14-day 'special concern lockdown' sa ilang lugar sa 5 barangay sa QC

Isasailalim sa 14-day ‘special concern lockdown’ ang 20 parte ng limang barangay sa Quezon City simula Miyerkules, Mayo 13.

Ayon sa Quezon City government, ito ay dahil sa mataas na kaso ng COVID-19.

Sisimulan ang pagsailalim sa ‘special concern lockdown’ bandang alas-5:00 ng madaling-araw sa mga sumusunod na barangay:

– Bahay Toro

– Culiat

– Sauyo

– Batasan Hills

– Tatalon

Ayon kay Assistant City Administrator for Operations Alberto Kimpo, pinili ng City Health Department (CHD) ang mga lugar base sa resulta ng isinagawang community-based testing sa pamamagitan ng Epidemiology and Surveillance Unit (ESU).

Sa halip na magpatupad ng total lockdown sa buong barangay, pagtutuunan aniya ng pansin ang mga partikular na lugar sa loob ng barangay na may clustering ng mga kaso ng COVID-19.

Tiniyak naman na magbibigay ang LGU ng Quezon City ng pagkain at iba pang tulong sa mga residenteng maaapektuhan.

Kaugnay nito, sinabi naman ni QC-ESU head Dr. Rolly Cruz na magsasagawa ng intensified testing at monitoring sa mga lugar para matiyak na maging COVID-free pagkatapos ng 14-day quarantine period.

Sa huling datos hanggang Mayo 11, nasa 21 ang aktibong kaso sa Barangay Bahay Toro; 37 active cases sa Barangay Culiat; 19 sa Barangay Sauyo; 29 sa Barangay Batasan Hills; at 17 naman sa Barangay Tatalon.

Kung totoong concerned daw, kesa magtatalak... Coco, hinamon ng netizens na bigyan ng ayuda ang mga

Erlinda Rapadas / Teka Nga

May hamon (at mabigat na challenge) ang mga netizens kay Coco Martin a.k.a. Cardo Dalisay na sobrang nagpakita ng galit nang magsara ang ABS-CBN. Kung totoo raw sa loob ng aktor ang pakikisimpatya sa libu-libong empleyado ng Dos na nawalan ng trabaho dahil sa biglaang pagsasara ng Kapamilya Network, abonohan at bigyan daw niya ng ayudang bigas, groceries at kahit konting cash assistance ang mga ito lalung-lalo na ang maliliit na talents na kasama sa serye niyang Ang Probinsyano.

Sila talaga ang nakakaawa ngayong naka-lockdown ang ilang lugar sa bansa dahil sa COVID-19 pandemic. Sila ang literal na "no work, no pay" dahil per day ang kanilang trabaho sa teyping.

'Di bale na ang malalaking cast ng Ang Probinsyano dahil may naisubi naman ang mga ito at hindi makakaranas ng gutom tulad nina Ms. Susan Roces, Yassi Pressman, Lorna Tolentino, Rowell Santiago, Tirso Cruz III, Michael De Mesa atbp..

Kapag nagawa ni Coco na mag-share sa mga maliliit na movie workers, bayani talaga siya.

♥♥♥

Herbert, out sa showbiz, Army na

Isang simpleng lunch with his family (Tates Gana and their two kids, Athena and Harvey) ang naging selebrasyon ng 52nd birthday ni former QC Mayor Herbert M. Bautista na nagdiwang ng kanyang kaarawan ngayong May 12.

Pero siyempre, hindi siya nakalimutang batiin ng kanyang mga dating staff sa City Hall, mga malalapit na kaibigan, pamilya, kamag-anak, mga kasamahang artista at ganoon din ng mga kaibigang entertainment press.

Maging ang mga kapwa niya reservist sa Army ay nagpaabot din ng pagbati kay dating QC Mayor Bistek. Ang mga residente ng iba't ibang distrito ng Kyusi ay nagpaabot din ng pagbati kay Bistek.

Isang army reservist si Herbert na may ranggong Brig. General at ngayon ay nasa active duty na at tumutulong sa panahon ng COVID pandemic.

Nanghihinayang naman ang kanyang mga fans dahil natigil pansamantala ang serye nina Liza Soberano at Enrique Gil kung saan may special role si Bistek kasama ang younger brother na si Councilor Hero Bautista.

May guest role rin sila ni Harlene Bautista sa movie na Fusion na first directorial job ni Hero.

