Simula Setyembre 7... Pagbabakuna sa construction workers, start na — DOLE

ni Lolet Abania | September 7, 2021

Mahigit sa 400,000 manggagawa na nasa construction at manufacturing sectors ang nakatakdang bakunahan simula ngayong Martes, Setyembre 7, 2021, pahayag ng Department of Labor and Employment (DOLE).

Ayon sa DOLE, isinagawa ang special vaccination program sa Maynila para sa mga manggagawa upang makatulong sa employment recovery ng bansa. Ito ay bahagi ng proyekto ng ahensiya na “Reform, Rebound, Recover: One Million Jobs for 2021.”

Sa isang pahayag ni DOLE Secretary Silvestre Bello III, ang naturang proyekto ay nabuo sa pagtutulungan ng gobyerno at ng pribadong sektor na layong makapagbigay ng mga COVID-19 vaccines sa lahat ng mga manggagawa kung saan itinuturing na pangunahing economic contributors ng bansa.

Matatandaang inaprubahan ng National Task Force Against COVID-19, ang kahilingan ng DOLE para sa alokasyon ng COVID-19 vaccines sa 452,000 workers sa nabanggit na industriya dahil na rin sa kahalagahan ng mga ito sa ating ekonomiya.

Sa isang manifesto na pinirmahan ng DOLE at ng National Employment Recovery Strategy (NERS) Task Force-member agencies, kabilang din ang mga nangungunang business groups na pinangunahan ng Employers Confederation of the Philippines (ECOP) at mga business organizations, nabuo ang tinatawag na ‘one million jobs for 2021.’

“That’s their show of support for the Task Force’s efforts to address employment issues caused by the pandemic,” paliwanag ni Bello.

“In return, the government through DOLE pledged it will source vaccines for qualified workers before they’re onboarded for work,” dagdag ng kalihim.

“As envisioned by the NERS Task Force, we are witnessing the whole of society come together for the recovery of jobs and the revival of the labor market,” ani Bello.

Pinasalamatan naman ni Bello si vaccine czar Secretary Carlito Galvez Jr., sa pagtugon at pagdedeliber ng ipinangakong alokasyon ng mga bakuna para sa mga workers sa pamamagitan ang nasabing proyekto.

“As long as we persevere in our pursuit of safe and unabating recovery, our economy shall surely spring back and our workforce flourish,” sabi pa ni Bello.

1 na-trap, iba pang construction workers sugatan sa gumuhong gusali

ni Ronalyn Seminiano Reonico | July 2, 2021

Isa ang na-trap at sugatan ang iba pang construction workers matapos gumuho ang isang gusali sa Washington D.C. noong Huwebes.

Patuloy na nagsasagawa ng search and rescue operations upang mahanap ang na-trap na construction worker, ayon sa Washing Fire at nailigtas naman umano ang mga kasamahan nitong nabagsakan ng mga gumuhong debris.

Sugatan din umano ang na-trap na manggagawa at pinananatili ng mga rescuers ang contact sa kanya upang matunton ang kanyang lokasyon.

Samantala, inaalam pa ng awtoridad ang sanhi ng pagguho ng naturang gusali.

Sama-sama sa trabaho at tinitirhan… 49 construction workers sa Cebu City, positibo sa COVID-19

ni Ronalyn Seminiano Reonico | June 17, 2021

Nagpositibo sa COVID-19 ang 49 construction workers sa Cebu City.

Ito ay kinumpirma ni Emergency Operations Center Deputy Chief Implementer Joel Garganera at aniya, ito ang unang pagkakataon sa Cebu na may naitalang maraming bilang ng mga nagpositibo sa COVID-19 na nagtatrabaho sa iisang workplace.

Dinala na rin umano ang 49 workers sa isolation center sa Cebu City.

Aniya, napag-alaman na positibo sa COVID-19 ang mga manggagawa matapos isailalim sa swab testing ang mahigit 100 construction workers dahil mayroong isang nagpositibo sa antigen test noong nakaraang linggo. Kasalukuyan pa ring isinasagawa ang contact tracing at karamihan umano ng mga construction workers ay nakatira sa iisang bunkhouse.

Ayon kay Garganera, ang ilan sa mga nagpositibong manggagawa ay walang sintomas ng COVID at ang iba pa ay mayroong mild symptoms. Nanawagan din si Garganera sa lahat ng construction firms sa Cebu na paigtingin ang pagpapatupad ng health protocols sa mga manggagawa upang maiwasan ang pagkalat ng COVID-19.