14K paaralan, handa na sa F2F classes – DepEd

ni Lolet Abania | March 22, 2022

Mahigit sa 14,000 paaralan sa buong bansa ang handa nang magsagawa ng limitadong face-to-face classes sa gitna ng pa rin ng COVID-19 pandemic, ayon sa Department of Education (DepEd).

Sa isang interview ngayong Martes kay DepEd Assistant Secretary Malcolm Garma, sinabi nitong ang DepEd ay patuloy na nagdaragdag ng mas maraming eskuwelahan para sa pagbubukas ng in-person classes.

“As of last week, mahigit 14,000 na ‘yung ating mga schools na maituturing na natin na puwede nang magsimula batay doon sa kanilang assessment,” ani Garma.

Batay sa DepEd, may tinatayang 47,000 pampublikong paaralan habang 12,000 pribadong paaralan sa bansa.

Gayunman, sinabi ni Garma na kailangan ng mga paaralan ang approval ng mga lokal na gobyerno bago sila payagang magbukas ng F2F classes at maaaring ang mga magulang ay piliin pa rin ang distant learning para sa kanilang mga anak.

Binanggit naman ni Garma na ang vaccination kontra-COVID-19 ay hindi required para sa mga estudyante na lalahok sa face-to-face classes.

Ayon pa kay Garma nasa tinatayang 90% ng mga guro ang bakunado na laban sa COVID-19.

Matatandaang dahil sa panganib ng COVID-19 noong 2020, nagpatupad ang DepEd ng distance learning kung saan ang mga estudyante ay hindi na kailangang magtungo sa mga campus para ipagpatuloy ang kanilang pag-aaral.

Ang kailangan lamang nilang i-accomplish at isumite ay mga learning modules o sumali sa mga online classes.

Noong Nobyembre 2021, nagsimula ang pilot testing ng F2F classes sa mga piling paaralan sa maraming lugar sa bansa.

I-veto ang vape bill, apela ng DepEd kay P-Du30

ni Lolet Abania | March 18, 2022

Hinimok ng Department of Education (DepEd) si Pangulong Rodrigo Duterte na i-veto ang isang panukala hinggil sa pagbaba ng edad para maka-access sa vape at e-cigarette products.

Sa isang statement, sinabi ng DepEd na kaisa nila ang Department of Health (DOH) at mga medical organizations na umaapela kay Pangulong Duterte para ipawalang-bisa ang Vaporized Nicotine Products Regulation Act.

Layon ng nasabing measure na babaan ang edad para maka-access sa vape at e-cigarette products mula 21 ginawang 18-anyos. Ita-transfer din ang regulatory powers ng lahat ng naturang produkto mula sa Food and Drug Administration (FDA) ay ibibigay sa Department of Trade and Industry (DTI).

“As a government institution championing young Filipinos’ well-being, we are taking a stand against the so-called ‘anti-health’ vape bill, which will weaken existing law and the executive order against Electronic Nicotine Delivery Systems (ENDS) or Electronic Non-Nicotine Delivery Systems (ENNDS) commonly known as e-cigarettes or ‘vapes’,” pahayag ng DepEd.

“If passed into law, the bill will erode the important provisions already set forth in Republic Act No. 11467 and Executive Order No. 106 both signed by the President in 2020,” ayon pa sa DepEd.

Sinabi rin ng ahensiya na ang batas at ang executive order ay ni-regulate na ang mga electronic nicotine/non-nicotine delivery systems, heated tobacco products, at iba pang novel tobacco items.

Ayon sa information system ng DepEd, tinatayang 870,000 learners na nasa basic education sector ay edad 18 para sa School Year 2020-2021, habang halos 1.1 milyong mag-aaral sa Senior High School ay nasa 18 hanggang 20-anyos.

“This is the number of learners who will become legally allowed to be marketed the harmful products once the bill becomes law,” sabi ng DepEd.

“We teach in schools how the part of the brain that is responsible for rational decisions does not fully develop until one is in their mid-twenties. Before that age, young people are very vulnerable to engaging in risky behaviors such as substance use and abuse. If there will be any attempt to amend existing laws, it should be to increase the age of access to harmful products, not lower it,” giit pa ng ahensiya.

Exams sa mga paaralan, pinaplano na ng DepEd

ni Lolet Abania | March 7, 2022

Pinag-iisipan na ng Department of Education (DepEd) na payagang magsagawa ng mga examinations sa mga paaralan sa gitna ng COVID-19 pandemic.

“Sa ngayon, inaayos pa natin ‘yung ating guidelines para po diyan. Pero bukod po sa mga klase, isa po sa tinitingnan natin na puwede ring gawin ngayon ay ‘yung pagsasagawa ng mga examination,” pahayag ni DepEd Assistant Secretary Malcolm Garma nang tanungin kung kinokonsidera ng DepEd na magsagawa ng graduation ceremonies sa mga campuses.

Binanggit din ni Garma bilang halimbawa ang pagkakaroon ng tinatawag na “large-scale assessments” gaya ng Programme for International Student Assessment (PISA).

“For example, ‘yung ating mga large-scale assessment katulad ng PISA o paglahok natin sa PISA. So ‘yan po ‘yung isa sa mga kinokonsidera na puwede na po nating gawin sa loob ng eskwelahan,” paliwanag ni Garma.

Nang tanungin naman hinggil sa timeline para rito ng DepEd, sinabi ni Garma na pinag-aaralan na nila ang mga iskedyul dahil by batch ginagawa ang naturang aktibidad, habang aniya, posibleng magsimula ito ng Marso.

Matatandaang noong 2020, ipinatupad ng DepEd ang distance learning dahil sa panganib ng COVID-19, kung saan hindi na kailangang magpunta ng mga estudyante sa mga campuses para ipagpatuloy ang kanilang pag-aaral. Sa nasabing setup, kailangan lamang ng mga estudyante na ma-accomplish at mag-submit ng learning modules o pumasok sa mga online classes.

Noong Nobyembre 2021, sinimulan ang pilot testing ng face-to-face classes sa mga piling paaralan sa maraming lugar sa bansa.

Nitong Linggo, inihayag ng DepEd na may 6,925 paaralan sa buong bansa ang handa nang mag-participate sa kanilang “progressive expansion” phase ng F2F classes. Sa nasabing bilang, 6,122 eskuwelahan ang nagpatuloy na sa limited in-person classes.