Well, sa gitna ng anumang krisis, tuloy ang buhay para kay Brig. General Herbert na kilalang superhero bilang si "Kumader Bawang".

♥♥♥

May sariling fundraising project si Drew Arellano para makalikom ng kanyang ido-donate sa mga health workers at frontliners.

Para sa kanyang Drew's Closet, nag-solicit si Drew sa mga kapwa niya Kapuso stars ng kanilang pre-loved stuff na puwedeng i-auction o ibenta.

Unang-unang nag-donate ay ang Kapuso Primetime King na si Dingdong Dantes. Kapag para sa charity projects ay laging nangunguna sa pagbibigay si Dingdong. Bukod pa rito ay meron ding ibang charities na tinutulungan si Dingdong at ang misis niyang si Marian Rivera. Sa Drew's Closet, may mga gamit din sila ng kanyang misis na idinoneyt for auction.

Ang kikitain sa project na ito ni Drew ay itutulong nila sa mga taong nangangailangan, ganoon din sa ilang ospital na kapos sa PPEs at medical kits.

Halos lahat ng GMA Artists ay kumikilos ngayon at nagpa-fundraising upang makatulong sa mga taong apektado sa COVID pandemic. Naririyan ang grupo ng Healing Hearts, ng Alalay sa Nanay, Rice Up at maging ang The Clash alumni ay nagsama-sama upang makalikom ng donations.

♥♥♥

Liza, may sumbat kay Ice sa Mother’s Day

Maraming kinilig sa Mother's Day surprise ni Ice Seguerra sa kanyang lady love, ang FDCP chairperson na si Liza Diño.

Special breakfast ang inihanda ni Ice para kay Liza. Siyempre, happy naman si Mother Liza pero may hugot ito na tuwing Mother's Day lamang siya ipinagluluto ng breakfast ni Ice at maghihintay na naman siya ng susunod na Mother's Day.

Pero appreciated naman ni Chairwoman Liza ang effort ng kanyang "Love" na ipagluto siya ng breakfast.

♥♥♥

Max, ayaw manganak sa ospital

Isang registered nurse ang Kapuso actor na si Pancho Magno, ang mister ng Kapuso actress na si Max Collins.

Three months na lang ay isisilang na ni Max ang first baby nila ni Pancho at pinaghahandaan niya ito nang husto.

Nagdesisyon si Max na sa bahay na lang siya manganganak (kung kakayanin niya) with the help and assistance of a midwife at isa pang assistant na may kaalaman sa pagpapaanak.

Pinalalakas ni Max ang kanyang loob upang kayanin niya ang home birth process. Tinitiyak niyang physically fit siya upang kayanin ang panganganak in a natural way.

♥♥♥

Kahit preggy na si Diane Medina, tuloy pa rin ang pagtulong nila sa mga frontliners at sa mga apektado ng COVID pandemic lalo na 'yung mga nasa depressed areas.

Nakikipagtulungan sina Diane at Rodjun sa mga kabataang bumubuo ng Bayanihan PH na ang layunin ay maghatid ng tulong o ayuda sa abot ng kanilang makakaya.

Kahit nasa bahay lang sila dahil sa enhanced community quarantine, tuloy pa rin ang online business ni Diane kung saan nagbebenta siya ng iba't ibang items. Ang kikitain niya rito ay ipantutulong niya sa mga less fortunate na nawalan ng hanapbuhay.

Nag-iingat din naman si Diane para sa kanilang baby ni Rodjun. Hindi niya pinababayaan ang kanyang sarili at sinisiguro niyang malakas at malusog ang kanyang baby.

Samantala, tumutulong din ang mag-asawang Diane at Rodjun sa mga local manufacturers ng Personal Protection Suits (PPEs). 'Yun ay bahagi na rin ng kanilang tulong para i-promote ang mga gawang Pinoy na PPEs na isang necessity sa mga ospital bilang protection sa mga health workers.

Binash ng netizens dahil sa wow mali sa 'classroom' post... Kim, ipinagtanggol nina Xian, Bo

Vinia Vivar / Frankly Speaking

Ipinagtanggol ni Xian Lim ang girlfriend niyang si Kim Chiu sa gitna ng mga pambabatikos na dinaranas ngayon ng aktres.

Umani nang katakut-takot na pamba-bash si Kim dahil na rin sa mga naging pahayag niya sa nakaraang Laban Kapamilya Facebook Live event ng ABS-CBN.

Ginawang katatawanan ng marami ang kanyang “classroom” statement at kung anu-anong panlalait ang natanggap ng aktres.

