Biyahe pa-Visayas at Mindanao, suspendido dahil kay 'Bising'

ni Ronalyn Seminiano Reonico | April 16, 2021

Sinuspinde ng Department of Transportation (DOTr) ang biyahe papuntang Visayas at Mindanao ngayong Biyernes dahil sa banta ng Bagyong Bising.

Pahayag ng DOTr, “Due to the imminent threat of Severe Tropical Storm (STS) ‘Surigae’ (Bising), the DOTr suspends all land and sea travel, including those of fishing vessels, bound for Visayas and Mindanao via Matnog Port and all other ports in Region V starting 12 noon today, 16 April 2021.

“The DOTr advises trucking/logistics companies and buses not to proceed or postpone their planned trips in order to avoid long queues at Matnog, Sorsogon, to Daraga, Albay.”

Ayon din sa DOTr, ang naturang suspensiyon ay inihain ng Office of Civil Defense (OCD) Region V at inaprubahan ng National Disaster Risk Reduction and Management Council-Emergency Operations Center (NDRRMC-EOC).

Saad pa ng ahensiya, “Moreover, the DOTr orders its attached agencies in the Maritime and Road Sectors, namely the Philippine Coast Guard (PCG), the Land Transportation Office, (LTO), and the Land Transportation Franchising and Regulatory Board (LTFRB) to immediately enforce the said travel suspension.”

Kasunod nito ay naglabas din ang PCG ng maritime safety advisory kung saan pansamantala ring sinuspinde ang mga shipping operations sa Matnog Port sa Sorsogon papuntang Visayas at Mindanao simula ngayong araw, April 16 hanggang sa April 20 dahil sa Bagyong Bising.

Dagdag ng ahensiya, “According to Philippine Coast Guard (PCG) Spokesperson, Commodore Armando Balilo, all TRUCKING/LOGISTICS COMPANIES and BUSES are advised to POSTPONE THEIR TRIPS to avoid long queues at said port as a precautionary measure to control the spread of COVID-19 in the province.”

Samantala, sa weather bulletin ng PAGASA bandang alas-3 nang hapon, ang Bagyong Bising ay nasa 895 km Silangan ng Surigao City, Surigao del Norte.

Mayroon itong maximum sustained winds na 130 km/h malapit sa sentro ng bagyo at may bugso ng hangin na 160 km/h. Kumikilos ito pakanluran.

Makararanas ng maulap na panahon at kalat na pag-ulan at thunderstorm ang Eastern Visayas dahil sa Bagyong Bising.

Maulap na panahon din ang mararanasan sa iba pang bahagi ng Visayas, Palawan, at Occidental Mindoro.

2 quarantine facilities, gagawing isolation center — DOTR

ni Mary Gutierrez Almirañez | April 9, 2021

Dalawang quarantine facilities na pinatatakbo ng Philippine Ports Authority (PPA) sa Manila South Harbor at sa Port Capinpin sa bayan ng Orion, Bataan ang gagawing COVID-19 isolation center, upang matugunan ang kakulangan sa pasilidad simula ngayong Biyernes, Abril 9.

Ayon sa Department of Transportation, isang taon na mula nang i-convert ang Eva Macapagal Super Terminal sa Pier 15 bilang treatment facility na mayroong 211 cubicles. Bawat cubicle ay may kasamang portable toilets, modular showers at iba pa. Una iyong ipinagamit sa mga umuwing seafarer at overseas Filipino workers na isinailalim sa 14-day quarantine.

Samantala, hanggang 124 na pasyente naman ang kayang i-admit sa Port Capinpin Quarantine Facility, na binuksan noong October, 2020 para sa mga seafarers. Mayroon itong 25 cubicles para sa high-risk, hiwalay na nurses station, at 2 kuwarto na may bunk beds para sa mga medical frontliners.

Tiniyak din ng PPA na magpapatupad sila ng mahigpit na protocols upang masigurado ang kaligtasan ng mga ia-admit na pasyente.

Nagsagawa na rin ng inspeksiyon ang Department of Health (DOH) para malaman ang iba pang kakailanganin sa iko-convert na mga pasilidad.

Giit pa ng DOH, sa kanila manggagaling ang mga kagamitan at tauhan sa operasyon ng bagong isolation facility.

Sa ngayon ay umabot na sa 828,366 ang kabuuang kaso ng COVID-19 sa bansa, ngunit sa bilang na ito ay 167,279 lamang ang aktibo, sapagkat ang 646,968 ay mga gumaling na, habang 14,119 naman ang pumanaw.

Libreng sakay para sa mga manggagawa — DOTr

ni Lolet Abania | March 30, 2021

Naglatag ang Department of Transportation (DOTr) ng mga libreng sakay sa 44 ruta sa Metro Manila at karatig-lugar para sa mga essential workers at iba pang authorized persons outside of their residence (APOR) na bumibiyahe at pumapasok sa kanilang trabaho habang ipinatutupad ang enhanced community quarantine (ECQ) sa NCR Plus.

Ayon sa DOTr, kailangan lamang ng mga empleyadong magpakita ng kanilang government o company ID para makasakay sa free rides na layuning makapagbigay-ginhawa sa pagpasok ng mga manggagawang apektado ng ECQ.

Sinabi rin ng ahensiya na ang serbisyo ng libreng sakay ay mula alas-4:00 ng umaga hanggang alas-10:00 ng gabi. Ang mga public utility vehicle operators na kinuha para sa service contracting program ng ahensiya ay babayaran ng pamahalaan ng P46.8 per kilometer sa ilalim ng Bayanihan Act 2, ayon kay Undersecretary for Road Mark Steven Pastor.

Nabatid na may mga commuters na mas maaga pa kaninang alas-3:00 ng umaga sa kahabaan ng Commonwealth Avenue sa Quezon City na napasakay sa free ride.

Ayon pa sa DOTr, ang mga nasabing public transport at PUVs ay binigyan ng permit para magserbisyo sa mga commuters habang patuloy na isinasailalim ang NCR Plus sa ECQ.

"Mahigpit nating pinababantayan ito sa operators at drivers at conductors natin na 'wag pasakayin kapag hindi APOR,” ani Pastor.