Mister na si Billy, dusa rin… Coleen, ibinulgar ang mga hirap na dinaanan sa pagbubuntis

Vinia Vivar / Frankly Speaking

Sa kanilang YouTube vlog na The Crawfords ay nagbigay ng update ang mag-asawang Billy Crawford and Coleen Garcia sa pagbubuntis ng aktres na ngayon ay limang buwan na.

Dahil nga first time ni Coleen mabuntis, bago sa kanila ang lahat ng nangyayari at mga developments sa pregnancy.

Nakakaaliw ang tanong ni Billy kung bakit 'pag buntis ang misis, eh, pati silang mga lalaki ay naglilihi.

“Kasi for the 3, 4 days that she was going through that, 2 out of the 3 days or 4 days, ako ‘yung sumusuka, ako ‘yung nagke-crave ng mga pagkain na gusto niya,” kuwento ni Billy.

Ikinuwento naman ni Coleen ang hirap na dinanas niya sa sixth week ng kanyang pregnancy.

“My sixth week was pretty terrible. I spent the entire week in bed pretty much and I was so nauseous. I kept vomiting and I thought that it was morning sickness until I realized that it was actually my vitamins.

“I think I was getting some kind of allergic reaction to it. Then after that, I had to stay home again because bigla akong nagka-spotting.

“After two weeks bed rest, the blood clot was gone. Everything was great kaya lang 'yung mental state ko really, really suffered during that time. That whole two weeks kasi, I wasn’t allowed to do anything but stay in bed. Puwede lang akong bumangon sa kama 'pag magsi-C.R. lang ako.

“I was so depressed. You know the feeling na you feel so icky, so ugly, so gross, and I just felt like a sloth lang talaga. Nakadikit lang ako sa bed. To be in bed for two weeks, not doing anything, with anxiety, really made me feel so depressed,” kuwento ni Coleen.

Pero after naman daw ng two weeks bed rest ay naging maayos na ang kanyang pakiramdam.

“So that feeling alone, overcoming that feeling of depression those two weeks, it was already something that I had a hard time with. By God’s grace, we got through that period.

“It’s different now kasi iba 'yung naka-quarantine ka, iba 'yung naka-bed rest ka.

"Now I’m just so happy that the baby is healthy, the baby is fine. So everything was fine. Everything was normal,” sey pa ni Coleen.

Sinabi rin ni Coleen na alam na nila ang gender ng kanilang baby pero hindi pa nila ini-reveal.

***

Binibigyang-diin ng GMA Kapuso Foundation o GMAKF sa publiko na wala silang politikal na koneksiyon o sinusuportahang kahit na sinong kandidato sa kanilang mga proyekto.

Sa kanilang “Operation Bayanihan: Labanan ang COVID-19”, kasalukuyang namimigay ng grocery packs ang GMAKF sa mga nangangailangang pamilya na nawalan ng hanapbuhay dahil sa quarantine.

Nagmula naman sa mga donasyon ng publiko pati na rin sa mga partners nila sa private sector ang mga ipinamimigay nilang tulong.

“GMA Kapuso Foundation distributes family grocery packs in aid of daily wage earners and their families affected by COVID-19. GMA Kapuso Foundation is not affiliated with and does not support any political candidate. GMAKF is nonpartisan and nonpolitical.

“Wala kaming kandidato. Wala kaming kinikilingan. Ang mga proyekto ng GMA Kapuso Foundation ay pawang SERBISYONG TOTOO LAMANG,” pahayag ng GMA-7 sa kanilang official Facebook page.

As of May 5, higit 31,000 katao na ang natulungan ng GMAKF sa kanilang proyekto. Kaya naman sa mga mapagsamantala o malisyoso, ‘wag sana nating pag-isipan pa ng masama ang ginagawa nilang pagmamalasakit sa kapwa ngayong krisis na ito.

***

Dahil naka-quarantine sa bahay, panonood ng K-drama ang naging libangan ng mag-inang Ina Feleo at Direk Laurice Guillen.

Noong nakaraang Mother’s Day, ibinahagi ni Ina sa Instagram ang kanilang naging intimate Korean dinner.

“Our first 'date night' kind of dinner since ECQ. Dahil pareho kaming nahihilig sa K-drama ngayon, um-order ako ng shabu-shabu. Pumitas ng ilang fresh flowers para sa centerpiece at naglabas ng soju. Sarap!” post ni Inna.

Nag-post din ang Bilangin ang Bituin sa Langit actress ng mga throwback pictures nila ng kanyang ina.

