Posibilidad ng Omicron BA.5 subvariant local transmission, napakataas — DOH

ni Lolet Abania | June 4, 2022

Ipinahayag ng Department of Health (DOH) na ang posibilidad ng local transmission ng Omicron BA.5 subvariant ay napakataas matapos na kanilang ma-detect ito sa dalawang indibidwal mula sa Region III.

“Once we detect this subvariant dito sa ating komunidad, malaki na po ang ating ginagawang index of suspicion na meron tayong lokal na transmission dahil nakita natin kung paano at ano ang linkage,” sabi ni DOH Undersecretary Maria Rosario Vergeire sa Laging Handa briefing ngayong Sabado.

Ayon kay Vergeire, tini-trace na ng health authorities kung may ibang mga indibidwal na nakuha na rin ang nasabing subvariant.

“Kapag nagkakaroon na kasi tayo ng tao na nade-detect natin na ganitong variant dito po sa ating community, the possibility that the transmission is local, is very high,” saad ni Vergeire, na giit niya ang dalawang indibidwal ay walang travel history sa labas ng bansa.

Aniya, ang mga pasyente ay na-develop ang mga sintomas noong Mayo 15 habang agad na sumailalim sa home isolation mula Mayo 16 hanggang Mayo 30. Pareho sila ngayong asymptomatic at nakarekober na. Sinabi naman ng DOH na isa sa dalawang kaso ng BA.5 ay babae na nasa late 30s, habang lalaki ang isa na nasa early 50s.

Natukoy na rin ng ahensiya ang dalawang close contacts, kung saan isa rito ay nagpositibo sa test sa COVID-19, at pareho naman ang mga ito na nananatili sa isolation.

Gayunman, nilinaw ni Vergeire na hindi pa ito klinaklasipika bilang community transmission ng BA.5 sa bansa.

“Currently, we cannot say that there is really a community transmission. Because if we say community transmission, we could no longer see the linkage of one case to another,” paliwanag ni Vergeire.

“So far we could still determine the linkage. What we have right now is the local transmission of the subvariant. But the community transmission, we still need to establish that through evidence,” dagdag ng opisyal.

DOH: Kaso ng leptospirosis, tumaas sa 4 rehiyon

ni Lolet Abania | June 3, 2022

Binabantayan ngayon ng Department of Health (DOH) ang ilang lugar sa Region II, Region VIII, Cordillera Administrative Region (CAR), at National Capital Region (NCR) na nakapagtala ng pagtaas ng mga kaso ng leptospirosis.

Batay sa datos mula sa DOH, umabot sa 631 leptospirosis cases na nai-report mula Enero 1 hanggang Mayo 7 — 6% na mas mataas kumpara sa mga kaso sa parehong period noong nakalipas na taon.

“Tag-ulan na po kasi, nakikita na natin na laging umuulan so dito po talaga nagkakaroon tayo because ‘yung mga baha, nag-iipon ng tubig, tapos ‘yung maduduming kapaligiran dahil ‘yung ihi ng mga hayop ang sumasa diyan sa floodwater,” paliwanag ni DOH Undersecretary Maria Vergeire sa isang radio interview ngayong Biyernes.

Ayon sa DOH, ang weekly cases ay mababa noong umpisa ng taon. Subalit, tumaas ang mga kaso nito ng 193% mula Marso 13 hanggang Abril 30 kumpara noong nakaraang taon, kung saan ang ahensiya ay nakapag-record ng 338 kaso.

Mula Abril 10 hanggang Mayo 7, nakapag-record ang DOH ng 154 kaso ng leptospirosis, kung saan 20% ay galing sa Region VI, 15% sa Region II, at 13% sa NCR. Payo naman ni Vergeire sa publiko na para maiwasan ang naturang sakit, magsuot ng mga boots sakaling masusuong sa tubig-baha, maghugas mabuti ng mga paa matapos na ma-expose sa tubig-baha at agad magpa-check kapag nakaramdam ng mga sintomas.

“If it cannot be avoided, use sealed footwear like waterproof boots, and ask your doctor or health care provider about how to properly take post-exposure medicine after being exposed to flood waters, and if you get any signs or symptoms like fever or headache,” saad ng DOH.

Sakit na galing Iraq.. Nose-bleed fever, ‘di banta sa ‘Pinas — DOH

ni Lolet Abania | June 2, 2022

Maliit na tiyansa hanggang sa walang panganib o ‘little to no risk’ na ang Pilipinas ay tatamaan ng virus, na pagkakaroon ng lagnat na magiging sanhi sa mga tao na mamatay sa pagdurugo o bleed to death, isang outbreak na na-detect kamakailan sa Iraq, ayon sa Department of Health (DOH) ngayong Huwebes.

Base sa World Health Organization (WHO), sinabi ng DOH na ang Crimean-Congo Hemorrhagic Fever (CCHF) ay maaaring magdulot ng severe viral fever.

Ayon sa DOH, ang karaniwang sintomas nito ay pagkakaroon ng lagnat, muscle ache, pagkahilo, neck pain at stiffness, backache, headache, sore eyes, pagiging sensitibo sa liwanag, nausea, pagsusuka, diarrhea, abdominal pain, at masakit na lalamunan.

“CCHF is said to be endemic to Africa, Balkan states, the Middle East, and some northern Asian countries. The DOH sees little to no risk of the virus entering Philippine borders,” ani DOH sa isang liham na tugon sa media.

Sinabi ng DOH na ang CCHF ay karaniwang naita-transmit sa pamamagitan ng tick bites o kontak sa may infected animal blood, tissue, at fluids. “It is most prevalent in people who work in the livestock, agriculture, veterinarian, and slaughter industry,” saad ng ahensiya.

“Treatment of symptoms with general supportive care has been shown to be the main approach to manage such cases. In addition, the antiviral drug ‘ribavirin’ has been used to treat the virus,” dagdag ng DOH.

Sa latest report mula sa WHO, nabatid na ang Iraq ay nakapagtala na ng 97 kumpirmadong kaso habang 27 ang namatay dahil sa CCHF.

“The virus has no vaccine and onset can be swift, causing severe bleeding both internally and externally and especially from the nose. It causes death in as many as two-fifths of cases,” ayon sa medics ng Iraq.

Sa kabila nito, hindi naman nagrekomenda ang WHO ng anumang restriksyon kaugnay sa pag-travel at pag-trade sa Iraq.