8 madre patay sa COVID-19

ni Lolet Abania | September 22, 2021

Walong madre ang nasawi mula sa Congregation of the Religious of the Virgin Mary (RVM) Sisters matapos na magpositibo sa COVID-19.

Ayon sa pamunuan ng RVM ng Radyo Veritas, pawang mga nasa edad 80 hanggang 90 ang mga namatay na nakabilang sa 62 madre na nagpositibo sa COVID-19 mula Saint Joseph Home at kumbento ng mga RVM Sisters na matatagpuan sa Quezon City.

Sinabi ni RVM Sister Ma. Anicia Co, spokesperson ng kongregasyon, bukod sa mga madre, nakasama rin sa nagpositibo sa COVID-19 ang nasa 52 personnel ng kumbento. “The personnel are still young so they are on the road to recovery. Some Sisters are moving from symptomatic to asymptomatic. Eight of the Sisters, aged 90s and 80s, afflicted with COVID returned home to our heavenly Father,” pahayag ni Sister Co sa isang panayam ng Veritas.

Nilinaw naman ni Sr. Co ang mga naiulat na ang dahilan ng outbreak umano sa loob ng kumbento ay sanhi ng hindi pa pagpapabakuna ng mga RVM Sisters at mga personnel nito. Giit ni Sister Co, wala itong katotohanan dahil nitong Mayo at Hunyo ay isinagawa ang unang batch ng pagbabakuna sa mga RVM sisters habang sinundan naman ito ng ikalawang batch ng vaccination kontra-COVID-19 nitong Hulyo. Paliwanag pa ni Sister Co, ang mga hindi lamang nabakunahan ay ang walong madre na nasawi dahil sila ay nakaratay na rin sa sakit sa loob ng kumbento.

“It was not the decision of the RVM congregation, nor the leaders nor the Sister Administrator of the St. Joseph Home that they would not be vaccinated. The Sister Administrator actually followed up later for their vaccination but it did not come soon,” sabi ni Sister Co.

Patuloy naman na humihiling ng panalangin ang mga apektadong RVM sisters para sa kanilang paggaling at ang iba pang madre at personnel.

“Please pray for us especially our Sisters in St. Joseph Home. May our Sisters come to full recovery. May God grant strength to our other Sisters in the communities in the compound strength to continue serving the affected community,” wika ni Sister Co, habang labis ang kanilang pasasalamat sa mga nagbibigay ng suporta at panalangin.

Nauna nang isinailalim sa lockdown ang kumbento dahil sa naganap na COVID-19 outbreak sa loob nito.

Pinayuhan din ng madre ang publiko na maging maingat sa mga mapagsamantalang indibidwal na ginagamit ang pangalan ng kumbento.

“The RVM Secretariat has received reports of solicitation of funds using our name. [It] was found out [that it was] a false account using the name of an RVM Sister. We ask our benefactors, alumni and friends who want to help to verify with the RVM Secretariat before they send any financial assistance,” ani Sister Co.

Beauty queen Shamcey Supsup, nakarekober na sa COVID-19

ni Lolet Abania | September 11, 2021

Nakarekober na ang beauty queen na si Shamcey Supsup sa COVID-19. Ito ang nai-share ni Shamcey sa kanyang Instagram ngayong Sabado, kung saan inamin niyang tinamaan siya ng virus tatlong linggo na ang nakalipas.

“3 weeks ago, what we all thought was just a simple flu turned out to be COVID,” caption ni Shamcey sa kanyang IG. Aniya, mabuting fully vaccinated na siya dahil sa nakaranas lamang siya ng mild hanggang moderate symptoms.

“I would describe it as a really, really bad flu. It was also the first time that I’ve experienced a total loss of smell and taste,” sabi pa ng beauty queen. “Lucky enough, we were able to get better at home,” dagdag niya. “Praying for everyone’s safety and for the pandemic to end soon.”

Sa ngayon, nagsisilbi si Shamcey bilang national director ng Miss Universe Philippines. Noong 2011 ni-represent ni Shamcey ang Pilipinas at nagwaging third runner-up sa 60th Miss Universe pageant.

Pasay City Rep. Calixto, positive sa COVID-19

ni Lolet Abania | September 8, 2021

Ipinahayag ni Pasay City Representative Antonino Calixto ngayong Miyerkules na nagpositibo siya sa test sa COVID-19.

Kasalukuyang nasa isolation si Calixto na nakararanas ng mild symptoms ng COVID-19. Agad siyang nagpakonsulta sa doktor matapos na makaramdam ng mild cough noong Lunes.

Ayon sa mambabatas ang kanyang mga naging close contacts, kabilang na ang mga miyembro ng kanyang pamilya ay sumailalim na sa swab tests at negatibo silang lahat sa COVID-19.

Gayunman, sinabi ni Calixto na mananatili ang mga ito sa loob ng kanilang bahay ng 14-araw, kung saan ipinayo ito ng mga doktor. Ang mga staff naman ni Calixto na pumapasok sa kanyang opisina at mga nakausap niya nang personal ay sumailalim na rin sa COVID-19 tests, habang pinayuhan din ang mga ito na manatili na lamang sa kanilang bahay.

Samantala, ang kanyang kapatid na si Pasay City Mayor Emi Calixto-Rubiano ay wala sa ginanap na pulong kamakailan. Panawagan naman ni Calixto sa kanyang mga kababayan na magpabakuna na kontra-COVID-19.