Empleyado ng Comelec, pinagbabaril, patay

ni Lolet Abania | August 10, 2021

Patay ang isang empleyado ng Maguindanao Provincial Election Office ng Commission on Elections (Comelec) matapos na pagbabarilin ng hindi nakilalang salarin habang naglalaro ng chess sa Cotabato City nu'ng Martes nang umaga.

Kinilala ni City Police Precinct 2 commander Captain Rustum Pastolero ang biktimang si Jonathan Pagadas Ganta, 43, casual employee at residente ng Purok Balabaran, Rosary Heights 10, kung saan nangyari ang krimen.

Ayon sa mga awtoridad, naganap ang insidente bandang alas-8:30 nang umaga habang ang biktima ay naglalaro ng chess kasama ang mga kaibigan sa kanyang bahay. Isang hindi nakikilalang armadong suspek ang biglang pinagbabaril ang biktima gamit ang M-16 automatic rifle na agad nitong ikinamatay.

Gayundin, isang “padyak” driver na nakilalang si Guiamad Utto Akmad ang isinugod sa ospital matapos na tamaan ng ligaw na bala.

Base sa inisyal na imbestigasyon, ayon kay Pastolero, posibleng si Ganta lamang ang target ng suspek na maaari umanong may kaugnayan sa kanyang trabaho.

“Based on the revelations from the close relatives, it could possibly be [due to] a work-related motive,” sabi ni Pastolero.

Nakatakdang ilibing ang biktima sa Martes batay sa burial tradition ng mga Muslim sa Guindulungan, Maguindanao. Dadaluhan naman ang libing ni Ganta ng kanyang mga co-employees mula sa Comelec.

Iwas-COVID… Shake hands, beso-beso, free food, bawal sa kampanya

ni Lolet Abania | July 13, 2021

Anumang pagpapakita ng public display of affection (PDA) ay hindi papayagan sa panahon ng pangangampanya para sa 2022 elections sa gitna ng patuloy na panganib ng COVID-19, ayon sa Commission on Elections (Comelec).

Sa ginanap na forum ng House Committee on People’s Participation para sa 2022 elections, aminado si Comelec Spokesman James Jimenez na ang PDA ay bahagi na ng sistema ng pangangampanya sa bansa.

Kabilang dito ang pagkamay ng mga kandidato sa mga botante at maging ang paghalik nito sa mga beybi na nasa komunidad sa campaign period.

Subalit, ayon kay Jimenez sa panahon na may krisis ngayon sa kalusugan, ang ganitong gawain ay ipinagbabawal.

“Public displays of affection used to be part of the whole idea of campaigning, as they say. Politicians go out to shake hands and kiss babies. You’re not gonna be able to do that anymore ‘cause that will certainly be very risky behavior,” ani Jimenez sa forum ngayong Martes.

“That qualifies as a public display of affection and that will have to be strictly regulated,” dagdag niya.

Paliwanag naman ni Jimenez na ang mass gatherings ay hindi maaaring i-banned agad-agad sa darating na election season subalit kinakailangan ng paghihigpit sa panahon na ito.

Ang pamamahagi ng mga pagkain sa mga voters ay ipinagbabawal din.

“They will be smaller, they will be strictly controlled and in-rally behaviors would be different,” sabi ng opisyal.

“We will not be allowing food to be served at the mass gatherings anymore,” pahayag niya.

Ayon pa kay Jimenez, dapat ding mayroong koordinasyon sa mga barangay health system dahil ang sitwasyon sa ngayon ay naiiba kumpara sa mga nakaraang eleksiyon.

Wala nang pila, isang click lang… Mobile app para sa voter registration, inilunsad

ni Lolet Abania | June 14, 2021

Nakatakdang ilunsad ng Commission on Elections (Comelec) ang isang mobile application na layong mapabilis ang pagpoproseso ng voter registration na gaganapin bukas, Martes.

Sa isang press statement ngayong araw, tinawag ito ng Comelec na Mobile Registration Form App na ilulunsad sa Tagum City, Davao del Norte. “This mobile app can be accessed with any smartphone even when offline,” pahayag ng Comelec.

Si Commissioner Marlon Casquejo ang nag-conceptualize ng naturang proyekto. “The launch of the mobile app is very timely in the face of mobility restrictions brought about by COVID-19, because you will only need a smartphone to accomplish the form. This will save time, effort and money that will otherwise be spent on going to a computer shop to download and print the form, or getting the form at the local COMELEC to fill it out manually,” ani Casquejo.

“A QR Code is generated upon successful accomplishment of the form. You must save the QR Code on your smartphone, and afterwards, you may visit your local COMELEC office to have your QR Code scanned and your biometrics taken,” dagdag ni Casquejo.

Maaaring i-download ang Mobile Registration Form App sa pamamagitan ng link na bit.ly/MobileFormApp. Puwedeng ring i-share kahit offline mula sa isang Android smartphone sa isa pa gamit naman ang SHAREit o anumang file-sharing application.

Kapag na-install na, ang isang user ay maaari nang mag-apply para sa voter registration nang hindi nangangailangan ng internet connectivity. Ayon pa sa Comelec, ang app ay inilunsad na sa mga piling lugar nito lamang Hunyo. Kasalukuyan na itong ipinatutupad sa mahigit 500 lungsod at munisipalidad sa buong bansa, kabilang na ang National Capital Region (NCR), Cebu City at Davao City.

Naglabas din ang Comelec ng steps para sa paggamit ng Mobile Registration Form App, ayon sa mga sumusunod:

1. Open the mobile app, and tap “Get Started.”

2. Select the desired type of application and tap “Proceed.”

3. Input all the necessary personal information.

4. Confirm your personal information by ticking the checkbox.

5. Tap “Generate QR Code” and “Save” to save it in your phone gallery.

6. Bring a valid ID upon visiting your local COMELEC office for your QR Code scanning.”

“For any question or clarification about the mobile app, our Voter Care Center hotlines on mobile (+63 927 5595 926), Facebook and Twitter are open to the public,” ayon naman kay Comelec Spokesperson James Jimenez.