Pinakakamukha sa lahat ng apo… MGA DAMIT NI PILITA, KAY JANINE IPINAMANA

ni Erlinda Rapadas @Teka Nga | Apr. 16, 2025

Photo: Pilita at Janine Gutierrez - IG

Sa lahat daw ng apo ng Asia’s Queen of Songs na si Pilita Corrales, si Janine Gutierrez ang kamukha nito kaya naman masyadong malapit dito si Pilita. At pati ang mga damit na ginagamit niya sa kanyang mga shows ay ipinamana rin niya kay Janine. Classic kasi ang style ng mga ito at hindi nawawala sa uso.

Ayon na rin kay Janine, sobra nilang mami-miss ang Sunday bonding sa kanilang Mamita Pilita. Tuwing Linggo ay magkakasama sina Pilita at mga apo at masaya ang kanilang bonding. Masayahin din siyang lola at may pagka-kenkoy din.

Maraming nagmamahal kay Pilita Corrales na kapwa niya singers/performers. Hinangaan din si Pilita abroad kapag nagso-show kasama sina Elizabeth Ramsey at Reycards Duet. 

Hinangaan si Pilita Corrales maging ng mga foreigners na nanonood ng kanyang mga shows abroad.

Bago pa sumikat si Lea Salonga sa United States, si Pilita Corrales ang paboritong panoorin ng mga Pinoy doon.

---

Sa mga humuhusga sa aktor na si Phillip Salvador dahil hindi raw naging mabuting ama sa anak niya kay Kris Aquino na si Joshua at hindi nagbibigay ng sustento, kapos sila sa mga tunay na impormasyon.

Nang maghiwalay sina Kris at Phillip, ramdam ng aktor na ayaw ng una na magkaroon siya ng kaugnayan sa anak nilang si Joshua. Hindi inobliga ni Kris na magbigay ng sustento si Ipe dahil kaya naman niyang buhayin si Joshua na walang tulong-pinansiyal mula sa aktor. 

Ganunpaman, nag-request si Phillip na mahiram si Joshua kapag weekends upang maka-bonding ang anak. Pero bihira ngang ipahiram sa kanya si Joshua dahil laging kasama ito ni Kris sa mga lakad niya. 

Hanggang sa hindi na iginiit ni Ipe ang kanyang karapatan kay Joshua at ayaw na rin niyang makipagtalo pa kay Kris. Pagod na siya sa panunumbat ni Kristeta, ayaw na niya ng gulo. Mas pinili ni Phillip ang manahimik na lamang at hayaan ang mga bashers na siraan siya.

Pero bilang isang ama, missed na missed ni Kuya Ipe ang kanyang anak. At wish niya na mabigyan siya ni Kris ng pagkakataon na makita-makasama nang matagal-tagal si Joshua upang makabawi sa kanyang mga pagkukulang.

Alam din ni Phillip ang pinagdaraanang karamdaman ngayon ni Kris. Kasama raw sa kanyang mga dasal ang paggaling ng TV host-aktres dahil naging mabuti naman daw itong ina.

---

TANGGAP ni Rayver Cruz na hindi boto sa kanya ang ilang mga fans at supporters ni Julie Anne San Jose. Ayaw maniwala ng mga ito na sincere siya sa kanyang pagmamahal sa Limitless Star na si Julie Anne. Hanggang ngayon ay pinagdududahan pa rin kung totoong mahal niya si Julie Anne o ginagamit lang para umangat ang kanyang career.

At nagsisiguro lang ang mga loyal fans ni Julie Anne dahil ayaw nilang makitang nasasaktan ang kanilang idolo. Hindi raw niya deserve ang lokohin lamang.

Well, gusto nang burahin ni Rayver ang image niyang chickboy dahil sa mga nakaraan niyang relasyon. At nang dumating nga si Julie Anne sa kanyang buhay ay nabago ang lahat.

Natagpuan ni Rayver Cruz ang kapayapaan sa piling ni Julie Anne at maging sa kanyang trabaho ay malaki ang naging impluwensiya sa kanya ng Limitless Star. 

Nakita niya ang pagiging professional at goal-oriented ni Julie Anne San Jose kaya nagkaroon ng disiplina at sineryoso ang kanyang craft. Kaya ngayon ay swak na silang tandem ni Julie Anne San Jose.

---

EXCITED at masaya ngayon sina Billy Crawford at Coleen Garcia dahil parating na ang kanilang Baby No. 2. Ang panganay nilang anak na si Amari ay ipinanganak noong 2020. 

Gusto na raw nitong magkaroon ng kapatid, kaya naman maingat ngayon si Coleen sa kanyang pagbubuntis.

Inspirado naman si Billy dahil madaragdagan na naman ang kanilang pamilya. 

