Eid al-Adha prayers, nakatakda sa Hunyo 16

ni Eli San Miguel @News | June 15, 2024

Nakatakdang ganapin ang Eid al-Adha prayers sa Hunyo 16, ayon sa Islamic advisory council ng rehiyon. Sa isang pahayag na inilabas nitong Sabado, sinabi ng Bangsamoro Darul-Ifta' (BDI) na magaganap ang mga panalangin sa ganap na alas-6 ng umaga.

Ayon kay Bangsamoro Grand Mufti Sheikh Abdulrauf Guialani, tumutugma ang petsa sa ika-10 araw ng Dhul-Hijjah sa Islamic calendar (1445 H).

"Celebrations will officially commence following the Eid Khutbah (sermon) after the prayer and continue until the Ayyam Al-Tashreeq (Days of Throwing), which will begin on June 17 and conclude with the Maghrib (sunset) call to prayer on June 19," ani Mufti Guialani.

Kilala rin ang Eid al-Adha bilang "Festival of Sacrifice," na isang mahalagang pagdiriwang sa Islam na nagpapahayag ng matibay na debosyon ni Propeta Ibrahim (Alayhis Salam) kay Allah.

Idineklara ng Malacañang Palace na regular holiday ang Hunyo 17, 2024, bilang paggunita sa Eid'l Adha.

Double pay sa magtatrabaho sa Eid'l Adha — DOLE

ni Eli San Miguel @News | June 14, 2024

Makakatanggap ng double pay ang mga empleyado na magtatrabaho sa Hunyo 17 para sa Eid'l Adha, ayon sa Department of Labor and Employment (DOLE). Nakasaad ang mga alituntunin para sa pagpapasahod sa Labor Advisory No. 08, na nilagdaan ni DOLE Undersecretary Carmela Torres.

Idineklara ni Pangulong Ferdinand "Bongbong" Marcos Jr. ang Hunyo 17 bilang isang regular holiday para sa Eid'l Adha, sa pamamagitan ng Proclamation 579.

Isinaad ng DOLE Sa pinakabagong labor advisory na, “for work done during the regular holiday, the employer shall pay a total of 200% of the employee's wage for that day for the first eight hours,” computed as (Basic wage x 200%).

Sa kabilang banda, kung hindi magtatrabaho ang empleyado, dapat pa rin magpasahod ang employer ng 100% na sahod ng empleyado para sa araw na iyon dahil nakasaad din na, “provided that the employee reports to work or is on leave of absence with pay on the day immediately preceding the regular holiday.”

“Where the day immediately preceding the regular holiday is a non- working day in the establishment or the scheduled rest day of the employee, he or she shall be entitled to holiday pay if the employee reports to work or is on leave of absence with pay on the day immediately preceding the non-working day or rest day,” pahayag ng DOLE.

Hulyo 9, Eid’l Adha, idineklarang regular holiday ni P-BBM

ni Lolet Abania | July 6, 2022

Idineklara ni Pangulong Ferdinand “Bongbong” Marcos Jr. na regular holiday ang Hulyo 9 bilang paggunita ng Eid’l Adha o ang Feast of Sacrifice.

Sa Proclamation No. 2, na may petsang Hulyo 5, nakasaad na ang Eid’l Adha ay isa sa dalawang pinakadakilang kapistahan ng Islam.

Nakapaloob din na ang paggunita ng Eid’l Adha ay subject sa public health measures ng gobyerno.

Sa pagdiriwang ng Eid’l Adha, ang mga Muslims ay nagkakatay ng mga sheep, kambing, baka, at camel upang gunitain ang pagpayag ni Prophet Ibrahim na isakripisyo ang kanyang anak sa utos ni Allah.