Atras! VILMA, AMINADONG WA’ PA ‘K’ MAG-VP

ni Erlinda Rapadas - @Teka Nga! | August 11, 2021

Hindi lang sa pagka-senador nararapat ang Star for All Seasons na si Congw. Vilma Santos-Recto. Ito ang paniniwala ng kanyang mga diehard supporters na nakasubaybay sa kanyang political career. Kahit na sa pagka-VP ay kakayanin na raw niya at malaki ang laban niya sa ibang makakalaban sa posisyon.

Pag-amin naman ni Congw. Vilma, kahit nu’ng governor pa lang siya ng Batangas ay marami na ang kumukumbinse sa kanya na tumakbong VP. Pero, magalang niya itong tinanggihan dahil para sa kanya ay hindi pa ganu’n kalawak ang kanyang kaalaman sa pulitika.

Ayaw niyang tumanggap ng posisyon na wala siyang sapat na kaalaman. Hindi niya gustong manalo dahil lang sa isa siyang sikat na artista. Ayaw ni Congw. Vilma na madaliin ang lahat. Alam niya na may tamang panahon sa bawat goal na gusto nating marating. Kaya, tinapos muna ng Star for All Seasons ang kanyang tatlong term bilang gobernador ng Batangas. At ngayon ay isa na siyang congresswoman.

Matunog ang balitang sasabak na si Ate Vi sa pagka-senador sa darating na 2022 elections. Pinag-aagawan na siya ng iba’t ibang partido. Malakas pa rin ang hatak niya sa tao kaya tiyak na lulusot siya.

Kaya ang final answer ni Congw. Vilma Santos Recto, hindi siya kakandidatong vice- president!

Wa' nang kiyeme-kiyeme, lantaran na… BEA, OBYUS NA SUPER-INLAB KAY DOMINIC KAYA TODO-YAKAP

ni Erlinda Rapadas - @Teka Nga! | August 10, 2021

Hindi pelikula kundi teleserye muna ang gagawin ni Bea Alonzo sa GMA-7 at si Alden Richards ang kanyang makakapareha.

Handang-handa nang sumabak sa trabaho si Bea matapos ang isang buwang pagbabakasyon sa USA kasama ang nobyong si Dominic Roque.

Pero, dahil ongoing pa ang seryeng The World Between Us na sina Alden at Jasmine Curtis ang mga bida, sa guestings sa iba't ibang shows ng GMA muna mapapanood si Bea Alonzo!

Feel na feel ni Bea ang warm welcome sa kanya ng mga Kapuso stars kaya madali siyang naka-adjust sa bago niyang network.

Samantala, napansin ng mga netizens na base sa mga larawang naka-post sa social media, mas sweet at mas clingy si Bea kesa sa BF niyang si Dominic. Lagi siyang nakayakap sa aktor at madalas din na magka-holding hands sila.

Open na open na sila sa kanilang relasyon at wala ngang balak si Bea na itago sa publiko ang kanyang love life ngayon.

Maging ang mga fans at kaibigan ni Bea ay botong-boto kay Dominic. Bukod kasi sa guwapo ay isa itong self-made man, isang successful businessman. Hindi lang pag-aartista ang kanyang pinagkakakitaan.

Kasal, kaya minadali na kahit simple lang… ANGEL, 36-ANYOS NA, ATAT NANG MAGKAANAK, KAMBAL ANG GUSTO

ni Erlinda Rapadas - @Teka Nga! | August 09, 2021

Ginulat ng showbiz couple na sina Angel Locsin at Neil Arce ang lahat nang i-announce nila sa kanilang vlog sa YouTube noong Sabado na sila ay kasal na.

Isang civil wedding ang naganap sa opisina mismo ni Taguig Mayor Lino Cayetano at dinaluhan ng kanilang pamilya at malalapit na kaibigan tulad ni Dimples Romana.

Hindi nasunod ang unang plano ni Neil Arce na bigyan ng isang bonggang dream wedding si Angel dahil hindi ito nakaranas na mag-celebrate ng debut at dumalo ng prom night.

Dapat ay November, 2020 pa ginanap ang kanilang kasal pero dahil sa COVID-19 pandemic ay nagbago ang mga plano at hindi natuloy. Pero tiniyak nina Angel at Neil na hindi matatapos ang 2021 ay matutuloy ang kasal.

At ‘yun nga, isang civil wedding ang naganap kung saan casual clothes lang ang suot ng bride and groom. Hindi naka-wedding gown si Angel, kundi blazer and pants lang at nakasuot siya ng sneakers.

Ganunpaman, kitang-kita ang sobrang kaligayahan ni Angel dahil finally, siya ay isa nang ganap na Mrs. Arce.

Sa lipat-bahay vlog nila ni Neil ay ipinakita ang kanilang pag-eempake ng mga gamit para dalhin sa kanilang sariling love nest.

Nabanggit din ni Angel na gusto na niyang magkaroon ng mga kids at kung puwede nga raw ay kambal kaya ngayong 36 yrs. old na siya, talagang nagdesisyon na siyang magpakasal.