Trump, 'di makukulong sa kasong hush money

by Angela Fernando @Overseas News | Jan. 11, 2025

Photo: Donald Trump - Suzanne Cordeiro / AFP

Hindi makukulong o haharap sa iba pang parusa si United States (US) President-elect Donald Trump kaugnay sa kasong kriminal na may kinalaman sa pagbabayad ng hush money sa isang porn star.

Ito ay ang naging desisyon ni Justice Juan Merchan nu'ng Biyernes.

Bagamat hindi na mabubura ng nalalapit na inagurasyon ni Trump sa Enero 20 ang hatol ng hurado, idiniin ng hukom na ang unconditional discharge para sa 78-anyos na si Trump ay nag-iwan na ng marka ng pagkakasala sa rekord nito.

Si Trump ang kauna-unahang presidente ng U.S. na uupo sa puwesto habang may hatol sa kasong felony.

Paglilinaw ni Merchan, pinili niyang bigyan ng hatol na walang kulong, multa, o probation si Trump dahil sa proteksyong ibinibigay ng U.S. Constitution sa mga pangulo laban sa criminal prosecution.

Trump, sentensyado na sa kasong hush money

ni Angela Fernando @Overseas News | Jan. 5, 2025

Photo: Donald Trump - Reuters

Haharap ang President-elect na si Donald Trump sa sentensiya sa Enero 10 kaugnay ng criminal case na may kinalaman sa hush money na ibinayad sa isang porn star, ngunit malabong makulong o mapatawan ng iba pang mabigat na parusa, ayon sa isang hukom kamakailan.

Nagpahayag si Justice Juan Merchan na si Trump, 78, ay maaaring dumalo sa kanyang sentensiya "in person or virtually."

Magugunitang ang kaso ay nag-ugat mula sa $130,000 na bayad na ginawa ng dating abogado ni Trump na si Michael Cohen kay Stormy Daniels upang patahimikin siya tungkol sa sinasabing sexual encounter na itinanggi naman ni Trump.

Trump, inihirit ang tigil-putukan sa Ukraine

ni Angela Fernando @World News | Dec. 9, 2024

Photo: Donald Trump at Ukraine - AP, Volodymyr Zelenskyy, FB

Nanawagan si United States (US) President-elect Donald Trump kamakailan para sa isang agarang tigil-putukan at negosasyon sa pagitan ng Ukraine at Russia upang tapusin ang tinawag niyang "kabaliwan."

Ang naging pahayag ni Trump ang nagtulak kay Ukrainian President Volodymr Zelenskyy at sa Kremlin na ilahad ang kanilang mga kondisyon.

Ginawa ng Presidente ang kanyang mga pahayag ilang oras lamang matapos makipagpulong kay Zelenskyy sa Paris, ang kanilang unang harapang pag-uusap mula nang manalo si Trump sa nakaraang halalan sa U.S. nu'ng Nobyembre.

Nangako naman ang US President na makakamit ang isang kasunduang magtatapos sa digmaan.

"Zelensky and Ukraine would like to make a deal and stop the madness," isinulat ni Trump sa kanyang social media platform na Truth Social, dagdag pa nito na nawalan na ang Kyiv ng 400K sundalo.

"There should be an immediate ceasefire and negotiations should begin." Giit ni Trump, "I know Vladimir well. This is his time to act. China can help. The World is waiting!"