Eid al-Adha prayers, nakatakda sa Hunyo 16

ni Eli San Miguel @News | June 15, 2024

Nakatakdang ganapin ang Eid al-Adha prayers sa Hunyo 16, ayon sa Islamic advisory council ng rehiyon. Sa isang pahayag na inilabas nitong Sabado, sinabi ng Bangsamoro Darul-Ifta' (BDI) na magaganap ang mga panalangin sa ganap na alas-6 ng umaga.

Ayon kay Bangsamoro Grand Mufti Sheikh Abdulrauf Guialani, tumutugma ang petsa sa ika-10 araw ng Dhul-Hijjah sa Islamic calendar (1445 H).

"Celebrations will officially commence following the Eid Khutbah (sermon) after the prayer and continue until the Ayyam Al-Tashreeq (Days of Throwing), which will begin on June 17 and conclude with the Maghrib (sunset) call to prayer on June 19," ani Mufti Guialani.

Kilala rin ang Eid al-Adha bilang "Festival of Sacrifice," na isang mahalagang pagdiriwang sa Islam na nagpapahayag ng matibay na debosyon ni Propeta Ibrahim (Alayhis Salam) kay Allah.

Idineklara ng Malacañang Palace na regular holiday ang Hunyo 17, 2024, bilang paggunita sa Eid'l Adha.

Hulyo 9, Eid’l Adha, idineklarang regular holiday ni P-BBM

ni Lolet Abania | July 6, 2022

Idineklara ni Pangulong Ferdinand “Bongbong” Marcos Jr. na regular holiday ang Hulyo 9 bilang paggunita ng Eid’l Adha o ang Feast of Sacrifice.

Sa Proclamation No. 2, na may petsang Hulyo 5, nakasaad na ang Eid’l Adha ay isa sa dalawang pinakadakilang kapistahan ng Islam.

Nakapaloob din na ang paggunita ng Eid’l Adha ay subject sa public health measures ng gobyerno.

Sa pagdiriwang ng Eid’l Adha, ang mga Muslims ay nagkakatay ng mga sheep, kambing, baka, at camel upang gunitain ang pagpayag ni Prophet Ibrahim na isakripisyo ang kanyang anak sa utos ni Allah.

Eid’l Adha, gaganapin sa Hulyo 9 — Bangsamoro Darul-Ifta

ni Lolet Abania | June 30, 2022

Nakatakdang ganapin ang Eid’l Adha o ang Feast of Sacrifice sa Hulyo 9, batay sa inianunsiyo ng Islamic advisory council ng Bangsamoro Region o ang Bangsamoro Darul-Ifta ngayong Huwebes.

“By virtue of the authority vested in me as Bangsamoro Mufti, I hereby announce that the Eidul-Adha sacrificial festival this year will be on Saturday, July 9,” ani Mufti Abuhuraira Udasan sa isang statement.

Sa pagdiriwang ng Eid’l Adha, ang mga Muslims ay nagkakatay ng mga sheep, kambing, baka, at camel para gunitain ang malugod na pagpayag ni Prophet Ibrahim na isakripisyo ang kanyang anak sa iniutos ni Allah.

Ito ang isa sa dalawang mahahalagang holidays sa Muslim calendar na ang isa ay ang Eid’l Fitr, na itinuturing naman na pagtatapos ng holy fasting month ng Ramadan.