Ex-VP Binay, naghain ng COC sa pagka-senador sa 2022 elections

ni Lolet Abania | October 7, 2021

Muling papasukin ni dating bise presidente Jejomar “Jojo” Binay ang mundo ng pulitika.

Ngayong Huwebes, naghain si Binay ng kanyang certificate of candidacy (COC) para tumakbong senador sa ilalim ng kanyang partidong United Nationalist Alliance (UNA) para sa 2022 elections.

“We learned during this pandemic how the people have been deeply neglected. We need to fix this,” ani Binay sa isang statement.

Ayon kay Binay, dapat na unahin umano ng susunod na administrasyon ang mabigyan ng trabaho ang halos 4 milyong indibidwal na nawalan ng ikabubuhay, higit sa 3 milyong pamilya ang dumanas umano ng gutom at libu-libong mga negosyo ang nagsara dahil sa pandemya ng COVID-19.

“Looking forward, we should work to rebuild our economy in a way that puts priority on creating stable jobs. We should reform our health care system. And the safety, welfare, and well-being of the people should always be our foremost concern,” sabi ni Binay.

“I have been in public service for more than 30 years. This is what I will offer to our people,” dagdag pa niya.

Naging bise presidente si Binay sa administrasyon noon ng yumaong dating Pangulong Benigno “Noynoy” Aquino III.

Noong 2016 elections, tumakbo sa pagka-pangulo si Binay subalit natalo siya ni Pangulong Rodrigo Duterte na noon ay mayor ng Davao City.

Sumabak din siya sa pagka-kongresista ng Makati noong 2019, subalit nabigo rin siya

VP Leni, tatakbong pangulo sa 2022 elections

ni Jasmin Joy Evangelista | October 7, 2021

Pormal nang inanunsiyo ni Vice President Leni Robredo ang kanyang pagtakbo sa pagka-pangulo sa 2022 elections.

Sa kaniyang talumpati sa Office of the Vice President (OVP), tinanggap nito ang hamon ng pagtakbo niya sa pinakamataas na posisyon sa gobyerno.

“Lalaban ako. Lalaban tayo. Inihahain ko ang aking sarili bilang kandidato sa pagkapangulo sa halalan ng 2022,” ani VP Leni.

Matatandaang inendorso ng 1Sambayan si Robredo ngunit hindi niya agad tinanggap dahil sa ilang konsiderasyon.

"Ang kinabukasan pinagsisikapan at pinaglalaban. Kailangan natin piliing humakbang. Heto ako ngayon — humakakbang. Ipaglalaban ko kayo hanggang dulo. Itataya ko ang lahat at ibubuhos ang lahat ng kaya kong ibuhos,” dagdag ni Robredo.

Makakasama ni VP Leni bilang kanyang running mate si Sen. Kiko Pangilinan.

Inaasahang ngayong araw ihahain ng bise presidente ang kaniyang certificate of candidacy (CoC) sa Sofitel, Pasay City.

Bongbong Marcos inanunsiyo na ang pagtakbo sa pagka-presidente sa 2022 elections

ni Jasmin Joy Evangelista | October 5, 2021

Pormal nang inanunsiyo ni dating Sen. Bongbong Marcos na tatakbo siya sa pagkapangulo sa 2022 elections ngayong Martes.

Inihayag ito ni Marcos kasabay ng inagurasyon ng kanyang campaign headquarters sa EDSA, Mandaluyong City.

Sa ngayon, wala pang binabanggit si Marcos kung sino ang kanyang magiging ka-tandem at kung kalian ito magpa-file ng COC.

Nanumpa rin si Marcos sa ilalim ng Partido Federal ng Pilipinas sa harap ng general campaign manager na si Vic Rodriguez.

Si Rodriguez ang siya ring tumatayong kanyang election lawyer chairman ng nasabing partido.