Ikakasal na pero… ELLEN, ‘DI PA IPINAKIKILALA SI DEREK SA PAMILYA

Erlinida Rapadas - @Teka Nga! | April 12, 2021

Handa na ngang pakasalan ni Derek Ramsay ang nobyang si Ellen Adarna matapos ang kanyang biglaang pagpo-propose bago ang birthday ng sexy actress nu’ng April 2.

Pero ang labis na ipinagtataka ng mga netizens ay bakit puro mga kaibigan lang nina Ellen at Derek ang bumati sa kanila? Bakit parang wala man lang naging reaction ang mga kamag-anak ni Ellen nang mag-post sila sa social media tungkol sa kanilang relasyon na humantong nga sa engagement?

Naitanong tuloy ng mga showbiz observers kung alam ba ng pamilya ni Ellen ang nangyayari sa kanyang love life? Bakit dedma lang ang kanyang mga relatives sa balitang magpapakasal na sila ni Derek?

Si Ellen ang panganay sa 5 magkakapatid. Only girl siya at may apat na kapatid na lalaki. Hindi ba binalak ni Derek na pumunta ng Cebu para personal na makilala ang partidos ni Ellen Adarna?

‘Di ba’t noong si Andrea Torres ang nobya niya ay may “meet the parents” siyang ginawa at kasama pa niya ang kanyang pamilya?

Well, baka naman dahil sa ipinatutupad na ECQ ay hindi pa makabiyahe pa-Cebu sina Ellen at Derek kaya wala pang ganap na ‘meet the family’.

Abang-abang na lang tayo!

Impersonator ni Nora… ATE GAY, NAOSPITAL, INULAN NG TULONG NG MGA CELEBS

Erlinida Rapadas - @Teka Nga! | April 11, 2021

Abut-abot ang pasasalamat ng comedian na si Ate Gay (Gil Morales) sa mga kapwa artistang nagpadala ng tulong sa kanya.

Kasalukuyang nasa ospital si Ate Gay at nag-post siya sa FB ng update sa kanyang kalagayan.

Hindi naman siya nanghihingi ng ayuda at tulong-pinansiyal, pero kusang nagpadala sa kanya ang mga kapwa komedyante tulad nina Paolo Ballesteros, Jon Santos at Vice Ganda.

Muli, napatunayan ni Ate Gay na sa panahon ng pangangailangan, marami pa rin ang may magagandang puso na handang tumulong at dumamay sa kapwa.

Si Ate Gay ay sumikat sa showbiz dahil sa kanyang pag-i-impersonate sa Superstar na si Nora Aunor. Kuhang-kuha niya ang timbre ng boses ni La Aunor kaya maraming Noranians ang natutuwa sa kanya.