760K beneficiaries, pasok pa rin sa 4Ps

Fni Angela Fernando - Trainee @News | November 1, 2023

Mananatili sa listahan ang 761,150 benepisyaryo ng Pantawid Pamilyang Pilipino Program (4Ps) pagkatapos ng reassessment sa pagsunod kay Kalihim Rex Gatchalian, ayon sa isang mataas na opisyal ng Department of Social Welfare and Development (DSWD).

Ayon kay DSWD Undersecretary Edu Punay, magpapatuloy na makatanggap ng benepisyo ang bawat pamilya sa ilalim ng 4Ps matapos malaman sa kanilang ginawang pag-aaral na sila ay nangangailangan pa rin ng tulong galing sa gobyerno.

Parte ang mahigit 760k sa 1.1-milyong pamilyang nangangailangan ng benepisyo sa ilalim ng National Household Targeting System for Poverty Reduction (NHTS-PR).

Ang 4Ps ay isa sa tugon ng pamahalaan sa lumalalang kahirapan at programang nagbibigay ng pinansyal na tulong para maging kapital ng isang kwalipikadong tao o pamilya.

4Ps, bawal gamitin sa pangangampanya — DSWD

ni Angela Fernando - Trainee @News | October 27, 2023

Nagpaalala ang Department of Social Welfare and Development (DSWD) sa publiko na huwag magpaloko ang mga tao sa mga kandidatong ginagamit ang pangalan ng Pantawid Pamilyang Pilipino Program (4Ps).

Ayon sa DSWD, ang 4Ps ay hindi puwedeng gamitin sa pangangampanya sa BSKE o sa kahit ano pang eleksyon.

Nakakatanggap din umano ng reports ng mga kandidatong ginagamit ang 4Ps sa pangangampanya.

Hinikayat din ng DSWD ang masa na magtiwala lang sa kanila at sa kanilang mga personnel at magdoble-ingat para 'di mabiktima.

Para walang magutom... ₱3K ayuda ni P-BBM, oks na

ni Angela Fernando - Trainee @News | October 16, 2023

Idineklara ni Pangulong Ferdinand Marcos Jr. sa kanyang ika-44 na Executive Order ang bagong proyekto na "Walang Gutom 2027: Food Stamp Program" ng DSWD bilang flagship project ng pamahalaan.

Itinalaga rin ng Presidente ang ahensiya bilang pangunahing tagapagpatupad ng proyektong may layuning bawasan ang kagutuman sa bawat pamilyang may mababang kita o kabilang sa laylayan sa pamamagitan ng pagbibigay ng P3,000 na tulong-pinansyal.

Makakatanggap nga ng mga Electronic Benefit Transfer cards ang mga benepisyaryo na maaaring magamit sa pagbili ng mga piling pangangailangan tulad ng pagkain mula sa ilang mga partners na tindahan.

Ang pagpapatupad nito ay ayon sa Sustainable Development Goal No. 2 ng United Nations na wakasan ang gutom, makamit ang seguridad sa pagkain, at mapabuti ang lagay ng agrikultura sa taong 2030.

Pahayag ni Marcos sa utos na pinirmahan nu'ng Oktubre 12 ni Executive Secretary Lucas Bersamin, "The DSWD shall undertake the necessary steps for the successful implementation and expansion of the Food Stamp Program including, but not limited to, the identification of eligible beneficiaries and collaboration with relevant stakeholders to ensure efficient and timely distribution and use of food stamps."