Kandidatong Chinese ang mga magulang, tagilid

ni Gina Pleñago @News | Apr. 5, 2025

Photo File: Comelec

Poasibleng makansela ang kandidatura ng isang tumatakbong konsehal sa Pasay City. 

Ito ay matapos na kumalat ang balitang mayroong isang kandidato sa pagka-konsehal ng District 2 sa Pasay City na ang mga magulang umano nito ay parehong Chinese. 

Ayon kay Pasay City District 2 Election Officer IV Attorney Alvin Tugas, sa pamamagitan ng matatanggap na reklamo laban sa konsehal kaugnay sa pagkuwestiyon sa kanyang nasyonalidad o citizenship ay magagamit ito sa posibleng kanselasyon ng kandidatura nito. 

Paliwanag pa ni Atty. Tugas na kapag napatunayang may maling representasyon ay magamit itong grounds o batayan sa diskwalipikasyon. Aniya, kapag nanalo umano sa eleksyon ay maaaring maghain ng quo warranto para sa isyu ng citizenship.

Nilinaw pa ng election officer na sa ngayon ay wala pa silang natatanggap na reklamo laban sa hindi pa pinangalanang konsehal.

Samantala, wala pang naitalang insidente ng karahasan na may kaugnayan sa eleksyon sa District 2 sa lungsod mula nang umarangkada ang lokal na kampanyahan.

Nangangampanya kahit bawal pa — Comelec.. DQ vs. 66 kandidato

ni Madel Moratillo @News | September 25, 2023

May 66 kandidato sa Barangay and Sangguniang Kabataan Elections (BSKE) ang nanganganib madiskwalipika dahil sa premature campaigning.

Ayon kay Commission on Elections Chairman George Garcia, inaasahang madadagdagan pa ang bilang na ito dahil patuloy pa ang kanilang pagbibigay ng show cause order sa mga pasaway na kandidato.

Ayon kay Garcia, ang ilan sa mga kandidato na ito ay nag-host ng raffle draws, ang iba naman ay dahil sa paglalagay ng campaign materials na nakalagay ang pangalan at posisyong tinatakbuhan.

May iba na ginagamit naman ang social media sa pangangampanya.

Paalala ni Garcia, ang campaign period ay sa October 19 hanggang 28 pa.

Nasa 1,955 show cause orders na aniya ang kanilang naisilbi kaugnay ng nalalapit na BSKE. Sa bilang na ito, 228 kandidato palang ang nagbigay ng paliwanag.

May 104 reklamo naman ang na-drop dahil sa kawalan ng basehan. Inaasahang pormal na maisasampa ng Comelec ang disqualification cases sa darating na linggo.

Pagkatapos ay ira-raffle ito sa mga dibisyon ng Comelec para sa pagdinig at target mailabas ang desisyon bago ang October 30 BSKE.

Filing ng COC, walang extension

ni Madel Moratillo @News | August 30, 2023

Hindi na palalawigin ng Commission on Elections (Comelec) ang petsa ng paghahain ng certificate of candidacy para sa Barangay and Sangguniang Kabataan Elections (BSKE).

Kasabay nito, umapela si Comelec Spokesperson Atty. John Rex Laudiangco, na huwag sa huling araw o sa September 2 dumagsa.

Sa ikalawang araw ng paghahain ng kandidatura, napansin ng Comelec na kakaunti na ang bilang ng mga naghahain ng COC sa iba’t ibang venue.

Sa initial na datos ng Comelec, nitong Lunes, Agosto 28, unang araw ng paghahain ng COC ay umabot sa higit 273 libo ang nag-file ng kandidatura.

Katumbas ito ng 35.23% ng 672 libong bakanteng puwesto na pupunuan para sa BSKE.

Samantala, iniulat din ng Comelec na may 4 na election related violence ang naitala kasabay ng pagsisimula ng election period para sa BSKE.

Ang 2 rito ay sa bayan ng Libon sa Albay, kung saan ang sangkot ay isang naghain sa pagka-kapitan at isa naman ay kagawad, bukod pa sa nangyari sa Maguindanao at Rizal.

Tiniyak ng Comelec ang mahigpit na monitoring sa mga lugar na posibleng magkaroon ng karahasan lalo at inaasahan aniyang mas mataas ang tensyon sa barangay level.