Kahapon ay nag-post si Xian ng black screen, tanda na labis siyang nalulungkot sa sunud-sunod na pangyayari lately kabilang na nga ang pamba-bash kay Kim.

Sinimulan ni Xian ang caption niya sa malungkot na pangyayaring nasa 11 thousand na ang COVID cases ngayon sa 'Pinas at ang pag-o-off-air ng ABS-CBN last May 5.

“Here's my two cents on everything that's happening right now.

“We hit the 11K+ mark of positive cases in our country. People are STILL getting sick and dying all over the world. 5th of May, ABS-CBN went dark under the orders of the government.

“Now, I am not here to give my opinion on who I think is right or wrong. I do not have the educational background in this field or enough facts to support any claims but what I do have is my observation on what our society has become,” simulang pahayag ni Xian.

“Amidst the pandemic, people are throwing hurtful words back and forth hoping that an issue will be resolved through insults, rage, hate, fake news, etc..

“With all the second-hand information going around, it turned us all into critics and so-called experts. No need to say much about that,” he continued.

Pagkatapos nito ay in-address na ni Xian ang tungkol sa pambabatikos na nararanasan ni Kim ngayon at ipinagtanggol ang girlfriend niya.

“A few days ago, a couple of artists went live on social media and received numerous amount of hate. Let me say this. It takes a whole lot of guts to face millions of people and fight for what you truly believe in. Most people won't even have that opportunity in their lifetime.

“Kim does not deserve to be singled out and get all the hate she is getting from people in the internet. She is a smart, empathetic person who deeply cares for all the people around her. She cares so much that it scares me..

“We are not perfect. No one is. We have our share of mishaps that shake us down to the ground but we learn and we rise back up again. My love and support goes out to Kim for being a wonderful human being,” ani Xian.

Sa huli ay nakiusap ang aktor na tigilan na ang paninira at magtulungan na lang.

“Lastly, tigilan na natin ang paninira sa kapwa dahil hindi ito nakakatulong sa sitwasyon ngayon. Tulungan na lang natin ang isa't isa sa kahit anong paraan at tigilan na ang paninisi at paninira kay ganito't ganyan. Hindi perpekto ang sistema. Hindi perpekto ang mundo.

“We have little time in our hands. It's really a matter of asking yourself how well you want to be remembered when your time is up,” pagtatapos ni Xian.

Bukod sa aktor ay nagbigay din ng kanilang magagandang pahayag about Kim ang mga co-stars niya sa Love Thy Woman na sina Christopher de Leon at Zsa Zsa Padilla at ipinost din sa kani-kanilang Instagram account.

♥♥♥

Kyline, ipinagsigawang nami-miss na si Yasser

Dahil sa umiiral na community quarantine bunsod ng banta ng COVID-19, nag-break muna simula noong Marso ang taping ng GMA Afternoon Prime series na Bilangin ang Bituin sa Langit, kaya aminado ang Kapuso actress na si Kyline Alcantara na sobra na niyang nami-miss ang kanyang karakter sa programa na si Maggie.

“Ang hirap kasing gumawa ng character, 'yung mannerisms. Kumbaga, 'pag may nakalimutan akong isang mannerism sa character ko, hindi 'yun magiging si Maggie. Sinasanay ko pa rin 'yung sarili ko bilang Maggie every now and then kasi mabilis talaga akong makalimot ng character,” kuwento ni Kyline.

Dagdag pa niya, nami-miss na rin niya ang iba pang cast ng serye, lalung-lalo na ang love interest ni Maggie na si Jun, na ginagampanan ni Yasser Marta.

“Noong time na natigil 'yung Bilangin, 'yun pa lang 'yung time na nagiging close ako sa cast, not just with the cast but with the crew,” saad ni Kyline.

“Nami-miss ko talaga 'yung kulitan namin ng Art Dept.. Nami-miss ko si Maggie, nami-miss ko 'yung kakulitan ni Maggie. Nami-miss ni Maggie si Jun. Nami-miss ni Maggie ang lahat.”

Para sa mga nakaka-miss din sa programa, mapapanood pa rin ang full catch-up episodes ng Bilangin ang Bituin sa Langit sa GMANetwork.com o sa GMA Network App.

Sa ngayon, ang Korean drama na Strong Girl Bong Soon muna ang pansamantalang napapanood sa timeslot ng Bilangin ang Bituin sa Langit sa GMA Afternoon Prime.