KC, INUNA PANG I-GUEST SI JUDAY KESA KAY SHARON SA ONLINE SHOW SA YOUTUBE

Beth Gelena / Bulgary Files

Last February nang i-launch ni KC Concepcion ang kanyang YouTube channel na The KC Diaries.

Maraming celebrities ang nag-subscribe sa YT channel ng actress-entrepreneur like Kathryn Bernardo, Alex Gonzaga and Ivana Alawi.

Nu’ng Friday (May 29), Kitchen Collabs ang napanood sa kanyang YT channel. Inimbitahan niya ang kaibigang Filipino-Canadian chef na si Jordan Andino.

Ani KC, “I asked my good friend Chef Jordan Andino to TEACH ME HOW TO COOK, and we were surprised to see thousands of you join us live in the kitchen!”

Very happy ang Mega Daughter dahil ang daming nanood sa kanyang vlog. Agad siyang nag-post sa kanyang Instagram account na ang next niyang celebrity guest ay ang Teleserye Queen na si Judy Ann Santos.

“I’m sooo excited to share with you who’s going LIVE with us on my IG LIVE today (Sunday)! Oh… my… gosh… ate JUDY ANN SANTOS lang naman! I can’t wait for us to learn her SEAFOOD CURRY that I loveee!!!”

Ibinahagi rin ni KC ang mga ingredients sa lulutuin nilang Seafood Curry ni Chef Juday.

Marami ang naaliw sa bagong online show ni KC na Kitchen Collabs. Educational daw ang show at marami ang natututong magluto dahil mga prominenteng chefs ang nagiging guests ng anak ni Sharon Cuneta.

Sabi ng mga followers ni KC, sana ay maimbitahan niya ang inang si Shawie at sabay silang magluto ng kanilang favorite food.

Heto ang mga komento ng mga netizens sa bagong online show ni KC… @joielucas: “Omg!!! You both will rock the world!”

@milethski: “Woooooooooh… excited! Gusto ko ‘yan.”

@maglalanggina_sharonian_ tmu: “Wow looking forward to see you both Kace and Juday.”

10 TATTOO NI NADINE, MAY IBA'T IBANG MEANING

Beth Gelena / Bulgary Files

ANG dami palang tattoo ni Nadine Lustre sa iba’t ibang bahagi ng kanyang katawan, SAMPU!!! At bawat isa ay may meaning daw.

Nainterbyu ang controversial actress sa Monster RX93.1 na ang mga hosts ay sina Rico Robles at Karla Aguas.

Binigyan ni Nadine ng chance ang mga fans na magtanong sa kanya tungkol sa personal niyang buhay.

Isang JaDine fan ang nagpadala ng compiled photos ni Nadine kung saan may mga tattoo ang aktres sa iba’t ibang parte ng katawan na may mga meaning.

"Nozomi Komiya" ang nakalagay sa isang malapit sa kanyang armpit. Ang ibig sabihin daw nito ay ang kanyang surname dahil may dugo siyang Japanese. Para sa aktres, it means hope dahil ang hope sa Japanese ay Nozomi.

May naka-tattoo naman na rose sa bandang right arm ng aktres near her hand. 'Yun daw ang favorite flower ni Nadine at para sa kanya, it symbolizes self-love.

May title ng kanta mula sa Tadhana, 'yung Nakayapak at Nahihiwagaan. Favorite song daw ‘yun ng kanyang namatay na kapatid na ipinalagay ng aktres nu’ng death anniversary ng utol.

Sa isa niyang daliri ay may nakatatak na "Oh La La". Simbolo raw ito ng pagmamahal at admiration niya sa foreign singer na si Lady Gaga.

May makikita rin sa isa pa niyang daliri na "Ma Cherie", meaning "my sweetheart" sa French.

Meron ding wrist tattoo, matching tattoos nilang magkakaibigan — Lauren, Andrea at Kiana.

May tattoo ring heart si Nadine sa isa pang daliri. It reminds her to do everything with love.

Meron ding crescent moon na inspired daw mula sa Everglow song ng Coldplay.

Ang vine tattoo naman ay nagpapaalala sa kanya to keep humble and grounded.

At ang huli ay "Ego Omnia", meaning “I am everything” na nakamarka naman sa bandang itaas ng kanyang bewang.

Ang mga larawan ay ibinahagi ng JaDine fans na si @Yvone JaDine Alamag.

KIM 'DI NA NAPIGILAN ANG MGA BASHERS. RUMESBAK

Beth Gelena / Bulgary Files

ISINUSULONG na ng Kongreso ang provisional franchise ng ABS-CBN para muling umere sa darating na Hunyo hanggang October 31, 2020, pero ang mga bashers ni Kim Chiu ay ayaw pa ring tumigil sa pang-aalipusta sa kanya.

Hindi pa rin maka-move on ang mga ito sa mga salitang binitawan ng chinitang aktres hinggil sa pagtatanggol niya nang biglang ipasara ng NTC ang Kapamilya Network.

Maraming Kapamilya artists ang nagsalita sa #LabanKapamilya live streaming, pero tanging ang sinabi ni Kim ang nakaagaw-atensiyon sa mga bashers.

Nu’ng una ay pinalampas ng Kapamilya actress ang mga panlalait ng mga netizens, but lately ay hindi na siya nakatiis kaya rumesbak na rin siya.

Hindi patolera si Kim sa mga bumabatikos sa kanya. Hangga’t kaya niyang magtimpi ay ginagawa niya.

Kaso, sa muli niyang pagbubukas ng kanyang social media account ay may mga komento na naman siyang nabasa tulad nito, “'Yan, ganyan na lang gawin mo kung saan ka magaling. Haha! Umimpis na utak kaka-workout eh.”

Sinagot ni Kim ang commenter, “Sa dami ng sinabi ko! Dalawang oras kaming nagsasalita roon, 'yun lang na-pick-up mo?!! Mas low ka pa sa akin, eh! 'Di naman kita kilala pero kung makapagsalita ka! Sobra ka! Ikaka-proud ba ng nanay mo 'yung sinabi mo?”

Lalong nasaktan si Kim sa isa pang komento ng basher kung saan may kasama pang mura, “DAPAT MO SIGURO I-WORKOUT ANG UTAK MO… LECHE KA!”

“Grabe naman, ate! Inaano po kita para magmura ka nang ganyan???!!! Grabe ka naman po! Sinaktan ba kita?!!! Para magsalita ka nang ganyan! Grabe ka naman!!! Prenu-preno rin!"

Lalong dumami ang mga bashers ni Kim dahil sa kanyang controversial statement nang ikumpara niya ang NTC’s Cease and Desist order sa classroom rules.

“Sa classroom, may batas. Bawal lumabas. O, bawal lumabas, pero 'pag sinabi, 'pag nag-comply ka na bawal lumabas, pero may ginawa ka sa ipinagbabawal nila, inayos mo 'yung law ng classroom n'yo at sinubmit mo uli, ay, puwede na pala ikaw lumabas.”

Hindi raw kasi in-explain nang mabuti ng Kapamilya actress kung ano ang kanyang punto.

Aminado si Kim na sinusuportahan pa rin niya si Presidente Rodrigo Duterte, pero mas vocal siya sa pagsuporta sa ABS-CBN dahil ‘yun ang kanyang home network.

Sana naman, tigilan na ng mga bashers si Kim. Hindi man masyadong na-explain ng actress ang kanyang sinabi, ang bottomline nu’n ay ipinaglalaban niya kung ano ang para sa kanya ay tama.