Na-depressed sa sama ng loob noon… DIEGO, GAME NANG PATAWARIN SI CESAR

ni Erlinda Rapadas - @Teka Nga! | July 16, 2021

Nasaan na kaya ngayon ang action star na si Cesar Montano? Ano na ang kanyang pinagkakaabalahan? Kumusta na kaya ang kanyang love life ngayon?

Ito ang tanong ng mga netizens na nakaalala kay Cesar. May mensahe kasi si Diego Loyzaga na gusto niyang makita/makausap ang kanyang ama upang maayos na nila ang kanilang hindi pagkakaunawaan.

Handa na si Diego Loyzaga na makaharap ang kanyang amang si Cesar upang sila ay magkapatawaran.

Matatandaang malaki ang naging tampo ni Diego kay Cesar kaya na-depressed siya at pansamantalang nagpahinga sa showbiz.

Ngayon ay maayos na ang health condition ni Diego at nakabalik na sa showbiz. At open siya sa pagsasabing na-miss niya ang kanyang biological dad na si Cesar Montano. Hindi niya basta matatalikuran ang kanilang ugnayan sa isa't isa.

Tiyak na makakarating naman kay Cesar ang panawagan ng anak niyang si Diego. At siguradong maraming press people ang mag-aabang sa reunion nilang mag-ama. At puwedeng maging daan din ito upang balikan ni Cesar ang kanyang showbiz career.

'Di raw jojowain o totropahin… KEN, IPINAGSIGAWANG PAKAKASALAN SI RITA

ni Erlinda Rapadas - @Teka Nga! | July 15, 2021

Puring-puri ng mga viewers ng afternoon soap na Ang Dalawang Ikaw ang husay ni Ken Chan sa kanyang pagganap sa dual role bilang sina Nelson at Tyler. Bilang isang mabait at isang salbahe, pabigla-bigla ang kanyang pagpapalit ng katauhan, kaya hirap na hirap din ang kanyang misis na si Mia (Rita Daniela).

Bentahe naman kay Beatrice (Anna Vicente) kung si Ken Chan ay nagiging si Tyler dahil siya ang nakikilalang asawa.

Grabe ang emosyon na ibinubuhos nina Ken at Rita sa kanilang mga eksena sa Ang Dalawang Ikaw. Nakaka-drain at hirap silang bumitaw sa kanilang character kahit tapos na ang eksena.

Samantala, on the lighter side, nakakaaliw naman ang sagot ni Ken Chan kay Rita nang tanungin siya ng aktres kung "jojowain o totropahin" niya ito.

Sagot ni Ken, "Pakakasalan!"

Minsan naman ay sinabihan ni Ken ang kanyang leading lady na “Mahal na pala kita” kahit wala naman 'yun sa script nila sa Ang Dalawang Ikaw.

Kaya, wish ng kanilang mga fans ay magkadebelopan na sina Ken at Rita. May chemistry sila at bagay sa isa't isa.

WILLIE, MAGDO-DONATE NG P5.2 MILYON SA PAMILYA NG MGA NAMATAY SA C-130

ni Erlinda Rapadas - @Teka Nga! | July 12, 2021

Labis na nabagbag ang kalooban ng Wowowin host na si Willie Revillame sa kalunus-lunos na sinapit ng mga sundalong nasawi/nasugatan nang mag-crash ang Airforce C-130 cargo plane sa Patikul, Sulu.

Umabot na sa 52 ang namatay at 47 ang malubhang nasugatan. Labis na namimighati ang pamilya ng mga namatay na sundalo. May mga anak, asawa at kapatid at magulang silang naiwan.

Hindi rin biro ang pinsala sa mga naka-survive sa plane crash na karamihan ay nagtamo ng mga sugat at sunog sa katawan, kaya naman nag-pledge si Willie at nag-donate ng P5.2 M na pantulong sa pamilya ng mga nasawi at nasugatan.

Sa ganitong mga kaganapan ay hindi nakakatiiis ang Wowowin host na magbahagi ng tulong sa mga naulila.

Samantala, malaking pressure kay Revillame ang gagawin niyang pagdedesisyon sa alok sa kanya ni Pangulong Rodrigo Duterte na tumakbong senador sa darating na 2022 elections.

Kasama siya sa top list ng mga senatoriables na naka-line-up sa partido ng pangulo. Pero ang unang nakapigil kay Willie na pumasok sa pulitika ay ang iiwanan niyang programa — ang Wowowin.

Paano na raw ang mga taong umaasa sa tulong ng kanyang programa? Sino ang magtutuloy nito kapag iniwan na niya ang Wowowin?

Major decision ito para kay Revillame at marami ang nag-aabang sa kanyang susunod na hakbang.

Well, sa ngayon ay idinadaan na lang ni Willie sa dasal ang lahat at humihingi siya ng gabay sa Diyos upang makagawa ng tamang desisyon. Pero pangako niya sa lahat ng tumatangkilik ng Wowowin na ipapaalam niya sa lahat ang kanyang final decision.

Sa dami ng natulungan ni Revillame, kahit na hindi pa siya pulitiko, tiyak na may tiwala sa kanya ang publiko.

Maiiba nga lang ang kanyang mundo kapag siya ay ganap nang senador.