Dating BFF, war na ngayon… SIGAW NI MAYOR CHAVIT: PACQUIAO, WA’ ‘K’ MAGING PANGULO

ni Erlinda Rapadas - @Teka Nga! | July 26, 2021

Marami ang nanghihinayang sa nasirang pagkakaibigan nina Sen. Manny Pacquiao at Narvacan, Ilocos Sur Mayor Chavit Singson.

Halos 20 years ang itinagal ng kanilang friendship at bagitong boksingero pa lamang noon si Pacman na gumagawa ng pangalan bilang world-class boxer. Ngayon ay may walo na siyang weight division title at sa lahat ng laban ni Pacquiao ay kasa-kasama niya si Mayor Chavit.

Buong-buo rin ang pagiging magkumpare nina Pacman at Mayor Chavit. Lahat ng anak ni Sen. Manny ay inanak sa binyag ng alkalde.

Pero base sa reaction ni Mayor Chavit sa kanyang mga interviews, halatang malalim ang tampo niya sa ginawang “panlalaglag” sa kanya ng BFF niyang si Sen. Manny kaya hindi niya sasamahan si Pacman sa laban nito sa boksingerong si Errol Spence, Jr..

Pero wish ni Mayor Chavit na manalo pa rin si Pacquiao para sa karangalan ng ating bansa.

Bago pa tumakbong senador noon si Sen. Manny, pinayuhan siya ni Mayor Chavit na huwag nang lumaban at magretiro na sa boxing ring, pero ipinagpatuloy pa rin ni Pacman ang paglaban sa mga boxers na humahamon sa kanya.

Ngayong senador na siya, maraming aksiyon si Sen. Pacquiao na ikinabigla ng lahat. Pati si Pangulong Rodrigo Duterte ay kanyang binangga.

Veteran politician na si Mayor Chavit at naging mayor din ng Vigan City nang ilang termino at dahil marami na siyang karanasan bilang public servant, ginagabayan at pinapayuhan niya si Sen. Manny sa mga political matters na dapat matutunan.

Ngunit iba ang naging direksiyon ni Sen. Manny. Meron din kasi siyang set of political advisers na nagbigay sa kanya ng ideya na puwede na siyang tumakbong president kaya ngayon ay nagpapakitang-gilas si Pacman.

Diretsahan namang sinabi ni Mayor Chavit na walang “K” at hindi pa kakayanin ni Sen. Manny ang maging presidente ng ‘Pinas. Marami pa siyang dapat matutunan at mga bagay na dapat pag-aralan.

Bagitung-bagito pa si Pacquiao sa larangan ng pulitika. Dapat siyang makinig sa mga taong mahaba na ang experience sa pulitika.

Hindi kasiguruhan na mananalo siyang pangulo dahil sa ginawa niyang exposé sa corruption ng iba’t ibang sangay ng gobyerno. Hindi bentahe sa kanyang political career ang sobrang pagiging idealistic.

Kung si Robin, oks pang magkaayos… PAYO NG MADIR: KYLIE, PAULIT-ULIT LANG LOLOKOHIN, ALJUR,

WAG NANG BALIKAN!

ni Erlinda Rapadas - @Teka Nga! | July 25, 2021

Sa latest post ni Kylie Padilla ay mukhang may malalim siyang hugot nang sabihing “I don't wanna be just like Mom!”

Naalala rin ni Kylie ang sinabi sa kanya noon ng kanyang Mommy Liezl na kung sakaling lolokohin siya ng kanyang asawa, 'wag na niyang babalikan at bibigyan ng second chance dahil gagawin at uulitin lang naman ito sa kanya.

Aminado si Kylie na at this point of her life, hindi siya sure kung kakayanin niya ang maging single mom at hindi na makipagbalikan kay Aljur. Iniisip din niya ang magiging sitwasyon ng dalawang anak.

Isa lang ang labis na pinanghihinayangan ni Kylie sa paghihiwalay nila ni Aljur. Nasayang daw ang mga pinlano nila para sa kanilang pamilya.

Ang ipinagtataka lang namin sa sinabi ni Kylie ay wala raw third party involved sa paghihiwalay nila ni Aljur. Pero, ayaw naman niyang magdetalye kung ano ang tunay na dahilan.

Bakit mismong si Robin Padilla ang nagsabing may third party sa hiwalayang Kylie-Aljur? Hindi sinita-kinondena ni Binoe si Aljur. Pinayuhan niyang mag-usap at ayusin ng mag-asawa ang kanilang problema.

Gusto ni Robin na mabuong muli ang pamilya nina Kylie at Aljur. Pero si Liezl na mommy ni Kylie, ang payo ay 'wag nang makipagbalikan at 'wag bigyan ng second chance ang nagtaksil na asawa.

Well, idinaan na lang ni Kylie sa pagti-TikTok ang mga personal niyang problema. Nag-viral ang TikTok showdown nila ni Andrea Torres.

All-set na rin si Kylie sa kanyang pagbabalik upang umarteng muli.

Samantala, fake news ang balitang makakasama siya sa seryeng pagbibidahan ni Ruru Madrid. Sina Shaira Diaz at Arra San Agustin ang leading ladies ni Ruru sa Lolong, hindi si Kylie.

Kaya naman, nanghihinayang ang KyRu fans dahil gusto nilang mapanood muli ang kanilang mga idolo.

Wais sa pera… KIM, MAY P110 MILYONG MANSIYON, MAY 3 PA LUXURY CARS

ni Erlinda Rapadas - @Teka Nga! | July 24, 2021

Wise spender ang aktres na si Kim Chiu. Marunong siyang mag-ipon at mag-invest ng kanyang kinikita sa showbiz.

Sa ilang taon niyang pag-aartista ay nakapagpatayo na siya ng mala-mansion sa laking bahay sa isang exclusive subdivision sa QC na worth P110 M!

Meron din siyang tatlong luxury cars na milyones din ang halaga. At may ipon siya sa bangko for her daily needs.

Kahit namimili siya ng mga branded na gamit, may limit naman ang kanyang budget. Artista siya kaya kailangan din niya ng de-kalidad na gamit tulad ng ibang artista.

At least, kahit wala pa siyang regular na programa ngayon, hindi naman siya problemado sa pananalapi. 'Yun ang bentahe ng may naipon habang kumikita pa. Hindi siya tulad ng iba na nagpa-panic sa panahon ng pandemya.