Walang babagsak habang pandemic

ni Lolet Abania | April 26, 2021

Magpapatupad ang ilang unibersidad sa bansa ng “no fail policy” sa gitna ng pandemya ng COVID-19.

Kabilang sa mga universities na magsasagawa ng naturang polisiya ang De La Salle University (DLSU) at ang University of the Philippines (UP).

Inaprubahan ng La Salle ang isang resolusyon na ipatupad muli ang policy mula Term 2 ng Academic Year 2020-2021 hanggang sa susunod na abiso.

Inianunsiyo rin ng UP na walang estudyante ang mabibigyan ng bagsak na grado ngayong semester.

“During pre-COVID, in order to merit an incomplete, a student must have a passing class standing and only a minimum of requirement not yet submitted. This time, even if you haven't submitted anything this semester, you will not fail,” ani UP Public Affairs Vice-President Elenia Pernia.

Ayon pa kay Pernia, ang mga estudyante ay mayroong isang taon para makumpleto nila ang lahat ng kinakailangang requirements.

Samantala, hindi magpapatupad ang Ateneo de Manila University ng “no fail policy” sa kanilang mga estudyante.

“Its structures provide ways of making students fulfill requirements that take into consideration their individual contexts,” ayon sa pamunuan ng Ateneo.

Dagdag pa ng ADMU, sakaling makaranas ng hirap ang estudyante sa pag-aaral, maaaring mag-request ito ng withdrawal with permission o makakuha ng incomplete na may option para sa extended period hanggang sa makumpleto nito ang kailangang requirements sa incomplete grade.

Ang Polytechnic University of the Philippines (PUP) ay hindi rin ipatutupad ang nasabing polisiya.

Gayunman, ayon sa PUP communication management office, hinihimok nila ang kanilang faculty na magkaroon ng maximum tolerance, kaluwagan at compassion o pagmamalasakit sa kanilang mga estudyante.

Matatandaang naghain ang Makabayan Bloc ng resolutions upang himukin ang Department of Education (DepEd) at ang Commission on Higher Education (CHED) na mag-impose ng isang moratorium para sa pagtataas ng tuition fees at ipatupad ang academic easing habang may COVID-19 pandemic.

Sa pamamagitan ng House Resolution 1722, nanawagan ang mga mambabatas sa dalawang ahensiya para ihinto muna ang pagtataas ng tuition fee at iba pang bayarin, kung saan matagal nang tinatalakay dahil sa patuloy na pagsirit ng antas ng edukasyon sanhi ng mga polisiya sa deregulation at commercialization.

UP at La Salle, pasok sa top universities sa buong mundo

ni Ronalyn Seminiano Reonico | September 3, 2020

Pasok ang University of the Philippines at De La Salle University sa World University Rankings 2021 ng Times Higher Education (THE).

Ito ang second consecutive year kung saan kasama ang UP sa 401-500 bracket sa annual rankings ng 1,500 universities sa buong mundo.

Pahayag ng UP’s Times Higher Education, “UP is largely seen as one of the best Filipino universities in national rankings and among the top institutions in Asia. Recent improvements include academic reputation and international faculty ratio.”

Samantala, ang DLSU ay nakapasok sa 1001+ bracket.

Saad ng DLSU, “Acknowledged as a premier university in the Philippines, it serves as a significant resource for the country and rest of the global society by developing leaders and achievers in business, public service, education, science and technology, and the arts.”

Ang batayan ng THE sa naturang rankings ng mga universities sa buong mundo ay ang “performance indicators” sa larangan ng pagtuturo, “research, knowledge transfer” at “international outlook.”

Samantala, ito na ang fifth consecutive year kung saan nangunguna pa rin sa listahan ang University of Oxford.

Ang mga sumusunod ay ang top 10 universities sa buong mundo ayon sa THE:

1. University of Oxford in the United Kingdom

2. Stanford University in the United States

3. Harvard University in the United States

4. California Institute of Technology in the United States

5. Massachusetts Institute of Technology in the United States

6. University of Cambridge in the United Kingdom

7. University of California, Berkeley in the United States

8. Yale University in the United States

9. Princeton University in the United States

10. University of Chicago in the United States