Mga Pinoy sa Syria, dapat panatilihin ang ugnayan sa embahada ng 'Pinas — DFA

ni Eli San Miguel @Overseas News | Dec. 8, 2024

Photo: OFWs sa Syria - Philippine Embassy in Syria

Hinimok ang mga Pilipino sa Syria na panatilihin ang ugnayan sa Embahada ng Pilipinas sa Damascus dahil sa kasalukuyang sitwasyon sa bansa.

"We express concern regarding the situation of our Filipinos in Syria and advise them to take the necessary precautions and stay in contact with the Philippine Embassy in Damascus," pahayag ng Department of Foreign Affairs (DFA) ngayong Linggo.

"The Department of Foreign Affairs continues to monitor, with concern, ongoing developments in Syria," dagdag pa nito.

Sa ngalan ng Pilipinas, nanawagan din ito sa mga kinauukulang panig na maging mahinahon at umiwas sa karagdagang karahasan upang mapigilan ang mas maraming biktima at pagkamatay ng mga sibilyan.

Paglipat ni Veloso sa 'Pinas, wala pang pormal na kasunduan — DFA

ni Angela Fernando @News | Nov. 20, 2024

Photo: Mary Jane Veloso - Reuters photo

Wala pang pormal na kasunduan sa pagitan ng 'Pinas at Indonesia hinggil sa repatriation ng Pilipinang nasa death row na si Mary Jane Veloso, ayon sa isang opisyal ng Department of Foreign Affairs (DFA) nitong Miyerkules.

"If you mean may written agreement, wala pa yung sagot. Pero sila mismo ang pumunta sa atin to talk about this, so we’re extremely confident it will happen," saad ni DFA Undersecretary Eduardo de Vega sa isang press briefing sa Malacañang.

Ito ay nagsilbing tugon ni De Vega bilang sa tanong kung pinal na ang pagbabalik ni Mary Jane Veloso sa bansa, na inanunsyo ni Pangulong Ferdinand "Bongbong" Marcos Jr. kaninang umaga, dahil patuloy pa rin ang mga negosasyon ukol dito.

Sa parehong press briefing, nilinaw naman ni Justice spokesperson Mico Clavano na hinihintay pa ng bansa ang pormal na tugon ng gobyerno ng Indonesia sa kahilingan para sa repatriation ni Veloso.

Magugunitang nu'ng nakaraang linggo, sinabi ng Coordinating Ministry for Legal, Human Rights, Immigration, and Correction (Kemenko Kumham Imipas) ng Indonesia na kanilang isinasaalang-alang ang opsyon ng "transfer of prisoner" o paglilipat ng bilanggo para sa mga dayuhang nakapiit, kung saan kabilang si Veloso.

Mga Pinoy, babalik pa rin ng Gaza pagtapos ng giyera

ni Angela Fernando - Trainee @News | November 11, 2023

Ilang mga Pinoy na nailigtas sa hidwaang Israel at Hamas ang babalik pa rin sa Gaza pagkatapos ng nangyayaring karahasan, ayon sa Department of Foreign Affairs (DFA).

Dumating nang mas maaga sa bansa ang unang grupo ng 34 Pinoy galing Gaza, isa sa kanila ay overseas Filipino worker (OFW).

Ayon kay DFA Undersecretary Eduardo de Vega, hindi magkakaroon ng parehas na pagtrato sa kanila tulad ng sa mga OFW ngunit makakatanggap pa rin ang mga ito ng malaking financial assistance.

Aniya, hindi naman mananatili ang mga ito sa bansa dahil hinihintay lang din nilang matapos ang giyera upang makabalik ng Gaza.

Bahagi ang unang grupo ng 40 na nakatawid sa Egypt nang mas maaga at anim sa kanila ay nanatili sa Cairo.