Dahil sa Delta variant…Bilang ng turista sa bansa, bumaba ng 70%

ni Jasmin Joy Evangelista | September 5, 2021

Nasa 70% umano ang ibinaba ng bilang ng mga biyaherong banyaga sa bansa dahil sa banta ng COVID-19 Delta variant, ayon sa Bureau of Immigration.

"Definitely po mababa ngayon ang number of travelers, nakita naman natin entire pandemic period halos 70 percent ang binaba ng mga pumapasok - lalo na siguro sa pag-usbong ng Delta variant," ani Sandoval sa public press briefing nitong Sabado.

Kahapon ay ini-lift na ni Pangulong Duterte ang travel ban sa 10 bansa na epektibo simula Setyembre 6.

Kabilang dito ang India, Pakistan, Nepal, Sri Lanka, Bangladesh, Oman, United Arab Emirates, Indonesia, Malaysia, at Thailand.

Samantala, dati nang sinabi ng Malacañang na hindi sakop ng travel ban ang mga Pilipinong parte ng repatriation at special commercial flights.

‘Herd immunity’, malabo... Lahat bakunahan, inihirit

ni Jasmin Joy Evangelista | September 4, 2021

Dahil sa paglaganap ng Delta variant, mahirap na umanong makamit ang herd immunity sa ating bansa, ayon sa isang eksperto.

Dagdag pa rito, nahahawahan pa rin ng COVID-19 maging ang mga indibidwal na kumpleto na ng bakuna.

Dahil dito, dapat itaas na raw ang target na bilang ng populasyon na babakunahan kontra COVID-19, ayon kay Dr. Rontgene Solante.

“Because of this Delta variant, that’s the game changer now, that all countries are recalibrating their target of vaccination rate, not necessarily herd immunity, but vaccinating the whole population,” ani Solante.

“For example, Israel is vaccinating 70 percent. Initially they said they were able to achieve herd immunity. But now since there were breakthrough infections even at 70 percent, they are now targeting 100 percent vaccination and even giving booster to the elderly. My opinion, very difficult to achieve herd immunity with the virus that’s highly transmissible and at the same time can evade immunity or protection against many of these current vaccines,” dagdag niya.

Matatandaang kamakailan lamang ay sinabi ng World Health Organization na laganap na ang mas nakahahawang Delta variant sa bansa.

Ayon naman kay Health Secretary Francisco Duque III, posibleng makamit ng Pilipinas ang herd immunity bandang unang quarter ng 2021, kung saan target mabakunahan ang 77 milyong Pilipino.

“Supply permitting and assuming that there will be about 500,000 or 600,000 doses jabbed per day, the conservative estimate is… we might be able to achieve herd immunity sometime second month of the first quarter. Mga first quarter po ‘yan, mag-spill over po sa first quarter 2022,” ayon kay Duque.

Masasabing naabot na ang herd immunity kung nabibigyan ng proteksiyon mula sa virus maging ang mga hindi bakunado, sa pamamagitan ng pagbabakuna ng malaking bahagi ng populasyon.

Delta variant, nationwide na... COVID test, gawing libre

ni Jasmin Joy Evangelista | August 31, 2021

Naniniwala ang isang eksperto na posibleng marami na ring kaso ng Delta variant sa ibang panig ng bansa at hindi lang sa National Capital Region (NCR) at Calabarzon dahil sa patuloy na pagdami ng mga nade-detect na samples nito.

Nauna nang sinabi ng Department of Health (DOH) na nakitaan nito ng posibleng community transmission ng Delta variant ang NCR at Calabarzon.

Ngunit, maaaring kumakalat na umano ang variant sa buong bansa dahil na rin sa nakikitang hawahan ng magkakapamilya o magkakasama sa tahanan, ayon sa infectious disease specialist na si Dr. Rontgene Solante.

"The secondary attack of households sa Delta is really high compared to the non-household attack... Ang hinala ko rito, Delta is already nationwide," ani Solante.

Sa 748 samples na isinailalim sa sequencing ng Philippine Genome Center, lumalabas na 516 ang Delta variant para sa kabuuang 1,789.

Lumalabas na halos 7 sa bawat 10 samples ng mga taong na-sequence ay Delta variant ang dahilan ng pagkakasakit.

Isa sa mga nakikitang dahilan kung bakit marami pa ring nagpopositibo ay itinatago ng iba ang kanilang nararamdaman at ang iba naman ay magpapakonsulta lang kapag malala na ang sintomas.

Dahil dito, ipinayo ng mga doktor ang "health-seeking behavior" para oras na makaramdam ng sintomas, maabisuhan na sa mga dapat gawin.

Ayon naman kay Solante, mahalagang pataasin ang bilang ng nate-test para sa COVID-19 ngunit iniiwasan ng ilan dahil sa kaakibat na gastos.

"If they will offer the [COVID-19] test for free, I think that will be very important. Malaking bagay kung maibibigay ng gobyerno nang libre ang test," ani Solante.