Partylist, tunay na kumakatawan, in, wa’ silbi, out!

by Info @Editorial | Oct. 3, 2024

Kasabay ng umaarangkadang paghahain ng Certificate of Candidacy, umabot naman sa 42 partylist groups ang inalis ng Commission on Elections (Comelec) o kinansela ang rehistrasyon para sa 2025 elections. 

Sa Memorandum No. 241119 ng Comelec, ang mga grupo o koalisyon ay inalis sa listahan dahil hindi nakasali sa nagdaang dalawang halalan.

Samantala, may grupo naman na bigong makakuha ng at least 2% ng mga boto sa partylist system at hindi nakakuha ng upuan sa second round ng seat allocation sa nakalipas na dalawang halalan.

Mayroong 160 partylist organizations ang kasali sa 2025, at 42 sa mga ito ay bagong grupo.

Mahalaga ang papel ng mga partylist sa sistema ng pamahalaan. 

Gayunman, hindi maikakaila na marami sa mga ito ay hindi tunay na kumakatawan sa mga sektor na kanilang sinasabing pinapangalagaan. 

Kailangan nating suriin kung sino ang talagang nagtataguyod ng interes ng mga marginalized at disadvantaged na grupo.

Ang mga partylist na tunay na kinatawan ng sektor ay ang mga may malinaw na plataporma at may kakayahang ipaglaban ang karapatan at kapakanan ng kanilang mga constituent. 

Sila ay dapat na may koneksyon sa mga komunidad, nakikinig sa kanilang mga hinaing, at aktibong nakikilahok sa mga isyu na tumutukoy sa kanilang sektor.

Bagama’t sa ating karanasan, maraming partylist ang naliligaw ng landas. Madalas na ang mga ito ay nagiging daluyan lamang ng interes ng mga mayayamang pulitiko at hindi ng mga tunay na pangangailangan ng masa. 

Ang mga sektor ay dapat magkaroon ng sapat na kaalaman sa kanilang mga karapatan at sa mga obligasyon ng kanilang mga kinatawan. Sa ganitong paraan, mas madali nating matutukoy kung sino ang talagang naglilingkod sa ating bayan.

Ang tunay na pagbabago ay nagsisimula sa atin. Bilang mga botante, responsibilidad nating piliin ang mga partylist na tunay na kumakatawan at naglilingkod at ibasura ang mga walang silbi at korup.

MOA Signing: P40 milyon mula sa Comelec para sa AFP sa nalalapit na BSKE 2023

ni Jeff Tumbado @News | September 30, 2023

Personal na iniabot ni Commission on Elections (Comelec) Chairman Atty. George Erwin Garcia kay Armed Forces of the Philippines (AFP) Chief of Staff General Romeo Brawner ang tseke na nagkakahalaga ng P40 milyon mula sa pondo ng komisyon para gamitin ng sandatahang lakas sa operasyon sa panahon ng Barangay at Sangguniang Kabataan Elections (BSKE) sa Oktubre 30, 2023. Kasamang sumaksi sa Memorandum of Agreement (MOA) si Defense Secretary Gilberto “Gibo” Teodoro at dalawa pang Comelec officials

Nangangampanya kahit bawal pa — Comelec.. DQ vs. 66 kandidato

ni Madel Moratillo @News | September 25, 2023

May 66 kandidato sa Barangay and Sangguniang Kabataan Elections (BSKE) ang nanganganib madiskwalipika dahil sa premature campaigning.

Ayon kay Commission on Elections Chairman George Garcia, inaasahang madadagdagan pa ang bilang na ito dahil patuloy pa ang kanilang pagbibigay ng show cause order sa mga pasaway na kandidato.

Ayon kay Garcia, ang ilan sa mga kandidato na ito ay nag-host ng raffle draws, ang iba naman ay dahil sa paglalagay ng campaign materials na nakalagay ang pangalan at posisyong tinatakbuhan.

May iba na ginagamit naman ang social media sa pangangampanya.

Paalala ni Garcia, ang campaign period ay sa October 19 hanggang 28 pa.

Nasa 1,955 show cause orders na aniya ang kanilang naisilbi kaugnay ng nalalapit na BSKE. Sa bilang na ito, 228 kandidato palang ang nagbigay ng paliwanag.

May 104 reklamo naman ang na-drop dahil sa kawalan ng basehan. Inaasahang pormal na maisasampa ng Comelec ang disqualification cases sa darating na linggo.

Pagkatapos ay ira-raffle ito sa mga dibisyon ng Comelec para sa pagdinig at target mailabas ang desisyon bago ang October 30 BSKE.