Trump, nagpa-presscon sa kanyang golf resort

by Eli San Miguel @Overseas News | August 16, 2024

Inimbitahan ni dating Pangulong Donald Trump ang mga mamamahayag sa kanyang golf club sa New Jersey nitong Huwebes para sa kanyang ikalawang press conference sa loob ng dalawang linggo, habang siya ay nakikisabay sa Democratic ticket bago ang Democratic National Convention sa susunod na linggo.

Makikipagpulong si Trump sa mga mamamahayag habang pinatitindi ang kanyang pagbibigay ng kritisismo kay Bise Presidente Kamala Harris dahil sa hindi pagho-host ng press conference o paggawa ng mga interbyu mula nang tapusin ni Pangulong Joe Biden ang kanyang reelection campaign at iendorso siya bilang kapalit.

Sa kanyang press conference noong nakaraang linggo, tinukso ni Trump ang kanyang oposisyon at umatake ng mga tanong tungkol sa sigla ng kampanya ni Harris. Nagsalita siya ng mahigit isang oras at gumawa ng ilang mali at nakalilitong mga pahayag.

Trump, oks magpainterbyu sa FBI

ni Eli San Miguel @Overseas News | July 30, 2024

Photo: Reuters

Inihayag ni U.S. ex-President Donald Trump na sasalang siya sa isang interbyu ng FBI habang iniimbestigahan ng ahensiya ang motibo ng 20-anyos na si Thomas Crooks na pinagtangkaan siyang patayin sa isang campaign rally sa Pennsylvania.

"They're coming in on Thursday to see me," sabi ni Trump, ang Republican presidential candidate, sa isang panayam sa Fox News na inilabas nitong Lunes.

Nakita ng pulisya ang lalaki na nagtangkang patayin si Trump mahigit isang oras bago ang pamamaril noong Hulyo 13 sa Butler, Pennsylvania, at ibinahagi ang kanyang larawan sa ibang mga opisyal, ayon sa isang tauhan ng FBI.

Bagaman hindi iniimbestigahan ng ahensiya ang mga posibleng pagkukulang sa seguridad, ginagawa naman nila ang isang timeline ng mga kaganapan, ayon kay Kevin Rojek, lider ng opisina sa Pittsburgh ng FBI.

Sinabi ng mga opisyal ng FBI na hindi pa nila natutukoy ang motibo ni Crooks, na napatay ng isang ahente ng Secret Service matapos magpaputok ng baril.

Donald Trump, guilty sa 34 counts sa kasong hush money

ni Angela Fernando @News | May 31, 2024

Si Donald Trump ang naging unang pangulo ng United States na nahatulan ng krimen nu'ng Huwebes nang ideklara siya ng isang jury sa New York na nagkasala sa pamemeke ng mga dokumento upang pagtakpan ang kaso ng hush money sa isang porn star bago ang halalan nu'ng 2016.

Inanunsyo ng 12 na miyembro ng jury pagkatapos ng dalawang araw na deliberasyon na napatunayang nagkasala si Trump sa lahat ng 34 na kasong kanyang kinakaharap.

Itinakda ni Justice Juan Merchan ang pagbibigay-sentensiya sa Hulyo 11, tatlong araw bago magsimula ang Republican National Convention kung saan inaasahang pormal na iimbitahan si Trump bilang kandidato sa pagkapangulo.

Nagpasalamat naman si Merchan sa mga hurado sa kanilang paglilingkod.

Samantala, itinanggi ni Trump ang pagkakasala at inaasahang aapela.