“My quarantine buddy and forever buddy. In my everyday prayers, I always thank God for keeping her alive and well and giving me the best life partner I can have; from Zumba, to K-drama debriefs, and serious life talks. I love you so much. Happy Mother's Day and thank you to all the mamas out there,” post pa ni Ina.

Binash ng netizens dahil sa wow mali sa 'classroom' post... Kim, ipinagtanggol nina Xian, Bo

Vinia Vivar / Frankly Speaking

Ipinagtanggol ni Xian Lim ang girlfriend niyang si Kim Chiu sa gitna ng mga pambabatikos na dinaranas ngayon ng aktres.

Umani nang katakut-takot na pamba-bash si Kim dahil na rin sa mga naging pahayag niya sa nakaraang Laban Kapamilya Facebook Live event ng ABS-CBN.

Ginawang katatawanan ng marami ang kanyang “classroom” statement at kung anu-anong panlalait ang natanggap ng aktres.

Kahapon ay nag-post si Xian ng black screen, tanda na labis siyang nalulungkot sa sunud-sunod na pangyayari lately kabilang na nga ang pamba-bash kay Kim.

Sinimulan ni Xian ang caption niya sa malungkot na pangyayaring nasa 11 thousand na ang COVID cases ngayon sa 'Pinas at ang pag-o-off-air ng ABS-CBN last May 5.

“Here's my two cents on everything that's happening right now.

“We hit the 11K+ mark of positive cases in our country. People are STILL getting sick and dying all over the world. 5th of May, ABS-CBN went dark under the orders of the government.

“Now, I am not here to give my opinion on who I think is right or wrong. I do not have the educational background in this field or enough facts to support any claims but what I do have is my observation on what our society has become,” simulang pahayag ni Xian.

“Amidst the pandemic, people are throwing hurtful words back and forth hoping that an issue will be resolved through insults, rage, hate, fake news, etc..

“With all the second-hand information going around, it turned us all into critics and so-called experts. No need to say much about that,” he continued.

Pagkatapos nito ay in-address na ni Xian ang tungkol sa pambabatikos na nararanasan ni Kim ngayon at ipinagtanggol ang girlfriend niya.

“A few days ago, a couple of artists went live on social media and received numerous amount of hate. Let me say this. It takes a whole lot of guts to face millions of people and fight for what you truly believe in. Most people won't even have that opportunity in their lifetime.

“Kim does not deserve to be singled out and get all the hate she is getting from people in the internet. She is a smart, empathetic person who deeply cares for all the people around her. She cares so much that it scares me..

“We are not perfect. No one is. We have our share of mishaps that shake us down to the ground but we learn and we rise back up again. My love and support goes out to Kim for being a wonderful human being,” ani Xian.

Sa huli ay nakiusap ang aktor na tigilan na ang paninira at magtulungan na lang.

“Lastly, tigilan na natin ang paninira sa kapwa dahil hindi ito nakakatulong sa sitwasyon ngayon. Tulungan na lang natin ang isa't isa sa kahit anong paraan at tigilan na ang paninisi at paninira kay ganito't ganyan. Hindi perpekto ang sistema. Hindi perpekto ang mundo.

“We have little time in our hands. It's really a matter of asking yourself how well you want to be remembered when your time is up,” pagtatapos ni Xian.

Bukod sa aktor ay nagbigay din ng kanilang magagandang pahayag about Kim ang mga co-stars niya sa Love Thy Woman na sina Christopher de Leon at Zsa Zsa Padilla at ipinost din sa kani-kanilang Instagram account.

♥♥♥

Kyline, ipinagsigawang nami-miss na si Yasser

Dahil sa umiiral na community quarantine bunsod ng banta ng COVID-19, nag-break muna simula noong Marso ang taping ng GMA Afternoon Prime series na Bilangin ang Bituin sa Langit, kaya aminado ang Kapuso actress na si Kyline Alcantara na sobra na niyang nami-miss ang kanyang karakter sa programa na si Maggie.

“Ang hirap kasing gumawa ng character, 'yung mannerisms. Kumbaga, 'pag may nakalimutan akong isang mannerism sa character ko, hindi 'yun magiging si Maggie. Sinasanay ko pa rin 'yung sarili ko bilang Maggie every now and then kasi mabilis talaga akong makalimot ng character,” kuwento ni Kyline.

Dagdag pa niya, nami-miss na rin niya ang iba pang cast ng serye, lalung-lalo na ang love interest ni Maggie na si Jun, na ginagampanan ni Yasser Marta.

“Noong time na natigil 'yung Bilangin, 'yun pa lang 'yung time na nagiging close ako sa cast, not just with the cast but with the crew,” saad ni Kyline.

