P31 dagdag sa minimum wage sa Central Visayas, aprub ng wage board — DOLE

ni Lolet Abania | May 25, 2022

Asahan na rin ng mga minimum wage earners sa Central Visayas ng pagtaas ng kanilang arawang sahod matapos na aprubahan ng Regional Tripartite Wages and Productivity Board VII (RTWPB VII) ang wage increase sa rehiyon, ayon sa Department of Labor and Employment (DOLE) ngayong Miyerkules.

Sa isang statement, sinabi ng DOLE na aprubado na ng RTWPB VII ang anila, “increase of P31 per day across all geographical areas in Region VII and in both non-agriculture and agri workers, raising the minimum wage between P387 to P435 and P382 to P425, respectively.”

“Also, the RTWPB VII granted a P500 increase in monthly pay for kasambahay, raising to P5,500 and P4,500 the minimum pay for those in chartered cities and first class municipalities, and other municipalities, respectively,” dagdag ng DOLE.

Ang desisyon ay subject pa rin para i-review ng National Wages and Productivity Commission.

P55 wage hike sa Bicol Region, oks na sa wage board — DOLE

ni Lolet Abania | May 23, 2022

Aprubado na ng Regional Tripartite Wages and Productivity Board V (RTWPBs) ang petisyon ng labor groups na karagdagang P55 sa daily wage ng mga manggagawa sa Bicol Region, ayon sa Department of Labor and Employment (DOLE).

Sa isang statement ngayong Lunes, sinabi ng DOLE na ang dagdag sa sahod ng mga workers ay ipatutupad ng dalawang tranches – P35 kapag epektibo na ang wage order at isa pang P20 sa Disyembre 1, 2022.

Nasa P365 na ang minimum wage rate para sa lahat ng sektor sa Bicol Region. “Also, the Board issued Wage Order No. RBV-DW-02 granting a monthly increase of P1,000 for chartered cities and first-class municipalities and P1,500 for other municipalities, bringing the new monthly wage rate for domestic workers in the region to P4,000,” pahayag ng DOLE.

“The new Wage Order is expected to protect around 94,042 domestic workers. The previous Wage Order for domestic workers took effect on June 2, 2017,” dagdag ng ahensiya.

Ayon sa DOLE, ang naturang wage order ay magiging epektibo 15 araw matapos na mailathala sa diyaryo. Kaugnay nito, ang huling wage order sa rehiyon ay pinairal noon pang Setyembre 21, 2018.

Dagdag sa minimum wages sa Mimaropa at SOCCSKSARGEN, aprub ng regional wage boards — DOLE

ni Lolet Abania | May 21, 2022

Asahan na ng mga manggagawa sa Regions IV-B at XII ng dagdag sa kanilang minimum wages matapos kumpirmahin ng National Wages and Productivity Commission (NWPC) ang wage orders ng kani-kanilang regional wage boards, ayon sa Department of Labor and Employment (DOLE) ngayong Sabado.

Sa isang statement, sinabi ng DOLE, sa ginanap na meeting nitong Biyernes, kinumpirma ng NWPC ang wage orders na inisyu ng Regional Tripartite Wages and Productivity Board (RTWPBs) sa Mimaropa at SOCCSKSARGEN.

Para sa mga manggagawa sa pribadong establisimyento, nag-isyu ang RTWPB-IVB ng Wage Order No. RB-MIMAROPA-10, ang pagbibigay ng dagdag sa sahod na P35, na nasa kabuuang bagong minimum wage rate na P329 para sa mga establisimyento na mayroong mas mababa sa 10 workers habang P355 para sa establisimyentong may 10 o higit pang workers.

“Also, the Board issued Wage Order No. RB-MIMAROPA-DW-03 granting a monthly increase of P1,000, bringing the new monthly wage rate for domestic workers in the region to P4,500,” pahayag ng DOLE.

Para sa Region XII, kinumpirma rin ng NWPC ang RTWPB XII’s Wage Order No. RBXII-22, na nagga-grant ng P32 dagdag sa sahod na ibibigay ng dalawang tranches -- P16 base sa effectivity ng Wage Order at isa pang P16 sa Setyembre 1, 2022 – na nasa kabuuang bagong minimum wage rate sa Region XII na P368 para sa non-agriculture sector at P347 para sa agriculture/service/retail establishments.

Gayundin, kinumpirma ng NWPC ang order na inisyu ng RTWPB II para sa sahod ng mga domestic workers. Batay sa naturang wage order, nai-grant ang P1,000 monthly wage increase para sa mga domestic workers sa Region XII, kung saan may kabuuang monthly minimum wage rate na P5,000 mula sa P4,000 sa ilalim ng dating wage order. Ang mga nasabing wage orders ay magiging epektibo 15 araw matapos mailathala sa pahayagan.