Bagsik ni Maluto, umubra, pasok sa final ng VG 10-Ball

ni Eddie M. Paez Jr. - @Sports | February 7, 2021

Lumagpak ang pangatlong higanteng manunumbok sa angas ni Aivhan Maluto ng Pilipinas upang maipagpatuloy sa kanyang paninira sa script ng mga eksperto at mga miron at matagumpay na makapasok sa finals kontra kay Polish ace Konrad Juszczyszyn ng tutuldukan nang 2020 Poison VG 10-Ball 2.0 Virtual Tournament.

Nasingitan ni Maluto si Japanese champion Naoyuki Oi para sa pagpasok sa championship round habang si Jim Telfer ng USA ang naging biktima ni Juszczyszyn sa mga bakbakan sa final 4.

Hindi pamilyar sa mga billiards aficionados sa buong mundo ang pangalan ni Maluto pero sa torneong nabanggit ngayong panahon ng pandemya, nasaksihan ang bangis ng sumibol na bituin ng Philippine biliiards. Kabilang sa mga nakatikim ng bagsik niya ay sina dating world 9-ball champion at 2-time World Cup of Pool winner mula sa Austria na si Albin Ouschan (round of 16), European titlist mula sa Poland na si Mieszko Fortunski (quarterfinals) at ang 4th ranked na Hapones.

"Aivhan Maluto on the other hand has been a COMPLETE monster killer the entire event. If you have not heard of this player before, I advise remembering it from here. This guy is a BEAST. The only match he has lost the entire event was when Kelly Fisher ran a perfect 8 out of 8 set against him in the qualifiers. From there, he qualified for the Kamui Playoffs and beat defending champion and a world champion Ouschan Albin, then bear the overall number 1 seed Mieszko Fortunski, before beating number 4 overall seed Naoyuki Oi in his semifinal matchup, this guy is on a run with destiny!!" pagsasalarawan sa Facebook page ng mga tagapangasiwa ng paligsahan sa nanonorpresang Pinoy.

Si Maluto ay sobrang dehado laban kay Fortunski. Ang huli ay namayagpag sa Italian Open (2016) at sa European Championships (2015, 2018, 2019). Hindi binigyan ng tsansang magwagi ang Pinoy sa duwelo nila ng Austrian dahil bukod sa wala siyang marka sa pandaigdigang entablado ng pagtumbok, malupit na kalaban talaga si Ouschan.

Aivhan, itinumba ang Polish sa q'finals ng VG 10-Ball

ni Eddie M. Paez Jr. - @Sports | February 6, 2021

Tuloy ang pananalasa ni Aivhan Maluto ng Pilipinas sa pandaigdigang entablado ng pagtumbok matapos na itumba nito ang European champion mula sa Poland na si Mieszko Fortunski sa quarterfinals ng ginaganapna playoff rounds sa Poison VG 10-Ball 2.0 Virtual Tournament.

Si Naoyuki Oi ng Japan ang susunod na haharapin ni Maluto at kung malulusutan niya ang Hapones ay swak na siya sa finals kung saan isang hakbang na lang ang magiging layo niya sa champion’s purse na $5,500. Bukod dito ay siguradong kikilalanin na siya sa buong daigdig na isang malupit na cue artist mula na naman sa Pilipinas.

Maliban kina Maluto at Oi, nasa semifinals na rin ng online na bakbakang unang umusbong noong kalagitnaan ng lockdown at travel restrictions nung 2020 sina Jim Telfer ng USA at ang Polish na si Konrad Juszczyszn.

Si Maluto ay dehado laban kay Fortunski. Ang huli ay namayagpag sa Italian Open (2016) at sa European Championships (2015, 2018, 2019). Pero hindi ito naging hadlang sa pagpasok ng Pinoy sa final 4. Ang Polish ay pangalawa na sa mga higanteng pinabagsak ni Maluto. Nauna rito ay sinilat niya si Albin Ouschan ng Austria.

Hindi binigyan ng tsansang magwagi ng mga eksperto at ng mga miron si Maluto sa duwelo nila ng Austrian dahil bukod sa wala siyang marka sa pandaigdigang entablado ng pagtumbok, malupit na kalaban talaga si Ouschan.

Pinag-empake ni maluto sa Poison VG 10-Ball ang Austria

ni Eddie M. Paez Jr. - @Sports | February 4, 2021

Inilaglag ni Aivhan Maluto ng Pilipinas ang isang élite cue artist sa katauhan ni Austrian Albin Ouschan sa isang pangangaldag na sumira sa script ng ginaganapna playoff rounds sa Poison VG 10-Ball 2.0 Virtual Tournament.

Susunod na sasagupain ni Maluto sa lalo pang umiigting na bakbakan sa knockout phase ng torneo ang pambato ng Poland na si Mieszko Fortunski. Maliban sa underdog na Pinoy, may tsansa pa rin para sa korona sina Jim Telfer (USA), Mika Immonen (Finland) at Wojtek Szewczyk (Poland).

Hindi binigyan ng tsansang magwagi ng mga eksperto at ng mga miron si Maluto sa duwelo nila ng Austrian dahil bukod sa wala siyang marka sa pandaigdigang entablado ng pagtumbok, malupit na kalaban talaga si Ouschan.

Kumikislap ang kartada ng Austrian kung ikukumpara sa rekord ni Maluto kahit saang anggulo tumingin. Bukod sa pagiging hari ng 2016 World 9-Ball Championships, si Ouschan rin ay bahagi ng tambalang nagbigay sa Austria ng korona ng World Cup of Pool noong 2017 at 2019. China ang biktima ng Austria sa finals noong 2017 habang Pilipinas naman (kinatawan noon nina Carlo Biado at Jeffrey De Luna) ang tumiklop kina Ouschan at Mario He noong 2019.

Si Maluto, konektado sa Powerbreak Billiards Hall ng Abu Dhabi, United Arab Emirates ay pangalawa lang sa Group 4 qualifiers na kinabibilangan nina Czech Republic gem Roman Hybler, Great Britain pride Kelly Fischer at kapwa Pinoy na si Elijah Alvarez. Nakapasok lang siya sa playoff round dahil sa mataas nitong Rack Runs (19) at Ball Runs (218). Si Fisher, isa sa pinakamalupit na babaeng cue artist sa buong mundo, ang nanguna sa grupo (3-0), pumangatlo ang 16-taong-gulang na si Alvarez (1-2) at kulelat si Hybler (0-3).

Nakagawa rin kamakailan ng kaunting ingay sa Predator One Pool 10x4 10-Ball Championships si Maluto matapos magkampeon sa isang qualifying tournament.

Halagang $5,500 ang papremyong salapi na naghihintay sa magiging kampeon habang $3,500 naman ang ibubulsa ng sesegunda sa paligsahang masusubaybayan sa you tube at facebook sa tulong na rin ng "Cue It Up and Billiards Podcast".