Nangangamoy-balikan, Robin… KYLIE, LUMALAMBOT NA ULI KAY ALJUR

ni Erlinda Rapadas - @Teka Nga! | August 08, 2021

Nangangamoy-balikan sa showbiz couple na sina Kylie Padilla at Aljur Abrenica.

Kalmado na ang mundo ngayon ni Kylie at nahaharap na niya ang ilang projects na kanyang tinanggap. Nagpaka-daring siya sa project na kasama si Andrea Torres. May pagka-lesbian kasi ang kanyang role na mai-in love kay Andrea. At marami na ang excited na ito ay mapanood.

Habang abala si Kylie sa kanyang mga commitments, ang dalawa nilang anak na sina Alas at Axl ay nasa piling ni Aljur sa bahay nito sa Batangas. Nang mag-celebrate ng 4th b-day si Alas ay isang simpleng celebration ang inihanda ni Aljur para sa kanyang panganay.

May inihanda rin si Kylie para sa kaarawan ni Alas. Babawi na lang daw siya next year kapag bumalik na sa normal ang kapaligiran.

Noong unang nabunyag sa publiko ang paghihiwalay nina Kylie at Aljur, marami ang nagsasabing hindi magtatagal at magkakabati rin sila, lalo na't may mga anak silang lumalaki na.

Lately, may ilang posts si Kylie na nagpapahiwatig na gusto niyang bigyan ng second chance si Aljur. Nakikita naman niyang nagbabago na ang asawa.

Maging ang malalapit nilang kaibigan ay nagsasabing nararamdaman nilang magkakaayos din ang dalawa. Abang-abang na lang daw sa puwedeng maganap.

For sure, ikatutuwa rin ni Robin Padilla kung mabubuong muli ang pamilya nina Kylie at Aljur. Mahirap ang watak-watak na pagsasama. Ang mga anak ang magdurusa.

Si James o si Luis naman daw para sa coach BF… HIDILYN, SI MAJA ANG GUSTONG GUMANAP SA

LIFE STORY NIYA.

ni Erlinda Rapadas - @Teka Nga! | August 07, 2021

Kung muling ipi-feature ng Maalaala Mo Kaya ang life story ng Olympics gold medalist na si Hidilyn Diaz, gusto raw niyang si Maja Salvador ang gumanap dahil paborito niya ito.

At kung puwede, si James Reid naman ang gumanap bilang si Julius Naranjo, ang kanyang coach- boyfriend.

Sakaling hindi puwede si James, second choice ni Hidilyn si Luis Manzano. Kahit TV hosting ang forte ni Luis, nakakaarte rin naman ito.

Dati nang itinampok sa MMK ang buhay ni Hidilyn Diaz noong manalo siya ng silver sa ASEAN Games. At ngayong Tokyo Olympics gold medalist na siya, marami ang nagre-request na ulitin ang kanyang inspiring story bilang kauna-unahang Pinoy na nakapag-uwi ng Olympics gold medal.

Kung ang GF, kapit-tuko… GERALD, OBYUS NA SAWA NA AT NANLALAMIG NA KAY JULIA

ni Erlinda Rapadas - @Teka Nga! | August 05, 2021

Marami sa mga sumusubaybay sa relasyon nina Julia Barretto at Gerald Anderson ang nakakapansin na parang may sawa factor na ang aktor sa kanyang nobya.

Ibinase nila ang ganitong obserbasyon sa mga naka-post na larawan ng magdyowa sa socmed.

Si Julia kasi ang sobrang clingy, sweet at laging nakadikit kay Gerald kapag magkasama sila sa mga lakaran.

May instance pa na halatang si Julia lang ang sweet at hindi nakikita kay Gerald ang dati niyang sigla at interes kapag kasama ang nobya.

Kaya naman, marami ang nag-iisip na ito na nga ang simula ng panlalamig ni Gerald kay Julia. Ganitung-ganito raw kasi ang attitude ng aktor kapag nagsasawa at tinatabangan na sa kanyang karelasyon. Nakikita at nahahalata na wala siya sa mood at hindi na masaya tulad ng dati. Unti-unti na siyang kakawala at didistansiya, katulad ng ginawa niya noon kay Bea Alonzo.

Pero, magagawa ba ni Gerald kay Julia Barretto ang ginawa niya noon kay Bea? Palaban si Julia and for sure, hindi siya ang tipong magpapakamartir sa pag-ibig.

Maraming guys ang nag-aabang na maging single si Julia, habang si Gerald, sira na ang image sa mga babae dahil sa kanyang pagiging babaero.