Malaki ang ipinagbago ni Billy simula nang siya ay naging padre de familia.

Nagbago ang kanyang mga pananaw sa buhay. Totally clean living na si Billy ngayon, hindi naninigarilyo, hindi umiinom, at wala na ring nightlife. 

Wala na ring issue tungkol sa kanyang pagka-casino dahil ang kanyang panahon ay ibinubuhos niya sa kanyang pamilya. 

And so far, tahimik at masaya si Billy sa piling ni Coleen at anak nilang si Amari.

Hindi lang sina Claudine at Gretchen… MADIR NI MARJORIE, ‘DI RIN INVITED SA KASAL NG ANAK

ni Erlinda Rapadas @Teka Nga | Apr. 15, 2025

Photo: Marjorie Barretto - Instagram

Masahol pa sa K-drama (Korean drama) ang nagaganap na hidwaan ngayon sa Barretto sisters na sina Gretchen, Claudine at Marjorie. 

Noong namatay ang kanilang ama, sinikap ng dating Pangulong Rodrigo Duterte na pag-ayusin o pagbatiin ang magkakapatid. Pero sa halip na magkaayos, gulo at nagrambulan pa sina Marjorie, Claudine at Gretchen sa burol. Wala nang nagawa maging si Atong Ang na nakiawat din sa gulo.

Pagkatapos ng nasabing insidente, maraming ibinunyag na sikreto si Marjorie laban kina Gretchen at Claudine.

At ngayong may gulong nangyari sa kasal ni Claudia na anak ni Marjorie, naalala muli ng publiko ang dating away ng Barretto sisters. 

Hindi lang pala si Dennis Padilla ang may issue sa naganap na kasal nina Claudia at Basti Lorenzo, hindi rin pala inimbita ni Marjorie ang kanyang ina sa kasal ni Claudia. At maging si Claudine, na naging malapit sa pamangkin na si Claudia noong bata pa ay hindi rin invited. At siyempre, wala rin si Gretchen. 

Ang nasabing kasalan ay para lang kay Marjorie at sa kanyang mga anak. Mukhang pinutol na ni Marjorie ang kanyang ugnayan sa kanyang pamilya, kaya imposibleng magkabati pa ang Barretto sisters. 

Matitigas ang kanilang puso at pinaiiral ang kanilang pride at walang gustong magpakumbaba.

---

CONSISTENT si David Licauco sa pagsasabing good friends sila ng kaparehang si Barbie Forteza. Hindi niya balak na samantalahin ang breakup nina Barbie at Jak Roberto. 

Alam ni David na nasa healing process si Barbie at kahit gustung-gusto na ng mga BarDa fans na mauwi sa totohanang relasyon ang lahat, hindi ito ginagawa ng “Pambansang Ginoo”. 

Darating daw ang tamang panahon, kaya hindi dapat madaliin at ipilit. 

Sa ngayon ay ine-enjoy lang nila ni Barbie ang kanilang friendship. Wala namang pressure sa tambalang BarDa kahit nangungulit ang mga fans. 

Marami rin ang nakakapansin na hindi na aloof si David Licauco at nakikipagbiruan na rin sa mga fans.

Samantala, sa kabila ng pagiging busy sa kanyang mga negosyo, maalaga sa kanyang katawan si David Licauco. Two times a day siyang nagdyi-gym kaya fit na fit siya nang rumampa sa Bench Body of Work. Pero hanggang abs lang daw ang kaya niyang ipakita.

---

MAGBABALIK muli ang original na artista search show ng TV5, ang Artista Academy at si Julia Barretto ang napiling mag-host. 

Ang tanong ngayon ng mga viewers ay kung kakayanin na ba ni Julia ang mag-host ng

talent search show? 

Sabagay, bihasa naman siyang magsalita ng English, at in full support din sa kanya ang mga kapatid na sina Dani, Claudia at Leon. 

Bukod sa AA, may gagawin ding serye si Julia Barretto sa TV5, ang Hello Heaven (HH) at may serye pa siya sa Kapamilya Network, ang What Lies Beneath (WLB). 

Hindi nga mababakante sa trabaho ngayong 2025 si Julia Barretto, may mga endorsements din siya na patuloy na dumarating.

Samantala, may ilang netizens naman ang nagsasabing sana raw ay hindi na nag-comment si Julia Barretto tungkol sa gulong nilikha ni Dennis Padilla sa kasal ng kapatid niyang si Claudia. Pinatutsadahan pa niyang “narcissist” ang kanyang amang si Dennis, at kumampi sa kanyang inang si Marjorie Barretto.

Dapat inisip ni Julia na tatay pa rin niya si Dennis at wala siya sa mundo kung wala sa buhay nila si Dennis Padilla.

