Simula Okt. 16-31.. Alert Level 3 sa NCR — IATF

ni Lolet Abania | October 13, 2021

Inaprubahan ng Inter-Agency Task Force (IATF) ngayong Miyerkules ang rekomendasyon na isailalim ang National Capital Region (NCR) sa Alert Level 3 simula Oktubre 16 hanggang 31, 2021.

Sa ilalim ng Alert Level 3, maraming establisimyento bukod pa sa mga restaurants at personal care services ay papayagan nang mag-operate ng 30% ng venue capacity anuman ang vaccination status ng mga kustomer.

Ang mga establisimyento na papayagang mag-operate sa ilalim ng Alert Level 3 ay museums, libraries, internet cafes, billiard halls, amusement arcades, casinos, cockfighting, lottery, gyms, spas, leisure centers at iba pa.

Pagod at nagkakasakit na — PGH.. 10 doktor, nag-resign

ni Lolet Abania | September 9, 2021

Sampung volunteer doctors mula sa Department of Health (DOH) ang nagbitiw na sa Philippine General Hospital (PGH), sa kabila na nasa full capacity ang ospital dahil sa pagdami ng COVID-19 patients.

Hindi binanggit ni PGH spokesperson Dr. Jonas del Rosario ang naging rason sa pagbibitiw ng mga doktor subalit sa tingin niya ay kumikita ang mga ito ng mas malaki sa mas magaang na workload.

“Maybe I can just hypothesize. Maaaring napagod na din, maaaring ‘yung iba nagkakasakit. They probably look at PGH na masyadong maraming trabaho. The truth of the matter is they can probably be earning more if they just [have] less work, higher pay outside,” ani Del Rosario sa isang interview ngayong Huwebes.

“Ang narinig ko minsan ‘yung sweldo na P50,000 a month, to a lot of people that’s not enough. Because if they can moonlight somewhere, they can earn twice as much,” aniya pa. Sinabi rin ni Del Rosario na ang kanilang COVID-19 beds sa ngayon ay puno na kung saan 100 katao ang nananatiling naghihintay na mai-admit sa ospital.

“We have 300 beds for COVID. We have 298 patients in the hospital, but we also have about close to 35 patients in the emergency room,” sabi ni Del Rosario. “And the reason why they are still in the emergency room is because a lot of these patients would require either a ventilator or a high-flow oxygen machine, you need oxygen ports, but we cannot accommodate them inside the hospital. The ER becomes an extension of the ICU setup in our COVID facility. We’re full,” dagdag niya.

Ayon pa kay Del Rosario, kinailangan na rin nilang isara ang ilang non-COVID facilities dahil aniya, “so that we can open up more beds that have available oxygen ports.”

Nag-mobilize na rin sila ng mga health workers mula sa ibang departamento para tumulong na gumamot at mag-alaga ng mga COVID-19 patients, subalit aminado siyang hindi ito sapat. “Even with that, kapos pa rin, because we have other non-COVID patients to take care of,” saad ni Del Rosario.

Malaysia, isinailalim sa national lockdown

ni Ronalyn Seminiano Reonico | May 29, 2021

Isinailalim sa national lockdown sa kauna-unahang pagkakataon ang Malaysia dahil sa paglobo ng kaso ng COVID-19.

Noong Biyernes, nakapagtala ang Malaysia ng 8,290 bagong kaso ng COVID-19 kaya inianunsiyo ni Prime Minister Muhyiddin Yassin ang total lockdown sa bansa simula sa Martes na inaasahang magtatagal hanggang sa June 14.

Sa naturang lockdown, tanging ang mga essential businesses lamang ang maaaring magsagawa ng operasyon.

Pahayag pa ni Yassin, “The existence of new aggressive variants with a higher and faster infection rate has influenced this decision.

“With the increase in daily cases… capacity in hospitals across the country to treat COVID-19 patients has become more limited.”

Samantala, sa kabuuang bilang ay nakapagtala ang Malaysia ng 549,514 kaso ng COVID-19 at 2,552 bilang ng mga pumanaw.