181 Pinoy na nasa Ukraine, humingi na ng assistance sa DFA

ni Lolet Abania | February 25, 2022

Umabot sa kabuuang 181 Pilipino ang nagpabatid ng kanilang kinaroroonan sa Ukraine sa gitna ng tensyon na dulot ng pag-atake ng Russia sa naturang bansa, ayon sa Department of Foreign Affairs (DFA).

“We have accounted for 181 Filipinos, sila po ‘yung nagparamdam sa ating embahada at nagsabi kung nasaan sila, ngayon nakauwi na po ‘yung anim, kahapon po dapat apat ‘yung aalis pero hindi po natuloy dahil nagsarado po lahat ng airports ng Ukraine,” pahayag ni DFA Undersecretary Sarah Lou Arriola sa Laging Handa public briefing ngayong Biyernes.

“As of now there are 37 Filipinos on the road, on the way to Lviv actually eventually for repatriation,” sabi pa ng opisyal.

Tiniyak naman ni Arriola sa publiko na tinututukan ng DFA ang sitwasyon sa Ukraine at handa silang asistihan ang mga Pilipino sa gitna ng tensyon doon. Aniya, ang imposisyon ng mandatory repatriation para sa mga Pilipino na naroon ay agad na ipapabatid naman ni DFA Secretary Teodoro Locsin Jr.

“Doon po sa ating mga kababayan sa Ukraine, kailangan po talagang makipag-ugnayan kayo sa Philippine Embassy at honorary consulate para mabigyan po namin kayo ng tulong, tulong po either repatriation, care packages, or financial assistance during this time of need,” paliwanag ni Arriola.

Sa ulat, ang mga Russian missiles ay ni-launched sa mga Ukrainian cities matapos na si President Vladimir Putin ng Russia ay magpakawala ng isang full-scale ground invasion at air assault laban sa Ukraine.

Agad namang nagtungo si Locsin sa Ukrainian border para tiyakin ang kaligtasan ng mga Pinoy doon at pangasiwaan ang sakaling pagre-relocate o repatriate ng gobyerno sa kanila sa Pilipinas.

Sinabi ni Locsin na sumang-ayon na ang Poland na payagan ang mga Pinoy na pumasok sa kanilang bansa kahit na walang visas kapag umalis na ang mga ito sa Ukraine.

Ayon pa sa DFA, tinatayang nasa 380 Pilipino ang naninirahan sa Ukraine, karamihan sa mga ito ay nasa capital Kyiv.

Bahagi ng repatriation program… 6 na Pilipino mula Ukraine dumating na sa bansa

ni Jasmin Joy Evangelista | February 19, 2022

Dumating na sa bansa ang anim na Pinoy na bahagi ng repatriation program bunsod ng Ukraine-Russia crisis.

Dumating mga ito sa nitong Biyernes sa Ninoy Aquino Internation Airport, ayon sa Department of Foreign Affairs. Mabibigyan din sila ng cash o livelihood assistance. 

“The Philippine government, through the Philippine Embassy in Warsaw, provided funding assistance to the six Filipinos who voluntarily requested to be repatriated to the country,” ayon sa DFA.

Ayon sa DFA, patuloy silang magmo-monitor sa sitwasyon sa mga border ng Ukraine habang ang Philippine embassy sa Poland ay nakikipag-ugnayan sa Filipino community sa Ukraine.

“The Philippine Embassy in Warsaw, which is in active coordination with its Philippine Honorary Consulate General in Kyiv, is also cooperating closely with the Philippine Consulate General in Istanbul to facilitate this repatriation,” pahayag ng DFA.

“This is to ensure that government assistance is available to the group at all transit points,” dagdag pa nito.

Hinikayat naman ni Philippine Ambassador Leah Ruiz ang mga Pinoy sa Ukraine to na makipag-ugnayan sa Philippine Embassy sa Warsaw at sa Philippine Honorary Consulate General sa Kyiv upang ma-assist sakaling gustong ma-repatriate.

Para sa mga Pilipino na kailangan ng repatriation program, maaaring makipag-ugnayan sa mga sumusunod na contact details:

Emergency Mobile Number +48 604 357 396

Office Mobile Number +48 694 491 663

Unclaimed passports hanggang January 2021, kakanselahin at idi-dispose na — DFA

ni Jasmin Joy Evangelista | February 12, 2022

Kakanselahin at idi-dispose na ng Department of Foreign Affairs ang mga unclaimed passport hanggang January 2021, ayon sa ahensiya.

"The Department of Foreign Affairs - Office of Consular Affairs informs the public that effective 07 February 2022 the Department will implement the cancellation and proper disposal of all unclaimed passports which were scheduled for release before January 2021 in accordance with DFA Department Order No. 2021-012 on the Disposal of Unclaimed and Spoiled Passports," ayon sa advisory na inilabas ng DFA.

Gayunman, para sa mga magke-claim pa lamang na naka-schedule for release noong January 2021 o mas maagang petsa ay mayroong hanggang March 1, 2022 upang i-claim sa DFA Consular Office kung saan ipinroseso ang mga passport.

Samantala, ayon pa sa ahensiya: "[t]hose who are unable to claim their passports before 10 February 2022 must file a new passport application after securing a certificate of unclaimed passport from DFA Aseana or at the DFA Consular Office where the unclaimed passports were processed.”

"Passports that were scheduled for release after January 2021 are not affected and may be claimed from the DFA Consular Office where they were processed," dagdag pa nito.

Hinihikayat ng DFA ang mga passport applicants na i-claim ang kanilang passports within 30 days mula sa scheduled release.

Kung hindi man ma-claim personally, puwedeng magpadala ng authorized person upang i-claim ang passport basta kumpleto ang requirements na makikita sa DFA website.