Balikbayan sa Taguig, positibo sa Delta variant ng COVID

ni Ronalyn Seminiano Reonico | July 19, 2021

Naitala ang kaso ng COVID-19 Delta variant sa Taguig City, ayon kay Safe City Task Force Head Clarence Santos.

Ngunit, kaagad namang nilinaw ng Department of Health (DOH) na hindi ito local case.

Saad ni Health Undersecretary Maria Rosario Vergeire, “Wala po tayong na-detect na local case sa Taguig. What the City of Taguig was mentioning was a returning overseas Filipino (ROF) na na-detect-an ng variant at ang kanyang permanent residence is in Taguig.”

Samantala, sa kabuuan ay mayroon nang 35 kaso ng Delta variant sa bansa, kabilang ang 16 bagong kaso na inianunsiyo ng DOH kamakailan.

16 bagong kaso ng Delta variant, naitala ng DOH

ni Ronalyn Seminiano Reonico | July 16, 2021

Naitala ng Department of Health (DOH) ang 16 bagong kaso ng COVID-19 Delta variant sa bansa.

Ayon kay Health Spokesperson Undersecretary Maria Rosario Vergerie, lima sa mga bagong kaso ay ang mga returning overseas Filipino workers mula sa United Kingdom at Qatar, habang ang 11 iba pa ay local transmissions.

Sa datos ng DOH, 6 sa mga Delta variant carriers ay mula sa Northern Mindanao, 2 sa National Capital Region, 2 sa Western Visayas, at isa sa Central Luzon.

Samantala, sa labing anim, isa ang nasawi habang ang 15 pa ay nakarekober, ayon sa DOH.