“Nami-miss ko talaga 'yung kulitan namin ng Art Dept.. Nami-miss ko si Maggie, nami-miss ko 'yung kakulitan ni Maggie. Nami-miss ni Maggie si Jun. Nami-miss ni Maggie ang lahat.”

Para sa mga nakaka-miss din sa programa, mapapanood pa rin ang full catch-up episodes ng Bilangin ang Bituin sa Langit sa GMANetwork.com o sa GMA Network App.

Sa ngayon, ang Korean drama na Strong Girl Bong Soon muna ang pansamantalang napapanood sa timeslot ng Bilangin ang Bituin sa Langit sa GMA Afternoon Prime.

Sharon, umaming X’mas eve pa huling nakita si KC kaya todo-alala

Vinia Vivar / Frankly Speaking

Ngayong Linggo, May 10, at 8 PM ang online concert ni Sharon Cuneta na Love and Music: A Mother’s Day Special which will be streaming live on ABS-CBN ENTERTAINMENT page sa Facebook and YouTube. Ito ay fund raising event for the benefit of ABS-CBN Pantawid ng Pag-ibig project.

Aminado ang Megastar na “burdened” siya dahil sa mga sunud-sunod na unfortunate events at inisa-isa niya ito.

“First, we lost a good friend - and a good man in Mon Jimenez several days ago. He and his late wife Abby were my friends,” ani Sharon sa kanyang Instagram post.

Pangalawang ikinalulungkot ngayon ni Sharon ay ang pagyao ng premyadong direktor na si Peque Gallaga last May 7.

“We recently lost a gem in the movie industry - the great Director Peque Gallaga. He and I worked on only a few TV commercials together - the first of which being my first McDonald’s commercial with the 'Lola' ('Ay! Si Sharon nga!').

“Throughout the years we talked about doing a movie together. He even sent me a storyline of a scary movie to be set in Bacolod. Direk was loved by many, because he was good - AND kind. The industry is grieving (yet again),” she wrote.

Pangatlo ay ang pag-shutdown ng ABS-CBN.

“The oh so sudden ABS-CBN shutdown. We are all still reeling from it, and we won’t stop fighting for our network,” aniya.

Pang-apat ay ang pagyao ng kanyang half-sister na parati raw nanonood ng concerts niya rito man o abroad.

“These are things you cannot do anything about but need to face and try your best to set aside for a bit because you are about to do a concert in the hopes of raising funds for our Frontliners and hungry families that ABS-CBN’s Pantawid ng Pag-ibig will never stop helping. This is my life,” saad pa ni Mega.

Bukod dito ay nag-aalala rin daw siya sa kanyang panganay na anak na si KC Concepcion.

“Plus, I miss & worry about Kristina. No matter what, she is MY baby. I haven’t seen her since Christmas Eve last year. And she lives alone with only her 2 dogs to keep her company.

“I need your prayers, my dearest IG family. Yes I am strong-but I often just pretend that I am. Because I have to be,” pahayag niya.

In another post ay nanawagan din si Shawie na magkaisa tayong lahat na tulungan ang ating mga frontliners at mga kababayang apektado ng health crisis.

“Mamayang gabi na po! Sa ABS-CBN ENTERTAINMENT page sa Facebook at sa YouTube! See you all at 8PM.

“Sana po makapag-donate kayo kahit anong halaga, malaking tulong po 'yun sa ating mga frontliners at mga kababayan nating nagugutom sa hirap ng paghanap ng makakain ngayong may ECQ.

“Hindi po natin alam kung hanggang kailan tayo magtitiis sa COVID-19 kaya sana po, magtulungan at magkaisa tayong lahat para sa ating mga kababayan at sa pagsagip sa ating LAHAT. PANTAWID NG PAG-IBIG. Mula sa ABS-CBN lamang. Happy Mother’s Day sa lahat sa inyong mga inang tulad ko! Maraming salamat po,” the Megastar wrote.

♥♥♥

May pa-throwback ang Kapuso actress na si Kate Valdez sa Instagram! Mukhang kasama sa mahabang listahan ng mga kapwa artista na nami-miss niya ang mga co-stars niya sa hit series na Onanay na sina Mikee Quintos at Jo Berry.

Sa photo, makikita na nakasuot pa ng school uniform sina Kate at Mikee na gumanap bilang magkapatid na Natalie at Maila sa serye. Kasama rin nila si Jo na gumanap naman na kanilang nanay na si Onay.

Samantala, patuloy na inaaliw muna ni Kate ang sarili sa paggawa ng mga videos sa TikTok habang pansamantalang suspendido ang taping ng pinagbibidahan niyang primetime series na Anak ni Waray vs. Anak ni Biday kung saan kasama niya ang Primetime Princess na si Barbie Forteza.