Wowowin host, 'pag nag-senador… WILLIE, SI KRIS ANG GUSTONG IPALIT SA SHOW NIYA

ni Erlinda Rapadas - @Teka Nga! | July 31, 2021

Marami ang nagtatanong kung tatakbo nga bang senador si Kris Aquino sa darating na 2022 elections.

Tahimik pa ang kampo ni Kristeta at alam ng publiko na 'pag may big news ay agad na ipino-post ni Kris sa social media.

May ilang netizens naman ang nag-advise kay Kris na dapat ay ang kanyang kalusugan muna ang kanyang bigyan ng atensiyon. Hindi niya kakayanin ang stress at pressure ng pulitika. Kailangan na physically fit muna si Kris bago niya isipin ang pagkandidato.

Hindi kakayanin ni Kris ang hirap sa pangangampanya kung itutuloy niya ang pagpasok sa pulitika.

Samantala, may mga bali-balitang lumulutang na si Kris Aquino raw ang gusto ni Willie Revillame na humalili sa kanya bilang host ng programa niyang Wowowin sakaling tanggapin niya ang alok ni Pangulong Rodrigo Duterte.

Isa si Willie sa mga naka-line-up na senatoriables ng PDP Laban. Tumanggi na sina Raffy Tulfo at Robin Padilla. Si Willie na lang ang magiging pambato ng partido.

Ang tanong, kakayanin ba ni Kris ang mag-host ng show araw-araw?

P2 bilyon budget sa kampanya… MAYOR ISKO, SUPORTADO NG MGA CHINESE BUSINESSMEN SA

PAGKA-PANGULO.

ni Erlinda Rapadas - @Teka Nga! | July 29, 2021

Ayon kay Yorme Isko Moreno, ang sinumang tatakbo sa pagka-presidente sa 2022 elections ay kailangang maglaan ng P2 billion para sa kanyang campaign fund. Kaya, ayaw pa niyang magdeklara kung tatakbo siya sa mas mataas na posisyon.

Pero, may bali-balitang susuportahan si Yorme Isko ng malalaking Chinese businessmen. Na-impressed daw ang mayayamang negosyanteng Intsik sa magagandang ginagawa ni Yorme Isko sa Lungsod ng Maynila.

At ngayon pa lamang ay bumubuhos na ang tulong ng mga negosyante sa mga projects ni Yorme Moreno. May isang grupo na nag-donate ng P20 million at ito ay gagamitin sa pagpapatayo ng dialysis center sa Sta. Ana, Manila.

Open sa publiko ang lahat ng donasyon para sa Maynila. Si Yorme Isko mismo ang nagre-report nito sa publiko. Transparent ang lahat ng kanyang transaction, kaya alam ng mga Manileños kung saan-saan napupunta ang mga donasyon.

Kaya todo-iyak… HIPON GIRL, NAGHIRAP NANG MAWALA KAY WILLIE

ni Erlinda Rapadas - @Teka Nga! | July 28, 2021

Hindi mapigilan ni Herlene Budol a.k.a. Hipon Girl ang maiyak at maging emosyonal nang ma-interview ni Toni Gonzaga para sa kanyang vlog na Toni Talks.

Dito ay ikinuwento ni Herlene kung paano naubos ang kanyang inipon para maka-survive ang kanyang pamilya sa panahon ng COVID pandemic.

Siya lang ang inaasahan ng kanyang pamilya at ng kanyang lolo at lola na nagpalaki sa kanya.

Dahil sa pandemya ay nahinto rin ang pagiging co-host ni Herlene kay Willie Revillame sa Wowowin. At hindi nga niya napaghandaan ang pandemya. Naging kampante siya at hindi niya inasahan na mawawala ang mga trabaho na dati niyang pinagkakakitaan.

At upang may panggastos sa mga pangangailangan ng kanyang pamilya, umabot na si Hipon Girl sa puntong nagbenta siya sa online ng kanyang mga preloved na damit atbp. gamit.

Ang maliit na negosyo na kanyang itinayo ay hindi rin kumita! Kaya ngayon, kailangan niyang maghanap ng trabaho dahil said na said na siya. Back to zero na ang kanyang financial status.

Ayaw namang maniwala ng mga tao na kapos siya sa pera dahil dati siyang co-host ni Willie Revillame sa Wowowin. Pero, hindi nga ikinahihiyang sabihin ni Herlene Budol ang kanyang pinagdaraanan at tunay na kalagayan sa buhay. Hindi siya basta susuko sa mga pagsubok ng buhay. Idinadaan na lang niya sa pagko-comedy ang kanyang mga problema.

May pangako naman si Toni Gonzaga kay Hipon Girl na ang kikitain ng kanyang vlog ay ibibigay niya rito.

And for sure, hindi rin matitiis ni Willie si Hipon Girl at kanyang tutulungan at bibigyan ng financial assistance.