Disgrasyang kaugnay ng paputok, 609 na — DOH

ni Eli San Miguel - Trainee @News | January 6, 2024

Iniulat ng Department of Health (DOH) ang siyam na bagong kaso ng pinsala na dulot ng paputok, na naitala mula alas-6 ng umaga noong Enero 5 hanggang alas-5:59 ng umaga ngayong Enero 6.

Nagdadala ito ng kabuuang bilang ng mga nadisgrasya sa 609 habang patapos na ang pag-mo-monitor ng DOH para sa fireworks season noong 2023.

Pinaalam rin ng ahensya na ang pinakabagong mga kaso, na may median age na 25, ay nagmumula sa walong taong gulang hanggang 55 taong gulang, kung saan kalalakihan ang 67 porsyento.

Binigyang-diin naman ng DOH na maaaring magkaroon ng karagdagang mga kaso na iuulat sa loob ng araw at kinukumpirma pa ang mga pinsalang dulot ng ligaw na bala (Stray Bullet Injuries o SBIs), na maaaring magdulot ng pagbabago ng kabuuang bilang sa mga susunod na araw.

Nadisgrasya sa paputok, 557 na — DOH

ni Eli San Miguel - Trainee @News | January 3, 2024

Umabot na sa 557 ang bilang ng mga nadisgrasya dahil sa paputok ayon sa naitalang ulat ng Department of Health (DOH), ngayong Miyerkules.

Sa isang abiso, sinabi ng DOH na naitala ang 114 na bagong kaso mula alas-6 ng umaga ng Enero 2 hanggang alas-5:59 ng umaga ng Enero 3.

Sinabi rin nito na isang 10-buwang gulang na sanggol ang pinakabatang kaso mula sa Metro Manila o National Capital Region (NCR) na nasugatan sa kanyang kanang mata dahil sa isang kwitis na sumabog sa loob ng kanilang bahay.

Samantalang isang 77-taong gulang na lalaki naman ang pinakamatanda na kaso mula sa Ilocos Region na nadisgrasya dahil sa isang whistle bomb na pinaputok ng ibang tao sa kanilang bahay, idinagdag ng DOH.

Ipinakita rin sa abiso na mga kalalakihan ang halos siyam sa bawat sampu o 98.86 porsyento ng 114 na bagong kaso.

Bilang ng nadisgrasya sa paputok, umabot na sa 107

ni Eli San Miguel - Trainee @News | December 30, 2023

Iniulat ng Department of Health (DOH) na may 11 na bagong kaso ng mga disgrasya na kaugnay ng paputok ngayong Sabado, na nagdadala ng kabuuang bilang sa 107.

Ayon sa DOH, sa 11 ulat na bagong kaso, anim dito ang kaugnay ng ilegal na mga paputok, kabilang na ang boga, five star, piccolo, Pla-pla, at whistle bomb.

Nasa edad na 6 hanggang 72 taon ang mga biktima.

Nagpakita ang pinakabagong ulat ng DOH na sa kabuuang kaso, 97% ng mga insidente ang nangyari sa bahay o sa malapit na kalsada at 63.59% ng mga kaso ang kaugnay ng ilegal na mga paputok.

“Ang mga pinsalang nauugnay sa paputok ay nangyayari sa bahay o kalapit nito, kadalasang kinasasangkutan ng mga batang lalaki, ngunit nakakaapekto rin sa mga passive na nanonood lamang sa anumang edad o kasarian,” saad sa ulat ng DOH.

Nanawagan namang muli ang DOH sa publiko na iwasan ang paggamit ng paputok sa bahay.