @Teka Nga! | July 05, 2021

Nilinaw ng kampo ni Sarah Geronimo na hindi totoo ang tsika na kaya siya nagpagupit ng buhok ay dahil may pinagdaraanan sila ng kanyang mister na si Matteo Guidicelli.

‘Yun kasi ang madalas gawin ng mga babaeng broken-hearted, pinagdidiskitahan ang kanilang buhok bilang pagrerebelde.

Sariling desisyon ni Sarah na baguhin ang kanyang hairstyle na matagal na panahon na naging trademark niya.

Marami naman ang nagkagusto at nag-like sa kanyang “new look” at transformation.

Maging ang kanyang hubby na si Matteo ay nagandahan sa pixie haircut ni Sarah. Mature na siyang tingnan ngayon.

Mismong ang hairstylist ni Sarah na si Celeste Tuviera ang nagsabi na kasa-kasama si Matteo sa parlor habang nagpapagupit ang kanyang lovely wife at napaka-sweet pa nila sa isa’t isa kaya hindi totoo na may problema sila sa kanilang married life.

Maging ang mga loyal Popsters ni Sarah ay tuwang-tuwa nang makita ang bagong hairdo ng kanilang idolo. Lumutang daw ang natural na ganda ni Mrs. Sarah Guidicelli.

2 sets ng diamond earrings, inirampa… KASAL NI ARA, MALA-FAIRYTALE SA BONGGA

ni Erlinda Rapadas - @Teka Nga! | July 03, 2021

Sa wakas, natupad din ang dream wedding noon pa ni Ara Mina at umabot siya upang maging June bride!

Bonggang-bongga ang kanyang kasal na ginanap sa Baguio City. Napakaganda ni Ara Mina sa kanyang fully crystallized wedding gown na gawa ni Leo Almodal at ito'y regalo sa kanya ng kanyang mga kapatid na sina Cristine Reyes at Heidi Gatmaytan.

Puro bigatin din ang mga tumayong ninang at ninomg sa kasal nina Ara at Dave Almarinez sa pangunguna nina dating Senador Manny Villar at maybahay niyang si Sen. Cynthia Villar, Sharon Cuneta, Congresswoman Vilma Santos-Recto, Viva producer Vic Del Rosario, Dondon Monteverde, atbp..

Sosyal na sosyal ang venue ng wedding reception na napapalamutian ng mga naggagandahang bulaklak.

Ang gown na ginamit ni Ara Mina sa wedding reception ay gawa naman ni Francis Libiran.

Bongga rin ang two sets of diamond earrings na ginamit niya sa kasal at reception.

Nag-perform din si Martin Nievera at ang mag-asawang Jessa Zaragoza at Dingdong Avanzado sa reception.