Taas-singil sa kuryente ngayong Marso

ni BRT @News | Feb. 24, 2025

File Photo: Electric meter - Circulated

Asahan umano ang taas-singil sa kuryente sa Marso.

Ito ay matapos aprubahan ng Energy Regulatory Commission (ERC) ang dagdag-singil para pondohan ang mga planta para sa renewable energy.

Ang singil na P0.0838/kWh ay magiging P0.1189/kWH na sa Marso. Katumbas ito ng P7.02 dagdag sa bill sa mga kumukonsumo ng P200 kWH sa isang buwan. 

Kailangan umano ng dagdag-singil dahil nauubos na ang pondo para sa renewable energy ng bansa.

Sinabi naman ng Meralco na tagasingil lamang sila nitong Feed-In-Tariff Allowance (FIT-All) charges at hindi sa kanila napupunta kundi nire-remit nila sa TransCo.

Singil sa kuryente, bababa next year — ERC

ni Angela Fernando - Trainee @News | November 14, 2023

Tiniyak ng Energy Regulatory Commission (ERC) sa Senado ngayon na kanilang babawasan ang singil sa bayarin sa ikalawang quarter ng taong 2024.

Ayon sa sponsor ng Department of Energy na si Sen. Sherwin Gatchalian, may badyet na natanggap ang ahensya na nagkakahalaga ng P888-milyon na nakalaan sa susunod na taon.

Aniya, makakaasa ang mga customer ng pagbaba ng singil ngunit nakikipag-ugnayan pa sila sa ibang ahensya tulad ng National Grid Corporation of the Philippines upang matukoy nila kung gaano kalaki ang ibababa nito.

Dagdag ng senador, "Right now we are still in the process of conducting hearings and they have requested NGCP and other stakeholders to file their comments and submit their comments. All of those will be compiled and a final decision will happen by the end of the year."

Sa kasalukuyan, ang kanilang tinitingnang solusyon ay ang pagbawas ng bayarin sa transmisyon para mabilis din itong mabantayan.

Taas-singil sa kuryente

ni Mai Ancheta | June 22, 2023

Humirit ng dagdag-singil sa kuryente sa Energy Regulatory Commission (ERC) ang 48 power distributors sa Luzon, kabilang na ang Meralco.

Nakapaloob ito sa hirit na rate adjustment o automatic cost adjustment ng 48 distribution utilities sa Luzon na regular adjustment ng mga utility kada tatlong taon.

Kapag natuloy, 22 centavos per kilowatt hour ang sisingilin sa mga power customer.

Ayon kay Joe Zalderiaga ng Meralco, mayroon silang mga dapat habulin na binayaran na nila gaya ng generation charge, transmission charge, system loss, subsidies, taxes at iba pa.

Sinabi naman ni ERC Chairperson Monalisa Dimalanta, dadaan sa masusing pag-aaral ang kahilingan na tatagal ng dalawa hanggang tatlong buwan.