2M Pinoy student, nabigyan ng libreng college education — CHED

ni Lolet Abania | May 31, 2022

Mahigit sa dalawang milyong estudyanteng Pilipino ang nabenepisyuhan mula sa Universal Access to Quality Tertiary Education Act, na nilagdaan at naisabatas sa ilalim ng administrasyong Duterte, ayon sa Commission on Higher Education (CHED) ngayong Martes.

Ginawa ni CHED Chairman Prospero de Vera III ang anunsiyo sa Day 2 ng Duterte Legacy Summit, na nagpapahayag ng mga naging tagumpay o accomplishment ng administrasyon ni Pangulong Rodrigo Duterte.

Sa nasabing bilang, ayon kay De Vera s, 1.97 milyong estudyante mula sa 220 state at local universities at mga kolehiyo ang naka-avail ng libreng tuition at miscellaneous fees.

Gayundin, 364,168 estudyante ang nabenepisyuhan mula naman sa Tertiary Education Subsidy at Tulong Dunong Program, na nai-provide din sa ilalim ng Universal Access to Quality Tertiary Education law.

Binanggit naman ni De Vera na ang mga rehiyon na may pinakamataas na poverty incidence ang may pinakamaraming bilang ng mga benepisyaryo para sa Tertiary Education Subsidy at Tulong Dunong Program.

Ang Bangsamoro region, na may pinakamataas na poverty incidence para sa first semester ng 2021 na nasa 39.4%, ay umabot sa 17,021 benepisyaryo para sa Tertiary Education Subsidy at Tulong Dunong Program sa parehong panahon.

Sa Region 13 o Caraga, na may poverty incidence na 31%, nabigyan ang 21,172 benepisyaryo. Sa Region 9 o Zamboanga Peninsula nasa 30.9%, sa Region 8 o Eastern Visayas nasa 28.9%, sa Region 12 o Soccsckargen nasa 27.1%, at sa Region 7 o Central Visayas nasa 26.8%, na kung ira-round up ang top six regions ang may pinakamarami ring benepisyaryo.

Sa Region 12 umabot sa 43,360 benepisyaryo habang sa Region 7 ay mayroong 25,995 beneficiaries. Sa Region 8, may 21,389 beneficiaries at sa Region 9 ay nasa 18,295 benepisyaryo. “There is a direct correlation between poverty incidence and the number of grantees. This shows that clearly, this is an anti-poverty program,” sabi pa ni De Vera.

Mga college student sa F2F classes.. Medical insurance rule, binawi na ng IATF

ni Lolet Abania | May 27, 2022

Pinawalang-bisa na ng Inter-Agency Task Force (IATF) ang polisiya hinggil sa medical insurance requirement para sa mga estudyante na lumahok sa face-to-face classes, isang buwan matapos itong maipatupad, ayon sa Malacañang ngayong Biyernes.

Sinabi ni Deputy Presidential Spokesperson Kris Ablan na sa ilalim ng IATF Resolution 168-B na may petsang Mayo 26 na ini-release noong Mayo 27, binawi na ang kinakailangang medical insurance para sa mga estudyante na kasali sa limited in-person classes.

“Upon the recommendation of the Commission on Higher Education (CHED), Section IV, item “H” of the CHED-DOH Joint Memorandum Circular No. 2021 - 004, pertaining to the medical insurance for students is hereby repealed,” batay sa IATF Resolution.

“The continued implementation of proactive measures and restrictions must be put in place to slow down the surge in COVID-19 cases, stop further spread of variants, buy time for the health system to cope, and to protect more lives,” dagdag ng IATF.

Noong Abril, ang CHED at ang Department of Health (DOH) ay nag-isyu ng isang Joint Memorandum Circular No. 2021 -001 o mga guidelines tungkol sa gradwal na reopening ng mga campuses ng Higher Education Institutions (HEls) para sa limited face-to-face classes habang may pandemya pa ng COVID-19.

Subalit, binatikos ito ng National Union of Students in the Philippines (NUSP) dahil anila, ang naturang polisiya ay magiging pinansiyal na pasanin sa mga estudyante sa halip na tinutulungan sila ng gobyerno sa gitna ng pandemya.

“’Yung financial burden ay napapasa sa individual sa mga estudyante instead of the government answering the budget to provide free medical treatment if ever may nag-positive. Kukuha ka ng barangay certificate of indigency, may bayad din ‘yun.

Kukuha ka ng medical certificate, may bayad din ‘yun. Kukuha ka ng hospital bill na ipe-present mo saka ‘yung form, siyempre, may mga bayad siya,” sabi ni Jandeil Roperos, national president ng NUSP.

Libre at Canapi, mga bagong commissioner ng CHED — P-Du30

ni Lolet Abania | February 15, 2022

Itinalaga ni Pangulong Rodrigo Duterte sina Jo Mark Libre at Marita Canapi bilang bagong commissioners ng Commission on Higher Education (CHED).

Sina Libre at Canapi ay magsisilbi ng 3-taong termino hanggang Hulyo 21, 2025. Sa isang statement ngayong Martes, binati ni CHED chairman Prospero De Vera ang mga bagong commissioners habang pinasalamatan ang mga paalis nang commissioners sa kanilang epektibong pamumuno at pamamahala.

“The commission thanks our outgoing commissioners Perfecto Alibin and Lilian De Las Llagas for showing outstanding leadership and for contributing to the effective governance of the governing boards of their respective State Universities and Colleges (SUCs),” sabi ni De Vera.

“I now welcome our two new commissioners and I am confident that we all continue to learn and educate as one,” aniya.

Papalitan ni Libre si commissioner Perfecto Alibin, habang si Canapi naman ay si Lilian de las Llagas na ang termino nito ay una nang naitakda na magtapos noong Hulyo 21, 2021.

Si Libre, na dating vice president sa Communications and External Affairs ng Jose Maria College Foundation, Inc. sa Davao City, ay nagtapos ng kanyang Bachelor of Arts in Political Science mula sa Ateneo de Davao University (AdDU).

Siya ay binigyan ng scholarship mula sa CHED upang ipagpatuloy ang kanyang Master of Arts in Political Science with a major in Global Politics sa Ateneo de Manila University (ADMU).

Kumuha rin si Libre ng master ng Public Administration mula sa University of Science and Technology of Southern Philippines (USTP) at natanggap ang kanyang Doctor of Public Administration mula sa Ateneo de Cagayan-Xavier University.

Samantala, si Canapi, ang ikalawang pangulo ng University of Rizal System (URS) at nagsilbi rin bilang vice president ng academic affairs sa University of Makati.

Saglit siyang nakapagsilbi bilang vice president naman sa academic affairs ng Pamantasan ng Lungsod ng Marikina.

Hawak din niya ang isang doctorate degree at isang master’s degree in Education with specialization in Educational Management.

Si Canapi ay isang recipient ng National Scholarship mula sa Department of Science and Technology (DOST) para sa Baccalaureate Program in Physics for Teachers mula sa Philippine Normal University (PNU) in consortium sa De La Salle University (DLSU) kung saan nagtapos siyang cum laude.

Kapwa makakasama nila sina De Vera at Commissioners Ronald Adamat at Aldrin Darilag sa CHED.