Sindikato, mas rich at powerful na.. Drug war ni Duterte, naabuso — P-BBM

ni Mylene Alfonso | May 6, 2023

Aminado si President Ferdinand Marcos, Jr., na may nangyaring pang-aabuso sa war on drugs noong administrasyon ni dating Pangulong Rodrigo Duterte.

Ayon kay Marcos, itinuon noong nakaraang administrasyon ang war on drugs sa law enforcement kaya nagkaroon umano ng pang-aabuso ang gobyerno at naapektuhan maging ang human right situation sa bansa.

"What had happened in the previous administration is that we focused very much on enforcement. And because of that, it could be said there were abuses by certain elements of the government that has caused some concern in many quarters about the human rights situation in the Philippines," pahayag ni Marcos sa Forum ng Center for Strategic and International Studies sa Washington.

Gayunman, inihayag ni Marcos na wala siya sa posisyon para punahin ang mga pagpapalakad ng nakalipas na administrasyon.

"I’m in no position to assess the administration of anybody else. That is not proper for me to -- that’s not a proper role for me to take," diin ni Marcos.

Sa halip, pagtutuunan na lang aniya ng kanyang administrasyon ang pagtukoy sa mga sindikato na malaking bahagi sa galawan ng ilegal na droga sa bansa.

"The syndicates have become wealthier, more influential… but instead of going after everyone, we have tried to identify the key areas that we have to attend to so we can see a demolition of activity of drug syndicates,” pagtatapos ng chief executive.

Duterte, tiwala sa mga pulis at militar... Mga manggugulo sa proklamasyon ng bagong pangulo, lagot!

ni Zel Fernandez | May 10, 2022

Buo ang tiwala ni Pangulong Rodrigo Duterte sa mga pulis at militar ng bansa na tatalima ang mga ito sa kanilang mandato at hindi umano magpapagamit sa sinumang magtatangkang mapigilan ang pag-upo ng maihahalal na bagong pangulo ng Pilipinas.

Pahayag ng Punong Ehekutibo, kumpiyansa umano siya at walang halong pagdududa na hindi hahayaan ng Armed Forces of the Philippines at Philippine National Police na mamayani ang kaguluhan sa nalalapit na post-election, kasabay ng pananatiling matapat ang bawat isa sa kanilang sinumpaang tungkulin sa pagpapanatili ng kapayapaan at kaayusan sa bansa.

Giit ng pangulo, huwag aniya sanang malimutan ng mga nagpaplanong manggulo sa maihahalal na susunod na lider na siya pa rin ang kasalukuyang pangulo ng bansa at hindi niya hahayaang umusbong ang anumang uri ng kaguluhan sa proklamasyon ng papalit na pinuno ng Pilipinas.

Mayo 9-Election Day, idineklarang special non-working holiday ni P-Du30

ni Lolet Abania | May 5, 2022

Idineklara ni Pangulong Rodrigo Duterte ngayong Huwebes, ang Mayo 9, 2022 na special non-working holiday kaugnay sa gaganaping 2022 national at local elections.

“Therefore, I, Rodrigo Roa Duterte, President of the Philippines, by the virtue of the powers vested in me by law, do hereby declare Monday, 09 May 2022, a special (non-working) holiday throughout the country for the National and Local elections,” pahayag ni Pangulong Duterte sa Proclamation 1357 na may petsang Mayo 5.

Giit ng Pangulo, kinakailangan ng mga mamamayan na i-exercise ang kanilang karapatan na bumoto.

“There is a need to declare Monday, 09 May 2022, a special (non-working) holiday to enable the people to properly exercise their right to vote, subject to the public health measures of the national government,” dagdag ng Pangulo.

Nakatakda ang mga Pilipinong bumoto ng bagong pangulo, pangalawang pangulo, 12 senador, mga congressmen, local government officials, at party-list representatives sa Mayo 9 o sa ikalawang Lunes ng Mayo, na nakasaad sa Constitution.