Davao Occidental, niyanig ng 5.3 magnitude na lindol

ni Lolet Abania | February 26, 2022

Niyanig ng magnitude 5.3 na lindol ang malayong baybayin ng Davao Occidental ngayong Sabado ng hapon, ayon sa ulat ng Philippine Institute of Volcanology and Seismology (PHIVOLCS).

Alas-2:15 ng hapon naganap ang lindol na ang epicenter ay nasa layong 5.66N, 126.36E - 084 km S 70° E ng munisipalidad ng Jose Abad Santos, Davao Occidental.

Naitala ang lindol na tectonic in origin na may lalim na 101 kilometers.

Ayon sa PHIVOLCS, naramdaman ang Intensity III sa General Santos City at sa Kiamba, Sarangani, habang Intensity I naman sa Davao City.

Wala namang naganap na pinsala matapos ang lindol subalit asahan ang posibleng mga aftershocks, ayon pa sa PHIVOLCS.

Davao Occidental, niyanig ng 6.1 magnitude na lindol

ni Lolet Abania | January 22, 2022

Niyanig ng magnitude 6.1 na lindol ang malayong baybayin ng Sarangani sa Davao Occidental ngayong Sabado ng umaga, batay sa ulat ng Philippine Institute of Volcanology and Seismology (PHIVOLCS).

Ayon sa PHIVOLCS, alas-10:26 ng umaga, naitalang tectonic ang pagyanig habang ang epicenter nito ay nasa 03.27°N, 126.67°E - 275 km S 30° E ng Balut Island sa Sarangani, Davao Occidental.

Gayundin, ang lindol ay may lalim na 33 kilometers.

Naramdam ang pagyanig sa mga lugar na may intensities gaya ng Sarangani, Davao Occidental na Intensity III at Lebak, Sultan Kudarat na Intensity I.

Wala namang naitalang pinsala sa lugar subalit posibleng magkaroon ng mga aftershocks, pahayag ng ahensiya.

Ayon pa sa PHIVOLCS, wala ring inaasahang tsunami sa lugar.

“No destructive tsunami threat exists based on available data. This is for information purposes only and there is no tsunami threat to the Philippines from this earthquake,” batay sa advisory ng PHIVOLCS.

Sa inisyal na report ng PHIVOLCS, ang lindol ay nakapagtala ng magnitude 6.5 sa Sarangani, Davao Occidental, subalit ni-revised din nila ito sa magnitude 6.1.

Una rito, nakapagtala naman ang PHIVOLCS ng magnitude 5.4 na lindol sa Baganga town sa Davao Oriental ng alas-4:43 madaling-araw ngayon ding Sabado.

Sarangani Island, niyanig ng 6.1 magnitude na lindol

ni Lolet Abania | December 5, 2021

Niyanig ng magnitude 6.1 na lindol ang bahagi ng baybayin ng Sarangani Island, Davao Occidental ngayong Linggo ng umaga.

Ayon sa Philippine Institute of Volcanology and Seismology (PHIVOLCS), naitala ang lindol bandang alas-7:47 ng umaga ngayong Linggo.

Ang epicenter nito ay matatagpuan sa layong 04.06°N, 128.15°E - 336 km S 62° east ng Sarangani Island sa Davao Occidental.

Sa ulat ng PHIVOLCS, ang lindol ay may lalim na 173 km habang tectonic in origin.

Naitala ang Intensity II na naramdaman sa Jose Abad Santos sa Davao Occidental, at sa Cateel, Davao Oriental.

Sinabi pa ng ahensiya, wala namang pinsala na inaasahan subalit posibleng magkaroon ng mga aftershocks.