COVID cases, tumaas

ni BRT | April 30, 2023

Tumaas pa sa 14.3% ang COVID-19 positivity rate sa Pilipinas o porsyento ng nagpopositibo sa virus mula sa mga indibidwal na nasuri ayon sa independent monitoring group na OCTA Research.

Base sa data mula sa Department of Health (DOH), iniulat ni OCTA Research fellow Dr. Guido David, Jr. na nakapagtala ang bansa ng 858 na bagong dinapuan ng sakit, 525 ang bagong gumaling at nasa 5,293 aktibong kaso at wala namang nasawi.

Mayroon ding 331 COVID-19 cases ang naitala sa National Capital Region, 55 sa Laguna at 49 sa Cavite.

Samantala, nananatili namang mababa ang naitalang nasawi at hospitalization rate sa Metro Manila na nasa 22%.

Una rito, inirekomenda ng World Health Organization (WHO) na dapat mapanatiling mas mababa sa 5% ang COVID positivity rate upang matiyak na kontrolado ang hawahan ng coronavirus.

COVID cases kahit tumataas — DOH.. Mandatory face mask, 'di kailangan

ni Madel Moratillo | April 19, 2023

Sa kabila ng tumataas na kaso ng COVID-19 sa bansa, hindi pa rin inirerekomenda ng Department of Health na ibalik ang mandatory na pagsusuot ng face mask.

Paliwanag ni DOH OIC Maria Rosario Vergeire, kahit tumataas ang mga kaso, ito naman ay hindi pa dapat ikabahala.

Nananatili pa rin aniyang manageable ang health system ng bansa.

Sa monitoring ng DOH, mula sa 274 kaso kada araw nitong nakaraang linggo ay 371 ang naitalang kaso kada araw ngayon.

Ang COVID positivity rate naman, tumaas din mula sa 6.9% sa 7.6%.

Paalala lang ni Vergeire sa publiko, tignan ang sitwasyon kung kailangan mag-face mask o hindi.

20 dedbol sa COVID

ni Madel Moratillo | April 18, 2023

Tumaas ng 23% ang naitalang kaso ng COVID-19 sa bansa nitong nakaraang linggo.

Sa datos ng Department of Health, mula Abril 10 hanggang 16, nakapagtala ng kabuuang 2,386 kaso ng virus infection.

Ayon sa DOH, ang arawang kaso ng impeksyon ay 341.

Nakapagtala naman ng 17 bagong kaso ng severe at kritikal habang nadagdagan naman ng 20 ang listahan ng nasawi.

Pero ayon sa DOH, walang naitalang nasawi mula Abril 3 hanggang 16 at ang 20 deaths na ito ay sa mga buwan ng 2022 at 2021.