'Di lang sa pamilya ni Kathryn... KARLA ESTRADA, LUBOG SA UTANG

ni Angela Fernando - Trainee @News | December 10, 2023

Hindi pa tapos ang usapin sa hiwalayang Kathryn Bernardo at Daniel Padilla, ngunit pinagpipiyestahan naman ngayon ng madlang pipol ang bagong lumulutang na tsika patungkol sa ina ng aktor na si Karla Estrada dahil sinasabing lubog ito sa utang.

Saad ng showbiz columnist na si Cristy Fermin sa isang episode ng “Showbiz Now Na,” kalat ngayong maraming utang sa mga kaibigan si Karla tulad ng P2 milyon sa isa at may P3 milyon pa.

Ang sinasabing dahilan ng pangungutang diumano ni Karla ay para raw mabayaran naman ang malaking pagkakautang nito sa pamilya ni Kathryn.

Matatandaang pumutok ang usapan na may pagkakautang si Karla sa pamilya ng dating nobya ng anak ilang araw matapos makumpirma ang hiwalayan ng dalawa.

Ang ipinagtataka lang nila, kasama ang co-host ni Cristy na si Wendell Alvarez, sa laki raw ng kita ng anak na si Daniel, bakit pa nagagawang umutang ng ina nito?

Wala pa namang pahayag o komento si Karla sa mga kumakalat na tsismis sa kasalukuyan.

ANGEL, PINURI SI DANIEL NA 'DI MUKHANG PERA, SINOPLA NG NETIZENS

ni Beth Gelena - @Bulgary Files | April 20, 2022

All-praises si Angel Locsin kay Daniel Padilla dahil may sariling paninindigan daw ang aktor.

Sumama si DJ (palayaw ni Daniel) sa campaign sortie kung saan sumuporta siya sa painting mural para sa aspiring president na si VP Leni Robredo. Humanga si Angel sa tibay ng loob ng aktor.

"I have so much respect & admiration for this guy. Tunay na idol na may malasakit. Hindi makasarili. Hindi pera-pera lang. Salamat sa pagtindig, DJ!" sabi pa ni Angel.

Hindi yata agree ang isang netizen sa sinabi ni Angel kaya ang comment, "Hindi pera-pera? Sure."

"Umay much na kayo," sabi naman ng isang hindi Kakampink.

"So, 'pag sa iba sumusuporta, pera-pera lang? Kaya kulelat kayo sa survey, eh. Feeling n'yo, kayo lang ang marunong pumili ng iboboto."

"2nd place is not kulelat. May fighting chance dahil sa sipag ng volunteers :)" depensa naman ng isang Kakampink.

"Totoo naman, eh, its either bayad sila or shunga for free. Kung marunong kayong bumoto, ang unang titingnan n'yo ay track record, hindi apelyido. Let's be real here," sabi ng isa pa.

Hahahaha! Nang dahil sa post ni Angel na 'pera-pera' ay nag-aaway na ang dalawang kampo ng presidentiables.

Wala silang pakialam sa ibang aspirants, kina BBM at Leni lang sila nakatutok.

Ikinalat ni Xian Gaza… KATHRYN AT DIEGO, NALUSUTAN NINA BARBIE AT DANIEL

ni Nitz Miralles - @Bida | January 07, 2022

Nag-trending kahapon sa Twitter ang hashtag na #HuwagAngKathniel bilang sagot at reaction ng mga fans nina Kathryn Bernardo at Daniel Padilla sa cryptic post ni Xian Gaza na pilit ginagawan ng isyu sina Daniel at Barbie Imperial at pinalalabas na clueless sina Kathryn at Diego Loyzaga tungkol sa dalawa.

May ipinost kasi si Xian Gaza na picture na nasa bahay nina Karla Estrada si Barbie at tinatanong kung may namamagitan ba sa GF ni Diego at kay DJ.

Para sa KathNiel fans, hindi ito tungkol sa ‘di na dapat patulan o ‘di dapat pansinin si Xian, pero idina-drag ang KathNiel sa isyung hindi totoo. Dapat daw nilang ipakita na hindi sila dapat tinatapak-tapakan lalo na ang KathNiel.

Suhestiyon ng isa pang KathNiel fan, turuan nila ng leksiyon si Xian by reporting him and block all his socmed accounts. Hindi rin daw masisira ni Xian ang KathNiel sa cheap, fake at walang katuturang isyu.

Naku, ginagalit ni Xian ang KathNiel fans kaya be ready. Masaya pa naman ang mga fans dahil sa balitang tuluy-tuloy ang construction ng dream house ni Kathryn na sa nakita naming photos ay malaki.