Ex-GF, easy to get daw kaya pinagsawaan agad… MATURE NA NON-SHOWBIZ GIRL, IPINALIT NI KOBE KAY KYLINE

ni Erlinda Rapadas @Teka Nga | Apr. 14, 2025

Photo: Kobe Paras - Instagram

Patuloy ang paglutang ng bali-balitang break na sina Kyline Alcantara at Kobe Paras. Itinatanggi naman ito ng kampo ng aktres at wala pang official statement tungkol sa breakup nila. 

Gayunpaman, ipinagtataka ng mga fans kung bakit binura na ni Kobe ang mga larawan nila ni Kyline sa kanyang mga social media accounts. Kaya marami ang nagsasabi na 80% sure na tapos na ang relasyong Kobe at Kyline.

Balita na rin ngunit hindi pa kumpirmado na ang ipinalit ni Kobe kay Kyline ay isang mas mature na non-showbiz girl.

Well, may mga netizens ang nagsasabing umiral na naman ang pagiging chickboy ni Kobe Paras. Nagsawa na raw ito kay Kyline kaya naghanap na ng bago.

Ikinukumpara tuloy si Kobe ngayon kay Gerald Anderson na magaling lang mambola at magpaasa ng babae. Ang dali raw kasing napasagot ni Kobe si Kyline Alcantara. At sobra-sobrang pagmamahal ang ibinigay ng Kapuso actress. Hindi na-challenge si Kobe dahil hindi siya pinahirapan nang husto ni Kyline.

Pero tiyak na magtatanong ang mga fans ng aktres kung bakit ganoon lang kadali tumagal ang relasyong KyBe? Sino ang dapat sisihin?

---

Kaya todo-resbak kay Dennis… MARJORIE, TAKOT MAGING NEGA AT MATALONG KONSEHAL

MARAMING netizens ang naghihinala ngayon na kaya hindi na pinalagpas ni Marjorie Barretto ang pag-iingay ng kanyang dating mister na si Dennis Padilla sa nangyaring kasal ng anak nilang si Claudia Barretto ay dahil natakot ang dating aktres na maging nega siya sa mga residente ng Caloocan kung hindi niya maidedepensa ang sarili.

Tumatakbong konsehal ng Caloocan si Marjorie at malaking epekto nga naman sa kanyang kandidatura kung iisipin ng mga botante na minamanipula niya ang kanyang mga anak kaya nawalan ng papel si Dennis sa kasal ni Claudia.

Pero kahit na nilinaw na ni Marjorie na hindi niya bine-brainwash ang mga anak na magalit kay Dennis, marami pa rin ang naniniwala na bilang ina, siya ang dapat na maglapit ng loob ng mga anak sa ama ng mga ito.

Ikinukumpara tuloy si Marjorie kay Sunshine Cruz, na bagama’t hiwalay na rin sa dating mister na si Cesar Montano ay naging malapit ang loob ng 3 nilang anak sa kanilang ama.

Hindi kailanman siniraan ni Sunshine si Cesar sa kanilang mga anak. Ibinigay pa rin nila ang nararapat na respeto sa kanilang ama. 

Ngayong midterm elections ay tumatakbong konsehal sa First District ng Caloocan si Marjorie Barretto. Let’s see kung papabor pa rin sa kanya ang mga botante ng Caloocan.

---

MARAMI ang nagpapayo kay Barbie Forteza na dapat ay kumuha na siya ng sarili niyang glam team, lalo na’t sikat na siya ngayon.

Marami ang nakakapansin na medyo conservative pa rin kung manamit si Barbie at hindi siya gaanong concerned sa glam team na mag-aalaga sa kanya tuwing may event siyang pupuntahan.

Kaya naman pinipintasan at bina-bash si Barbie dahil sa “old style” niyang wardrobe.

Hindi raw nababagay sa kanyang stature ang style ng kanyang mga damit. 

May kinikita naman daw si Barbie, kaya dapat ay may budget din siya sa kanyang wardrobe na sunod sa uso. 

Big star na si Barbie, kaya deserve niya na magkaroon ng sariling stylist at make-up artist. Iniidolo pa naman siya ngayon ng maraming kabataan kaya dapat ay presentable ang kanyang hitsura at total look.

---

DUMARAMI na ang endorsements ng Mommy Grace ni Miguel Tanfelix, na karamihan ay mga produktong ginagamit sa pagluluto. Damay sa kasikatan ni Miguel ang kanyang mom na patok ang cooking vlog.

Marami rin ang naaaliw sa tandem ng mag-inang Grace at Miguel. Sa halip na ang nobyang si Ysabel Ortega ang makasama niya sa commercial, mas pinili ng mga netizens ang mom ni Miguel. At hindi sila makapaniwala sa bilis ng mga pangyayari.

May sarili na ring career ngayon ang Mommy Grace ni Miguel Tanfelix.