Ala-Pia, never say die... Atty. Patch Magtanong, top 8 sa Miss International 2019, join uli sa Ms. U

Julie Bonifacio / Winner

Bukod sa mga Miss Universe na sina Pia Wurtzbach and Catriona Gray, aktibo rin sa pamamahagi ng tulong sa ating mga frontliners ang reigning Bb. Pilipinas-International 2019 at Top 8 sa Miss International 2019 na si Atty. Patch Magtanong.

Tulad ni Pia, matalino and "confidently beautiful with a heart" din si Atty. Patch. Busilak din ang kanyang puso na handang tumulong sa kapwa sa gitna ng pandemya.

Ipinost ni Atty. Patch sa kanyang Instagram account ang mga donasyon niyang PPE.

Caption niya sa photo: "PPEs delivered to the National Center for Mental Health and the Philippine Children’s Medical Center through @pandaybayanihan. Thank you @sengracepoe and @heyitsbrianpoe!"

Nagpaabot si Atty. Patch ng mga personal protective equipment (PPE) para sa mga frontliners ng Philippine Children’s Medical Center (PCMC) na kumakalinga sa mga batang dinapuan ng Corona Virus Disease.

Ipinadaan ng Miss International 8th runner-up ang mga PPEs sa pamilya Poe.

Kaibigan ni Atty. Patch ang anak ni Sen. Grace Poe na si Brian Poe Llamanzares, na siya namang nagtungo sa PCMC upang iabot ang mga PPE na may kasamang face masks at alcohol.

Nakilala ni Brian si Atty. Patch sa pamamagitan ng pinsan niyang si Dr. Kristine Rioflorido na dentist at modelo.

Sa Facebook page naman ni Sen. Grace ay naka-post ang mga donasyong PPE ni Atty. Patch.

Pinasalamatan ni Sen. Grace ang fellow University of the Philippines (UP) alumna na si Atty. Patch.

“I’d like to thank my fellow UP alumna, Bb. Pilipinas International 2019 Atty. Patch Magtanong for her donation of PPEs. Through donors like Patch, we are able to help more hospitals in need,” pahayag ng senadora.

Sa kanyang pinakahuling video post sa Facebook, masayang ibinahagi ni Sen. Grace na nakapamahagi na ang kanyang pamilya, sa tulong ng mga kaibigan, ng 1,290 na PPE, 1,979 sako ng bigas, galun-galong alcohol, mga gloves, at ayuda sa mga frontliners.

We heard, may plano raw sumali si Atty. Patch sa Miss Universe Philippines 2021.

Siya na kaya ang susunod na Pinay na makokoronahan bilang Miss Universe after nina Pia and Catriona?

Daniel sa NTC: Sana, ‘di lang para sa interes ng ilan ‘yang ginagawa n’yo sa ABS-CBN

Julie Bonifacio / Winner

Namumugto ang mga mata ng Kapamilya star na si Daniel Padilla habang nagbibigay ng kanyang mensahe sa video na in-upload niya sa kanyang Instagram account.

Nalulungkot daw si Daniel sa mga nangyayari sa ating mga Pilipino at sa ating bansa ngayon.

"Nalulungkot, na dapat nagkakaisa tayo at may hinaharap tayong pandemya. Nalilihis ang usapan at nagkakawatak-watak pa tayong mga Pilipino dahil sa pagkakaiba ng opinyon," panimula ni Daniel sa kanyang video.

Bilang Pilipino, tungkulin daw natin ang maging mapagmatyag. Karapatan din daw natin ang makapagsalita. Pero kasama raw ng karapatan na 'yan ay responsibilidad na siguraduhin na ang sinasabi natin ay tama.

Nagpahayag din si Daniel ng pagkadismaya sa mga nang-iinsulto sa mga kapwa niya Kapamilya stars na piniling magsalita sa pagpapahinto sa pag-broadcast ng ABS-CBN.

"Wala naman ho silang ibang layunin kundi ang muling magbukas ang ABS-CBN. Ang gusto lang naman nila, eh, mapawi ang takot na nararamdaman ng mga empleyado na maaaring mawalan ng trabaho.

"Ano ho ba'ng masama? Ano ho ba'ng masama sa manindigan sa sariling kabuhayan at sa kabuhayan ng marami?

"Sa lahat ng mga pumupuna sa mga nagsasalita, alam ko po na magkakaiba tayo ng opinyon. Alam ko na kung anuman ang halaga sa amin ng ABS-CBN, maaaring hindi 'yun ang halaga nito sa inyo.

"Pero sana ho, huwag tayong makalimot. Huwag po tayong makalimot sa pinagdaraanan ng iba.

"Bago ho ako naging artista ay tao at Pilipino muna ako. Kaya sana, huwag ninyong ipagkait sa amin ang karapatan namin na makapagpahayag ng saloobin," diin ni Daniel.

Pinasalamatan naman ni Daniel ang lahat ng mga kasamahan niyang artista at mga empleyado na sumusuporta sa mga Kapamilya stars na gaya niya na naglalabas ng saloobin sa pagpapatigil sa ere sa ABS-CBN.

"Meron ho tayong mas malaking hinaharap ngayon at 'yun po ang pandemya. Ituon po natin ang lahat ng meron tayo para tiyakin ang kaligtasan ng bawat Pilipino."

Nagbigay din ng mensahe si Daniel sa National Telecommunications Commission (NTC) na naglabas ng Cease and Desist Order (CDO) para ipasara ang ABS-CBN.

"Sa NTC, mga kapatid, sana po, ang mga ginagawa ninyong desisyon ay hindi lang ho 'yan para sa.... interes ng ilan.

