ni Madel Moratillo | June 5, 2023
Nakapagtala ng 1,272 bagong kaso ng COVID-19 sa bansa ang Department of Health kahapon.
Sa datos ng DOH, sa kabuuan ay umabot na sa 4,148,401 ang kaso ng virus infection sa bansa.
Sa ngayon, umabot na sa 13,808 ang aktibong kaso ng COVID.
Nakapagtala naman ng 1,862 bagong nakarekober, kaya umabot na ngayon sa 4,068,117 ang kabuuang gumaling sa bansa.
Wala namang bagong naitalang nasawi, kaya nananatili sa 66,476 ang nasawi dahil sa virus.
ni Madel Moratillo | June 2, 2023
Bumaba na sa moderate category ang 7-day positivity rate ng COVID-19 sa National Capital Region (NCR).
Ayon kay Dr. Guido David, fellow ng OCTA Research Group, bumaba pa ito sa 19.9% hanggang nitong Mayo 30, 2023.
Mas mababa ito ng 4.5 percent sa 24.4% positivity rate na naitala noong Mayo 23.
Nakitaan din ng bahagyang pagbaba ang bilang ng mga okupadong COVID-19 hospital beds.
Nanatili aniya sa low risk category ang occupancy ng mga COVID-19 hospital beds sa bansa.
Ang positivity rate ay ang porsyento ng mga nagpopositibo sa COVID na sumailalim sa pagsusuri.
ni Madel Moratillo | May 31, 2023
Patuloy ang pagbaba ng positivity rate ng COVID-19 sa National Capital Region (NCR).
Ayon kay Dr. Guido David, Fellow ng OCTA Research Group, nitong Mayo 28 ay nasa 21.2% na lamang na mas mababa sa 25.2% na naitala noong Mayo 21.
Maging ang reproduction number ng COVID-19 sa NCR, less than 1 na lang noong Mayo 26.
Ang positivity rate ay ang porsyento ng mga nagpopositibo sa COVID.
Habang ang reproduction number ay ang bilang ng mga taong nahahawa mula sa isang kaso.
Ang reproduction number na mas mababa sa 1 ay indikasyon ng pagbagal ng hawahan ng virus.
Kung bumaba ang positivity rate, nakapagtala naman ng bahagyang pagtaas sa bilang ng mga naoospital.
Mula sa 28.8% noong Mayo 21, bahagya itong tumaas sa 29.1% noong Mayo 28.
