Iba’t ibang unibersidad, nagsuspinde na rin ng klase dahil sa pinsala ni ‘Ulysses

ni Lolet Abania | November 16, 2020

Nagdeklara ng mga suspensiyon ng klase sa lungsod, ilang paaralan at unibersidad dahil sa pinsalang idinulot ng Bagyong Ulysses.

Una nang nag-anunsiyo kagabi ang Pasig City at Quezon City na walang pasok mula pre-school hanggang senior high school ngayong araw at bukas. Ipatutupad naman ng Polytechnic University of the Philippines (PUP) ang “academic freeze” sa lahat ng kanilang eskuwelahan sa buong bansa, mula November 16 hanggang November 27.

Suspendido ang klase sa Bulacan sa lahat ng antas sa mga pampubliko at pribadong eskuwelahan ngayong Lunes, November 16.

Ilang unibersidad din sa Metro Manila ang mananatiling suspendido simula November 16 hanggang November 21, kabilang ang synchronous at asynchronous classes ng Ateneo de Manila University at University of Santo Tomas (UST).

Mula November 16 hanggang November 21, suspendido ang klase ng lahat ng synchronous at asynchronous pati na rin ang pagsusumite ng mga course requirements sa University of the Philippines (UP).

Mula November 16 hanggang November 21, suspended ang synchronous at asynchronous classes sa Far Eastern University High School.

Mula November 16 hanggang November 21, suspendido ang lahat ng synchronous classes sa University of the East, kabilang ang Graduate School at College of Law.

Nag-abiso naman ang De La Salle University sa lahat ng mag-aaral at guro na magkakaroon ng extension sa pagsusumite ng mga requirements.

Samantala, ayon sa Department of the Interior and Local Government (DILG), maaari pa ring magsuspinde ng klase ang mga lokal na pamahalaan kahit pa online o distance learning ang pag-aaral at ang kasalukuyang ipinatutupad na work-from-home.

DILG Provincial Director Panes, pumanaw dahil sa COVID-19 sa edad 60

ni Lolet Abania | October 30, 2020

Pumanaw na si Department of the Interior and Local Government (DILG) Negros Occidental Provincial Director Atty. Ferdinand Panes sa edad na 60 dahil sa COVID-19 na naging sanhi ng kanyang heart attack.

Sa ipinalabas na press statement, inilarawan ni DILG Sec. Eduardo Año si Panes bilang isang, "Beacon of excellence in his quest to deliver public service to the Negrenses and all other LGUs he was assigned to."

"True to his calling as a public servant and despite the danger posed by the coronavirus, especially to people of his age, he braved the threat of the pandemic every single day if only to serve the people," sabi pa ni Año.

Labis ang pagdadalamhati ng ahensiya, kung saan nagpahayag ng pakikiramay sa mga naulila at mahal sa buhay ni Panes kasabay ng pagbibigay ng assistance sa pamilya nito.

"We will honor Panes' legacy and years of dedicated service by doubling our efforts to shepherd local governments and the public to strictly observe minimum health protocols as the country begins to heal and recovers as one," ayon kay Año.

Camilo Cascolan, palit kay Gamboa bilang PNP chief

ni Ronalyn Seminiano Reonico | September 1, 2020

Inanunsiyo ni Dept. of Interior and Local Government (DILG) Secretary Eduardo Año na si Lieutenant General Camilo Cascolan ang susunod na hepe ng Philippine National Police (PNP) kapalit ni General Archie Gamboa na magreretiro na ngayong Miyerkules.

Aniya, “He [Cascolan] is the new chief PNP. PRRD [President Rodrigo Roa Duterte] has just signed his appointment paper.”

Saad pa ni Año, “Ang pamantayan ni Pangulo, seniority. Gusto niya, inirerespeto ang seniority as long as qualified naman 'yung senior. Binibigyan ng pagkakataon.

“I want General Cascolan to lead the PNP to fight vs. Covid-19 and of course, kahit na pandemic, dapat tuloy ang laban sa crimes against drugs, terrorists. Importante riyan na even with the pandemic, the people would feel protected and secure.

“I also don't want any abuses in the PNP. Kailangang labanan pa rin ni General Cascolan ang scalawags within the organization.”

Mensahe naman ni Año kay Gamboa, “I'd like to congratulate Gen. Archie Gamboa for a very successful term as CPNP under his sterling leadership. The PNP has become a very strong pillar in the fight against the pandemic. So I salute and commend, congratulate him. I wish him the best in his next chapter.”

Si Gamboa ay nagsilbi bilang PNP OIC noong October, 2019 bilang kapalit ni Gen. Oscar Albayalde. Itinalaga siya ni P-Duterte bilang PNP chief noong January ngayong taon.