Erap, bumuti na ang kondisyon sa COVID-19

ni Mary Gutierrez Almirañez | April 17, 2021

Bumuti na ang kalagayan ni dating Pangulong Joseph ‘Erap’ Estrada mula nang ibalik siya sa intensive care unit (ICU) para sa non-COVID patients, ayon sa Facebook post ni former Senator Jinggoy Estrada ngayon.

Aniya, “My father is doing better today. His medications for blood pressure support are being lessened and his kidney function is improving. Overall, he seems to be responding well to measures to control the lung infection.”

Matatandaang nagpositibo sa COVID-19 si Erap noong nakaraang buwan at dinala sa ICU dahil sa pneumonia.

Ika-9 ng Abril nang tanggalin ang ventilator support sa kanya at inalis siya sa ICU matapos gumaling sa virus.

Nu'ng isang araw ay muling ibinalik sa ICU ang dating Pangulo matapos ma-diagnose ng bacterial lung infection. Patuloy namang inoobserbahan ang kanyang kondisyon.

“He is still on oxygen support but continues to be alert and oriented. He still remains at the ICU for further monitoring. Please continue to pray that his progress continues,” sabi pa ni Jinggoy.

Baga, naimpeksiyon… Erap, ibinalik sa ICU

ni Ronalyn Seminiano Reonico | April 16, 2021

Ibinalik sa intensive care unit (ICU) para sa non-COVID patients si dating Pangulong Joseph “Erap” Estrada matapos ma-diagnose ng bacterial lung infection, ayon sa kanyang anak na si ex-Senator Jinggoy Estrada ngayong Biyernes.

Pahayag ni Jinggoy sa kanyang Facebook post, “We wish to announce that my father had a slight setback last night as his doctors found a super imposed bacterial lung infection. "He has been brought back to the regular ICU (non-COVID) for monitoring and support of his blood pressure which fluctuated due to the said infection."

Ayon din kay Jinggoy, stable naman ang lagay ng kanyang ama. Aniya pa, “But overall, he is stable with high flow oxygen support.”

Nanawagan din si Jinggoy ng dasal para sa agarang paggaling ni Erap at ng lahat ng tinamaan ng COVID-19.

Aniya, “Once again, we ask for your prayers for his immediate recovery and also to all those infected with COVID-19."

Si Erap ay nagpositibo sa COVID-19 noong nakaraang buwan at dinala sa ICU dahil sa pagkakaroon ng pneumonia.

Noong April 9, tinanggal ang ventilator support sa kanya at inalis siya sa ICU noong Martes matapos magnegatibo na sa COVID-19.