"Sana ho, 'yung desisyon na ginagawa n'yo ay para sa... ikabubuti ng marami. 'Yun lang ho."

Sa huli, nagpahayag ng panawagan si Daniel para sa mga Pinoy.

"Higit sa lahat, sa mga kapwa ko Pilipino, huwag po nating talikuran ang pagiging makatao. Buksan po natin ang mga puso natin para sa pinagdaraanan ng iba.

"Buksan natin ang mga mata natin para sa katotohanan. Mas mainam pa ang bulag kesa sa nagbubulag-bulagan," pagtatapos ni Daniel.

Umani naman ng mga papuri si Daniel mula sa mga netizens, especially sa mga followers niya on his IG account.

Gaya na lang ng comment ng may username na personal_paparazzi.ph, "Matalinong bata talaga si Daniel Padilla. Napansin ko lang. Effective 'yung sagot n'ya. Mukhang s'ya lang nakasalba sa ilan niyang kasamahan sa industriya."

Angelica: 'Di ABS-CBN ang kalaban kundi ang COVID-19 at kawalan ng trabaho

Julie Bonifacio / Winner

Bea, umaming idol si Angel kaya ginaya sa pagtulong sa mga drayber

Natuwa ang mga nakapanood ng TV Patrol nang malaman nilang nabigyan ng tulong ng grupo ni

Kapamilya star Bea Alonzo na I Am Hope ang mga nanlilimos na jeepney drivers.

Napanood pala ni Bea ang mga nanlilimos na drivers sa TV Patrol at naantig ang puso niya sa kabila

ng kanyang pinagdaraanan.

Sa Instagram account ni Bea ay ipinost niya ang dahilan kaya nagpaabot siya ng tulong through I

Am Hope head at kaibigan niyang si Rina Navarro sa mga nanlilimos na jeepney drivers.

"I recently lost a very close relative, hindi madali, mabigat sa dibdib," panimula ni Bea sa kanyang caption sa piktyur na ipinost niya.

"While at home and grieving, my friend Rina, sent me a video from TV PATROL yesterday about the jeepney drivers out in the streets begging for money to feed their families. They have lost their source of income because of the pandemic.

"Minsan kapag mabigat ang loob mo at pakiramdam mo, pinagsakluban ka ng mundo, may magpapaalala sa 'yo na may puwede kang gawin para may magbago..

"From the bottom of my heart, I’d like to thank my co-founder of I AM HOPE ORG, @thisisrinanavarro for risking her life by being out in the field to help those who are in need.

"Thank you @abscbnnews for paving the way for us to reach these people."

Kabilang sa mga nag-comment sa IG post ni Bea ang mga kaibigan niyang celebrities gaya nina

Anne Curtis at Angel Locsin.

"(raising hands emoji) to your whole team, Bei," comment ni Anne.

Reply naman ni Bea kay Anne, "Thanks, Anne."

Comment ni Angel, "Thanks, Bea."

Sumagot din si Bea kay Angel, "Ikaw ang idol forever, Gel! Love you!"

***

ANGELICA: 'DI ABS-CBN ANG KALABAN KUNDI ANG COVID-19 AT KAWALAN NG TRABAHO

For the second time ay ginanap ang #LabanKapamilya gathering ng mga Kapamilya stars online through Angel Locsin's Facebook page last night.

Isa sa mga artistang nagpahayag ng kanyang saloobin sa pagpapasara sa ABS-CBN kagabi ay si Angelica Panganiban. Dito binalikan ni Angelica ang kanyang pagiging ampon.

"Para po sa mga hindi nakakaalam, ako po ay ampon. Lumaki po ako sa isang pamilya na hindi ko naman kadugo. Pero ni minsan, hindi ko po naramdaman na hindi nila ako kapamilya, kahit pa hindi ko sila kadugo," bungad ni Angelica.

Ikinumpara niya ang pagkupkop sa kanya ng mga 'di niya tunay na kadugo sa ipinalasap sa kanya ng ABS-CBN Network.

"Niyakap nila ako nang buung-buo, tinanggap kung sino ako. Sila ang nagturo sa akin kung paano manindigan, kung paano maging tunay at magbigay ng galing sa puso.

"Kaya bilang ganti, nais ko lang talaga na ibalik lahat ng natutunan ko. Isa na roon ang pagbibigay-serbisyo at tulong sa kapwa Pilipino," lahad pa ni Angelica.

Kaya raw siya humarap at nagsalita ay dahil sa nararamdaman niya na agam-agam at walang katiyakan na kalagayan ng bansa.

Hinikayat din ni Angelica na ipaglaban ng mga Pilipino ang kalayaan sa pamamahayag para mailabas din ang kanilang saloobin.

Ipinaalala rin ni Angelica sa publiko na hindi ang ABS-CBN ang kalaban nila.

Aniya, "Hindi po ang mga artistang nagpapahayag ng kanilang saloobin ang kalaban ngayon. Ang isyu ay free mass testing.

"Ang isyu ay ang pagbibigay ng ayuda para sa mga nangangailangan. Ang isyu po ay ang pagiging handa ng ating health care system sa gitna ng pandemya.

"Ang isyu ay ang kawalan ng trabaho ng milyun-milyong Pilipino. Ang isyu ay kung saan kukuha ng pagkain ang bawat pamilya."

Diin pa niya, "Hindi po ABS-CBN ang kalaban. Virus ang kalaban. 'Yan ang kailangang sugpuin. 'Yan ang kailangan nating sagutin."