20 Pinoy, lilikas mula sa Gaza

ni Eli San Miguel - Trainee @News | November 4, 2023

Inanunsyo ng Department of Foreign Affairs (DFA) ngayong Sabado ang paglikas ng 20 Pinoy na stranded sa Gaza, patungo sa Egypt sa pamamagitan ng Rafah Crossing sa Linggo.

Sa Saturday News Forum sa Lungsod ng Quezon, sinabi ni DFA Undersecretary Eduardo de Vega, “The first batch of Filipinos [will be] leaving tomorrow… There will be 20 of them. Then afterwards it could be the next day or next two days, a batch of 23… so far only 43 now of the Filipinos have signified that they definitely want to leave Gaza.”

Ayon sa kanya, ang 43 Pilipino na tumawid sa border patungong Egypt ang susunduin ng Embahada ng Pilipinas sa Cairo, at sa loob ng 72 oras, kinakailangang umalis sila dahil transit visa lamang ang kanilang hawak.

Inihayag ng opisyal ng DFA na naabisuhan ang Pamahalaang Pilipinas mula sa kanilang katuwang sa Israel na kinukumpirma na binigyang-pahintulot o clearance na lumisan ang lahat ng 136 Pilipino sa Gaza sa gitna ng kaguluhan sa pagitan ng mga Israeli forces at ng militanteng grupo na Hamas.

Pagkuha ng passport, 5 days na lang — DFA

ni Madel Moratillo @News | July 23, 2023

Simula bukas, Hulyo 24, mas iiksi na ang pagproseso sa mga passport, regular o express application man.

Ayon kay Office of Consular Affairs Asec. Henry Bensurto, Jr., mula sa dating 12 hanggang 14 na araw sa releasing ng regular passport, ngayon ay 10 araw na lang ang hihintayin bago ito ma-release.

Sa express naman, mula sa dating 7 araw bago mai-release, 5 araw na lang ngayon.

Gayunman, ayon kay Bensurto, para lamang ito sa mga taga-Metro Manila.

Tiniyak naman ng opisyal na pabibilisin din ang proseso sa iba pang consular offices sa iba pang bahagi ng Luzon, Visayas at Mindanao. Napag-alaman na sa consular offices sa ibang parte ng Luzon, Visayas at Mindanao, sa regular passport mula sa dating 15 araw ay magiging 12 araw na lang habang sa express naman mula sa 10 araw ay 7 araw na lang.

Bukod pa rito, napababa rin umano ang oras ng paghihintay sa mga aplikanteng nag-avail ng courier service. Mula sa dating 12 hanggang 15 araw ay magiging 10 hanggang 12 na lang sa express habang mula sa 20 araw sa regular ay magiging 15 hanggang 17 araw na lang.

NBI sa DFA: Passport ni Teves, kanselahin

ni Mylene Alfonso | May 11, 2023

Plano ng National Bureau of Investigation (NBI) na ipakansela sa Department of Foreign Affairs (DFA) ang pasaporte ng suspendidong si Negros Oriental Representative Arnolfo “Arnie” Teves, Jr., na patuloy na nagtatago.

Sinabi ni Justice Secretary Jesus Crispin Remulla na maghahain ang NBI ng kanselasyon ng passport sa DFA, ang NBI sa sandaling maisampa na ang kasong murder kay Teves bilang mastermind sa pagkamatay ni Negros Oriental Governor Roel Degamo at siyam na iba pa.

“When the other charges are filed, we will file for the cancellation of his passport,” sabi ni Remulla.

Nabatid na si Teves ay may pasaporte na iba ang nationalities.

Posibleng sa Lunes ay maisampa na ang kaso laban kay Teves.

“We can cancel the passport. Pero may hawak na ibang passport 'yan. May hawak pa 'yan na ibang passport… may hawak pa, ibang nationality, may hawak 'yan,” dagdag pa ni Remulla.

Matatandaang noong Martes, inihayag ni Remulla na pumasok si Teves sa Timor-Leste upang humingi ng political asylum.

Nabatid na palipat-lipat umano si Teves ng lugar at posibleng pumasok din sa South Korea.