JOSHUA, IBINUKING NG FAN NA 'ADIK' KAYA BIGLANG OA ANG KAPAYATAN

Julie Bonifacio / Winner

Nagulat ang mga netizens sa ipinost na piktyur ng Kapamilya star na si Joshua Garcia sa kanyang Instagram account.

"Haggardo Versoza" ang mukha ni Joshua sa piktyur at payat tingnan sa suot niyang black t-shirt na may collar habang nakapatong sa dibdib ang kanyang kanang kamao.

Sa ilalim ng piktyur niya sa IG ay ang caption na: "#LabanKapamilya#NotoABSCBNShutdown."

Mabilis ang reaction ng IG account followers ni Joshua sa pagpansin sa kapayatan niya ngayon.

At the same time, may mga tagahanga rin si Joshua sa kanyang IG account ang nabahala sa hitsura niya sa piktyur especially ang JoshNella fans ng love team nila ni Janella Salvador.

Comment ng isang may account name na neneberry, "Ang payat mo sobra… saan na ang dating baba… punumpuno ng kaguwapuhan?"

Sagot naman ng isang follower ni Joshua sa IG, "Siyempre, madami siyang trabaho nu'ng bago mag-lockdown, sunud-sunod saka napupuyat siya kaka-games, halos madaling-araw na siya natutulog."

Sa previous interviews kay Joshua ay inamin naman niya na naglalaro siya ng kinababaliwan ng mga kalalakihan ngayon, ang computer game na ML (Mobile Legend).

Say naman ng isa pang netizen, "Nagpapapayat kasi 'yan dahil nag-practice para sa movie."

Eto pa ang ibang comments, "Hindi healthy ang puro games, dapat ingat din at alagaan ang katawan :( I hope Josh, mapansin niya?"

"Matagal na siyang nagpapapayat. Napuyat din siguro sa kaka-computer."

"Wala pa namang taping, eh, dapat nagpa-chubby muna siya nang konti."

Hindi kaya may nami-miss lang si Joshua?

ABS-CBN reporter, ibinulgar ang naranasan… Jeff Canoy, magbabalita ng bagyo sa Aurora, hinarang sa c

Julie Bonifacio / Winner

Ini-repost ni Angel Locsin sa kanyang social media accounts ang post ng ABS-CBN news reporter and host na si Jeff Canoy nu'ng sitahin siya sa checkpoint para mag-cover ng weather news sa Aurora.

Despite the closure, patuloy pa rin ang news team ng Kapamilya Network sa pagre-report ng mga kaganapan sa ating bansa tulad ng Bagyong Ambo.

"Kanina sa checkpoint sa border ng Aurora kung saan ako papunta para mag-cover ng bagyo, pinababa kami ng mga pulis. Sabi ko, 'Luh. Paano 'to,'" simula ng kuwento ni Jeff.

Kinuha raw ang IATF ID ni Jeff at inilista nu'ng nasa checkpoint. At habang hawak daw ng mga pulis

‘yung mga ID nila ay bigla silang kinausap.

“Sir, 'di ba kayo ‘yung nasa bagyo parati?" tanong daw ng pulis kay Jeff.

"Ah, opo, Sir," sagot naman ni Jeff.

“Babalik na ba kayo, Sir?" tanong pa raw ng pulis.

Tugon ni Jeff, pabalik pa lang siya ng Aurora.

“Hindi, Sir. ‘Yung ABS, babalik na ba?” tanong uli ng pulis.

“Aaah. Sana, sir,” sagot daw ng TV reporter.

Ganito pa ang naging daloy ng pag-uusap nila…

"Facebook na lang ba kayo? Hirap ng data dito sa bundok, Sir.”

"Mukha nga, Sir.”

"ABS lang ang malakas ang signal dito. May bagyo ngayon, 'di namin malaman kung ano nangyayari.”

“Hirap nga, Sir, pero ganu'n muna talaga siguro.”

“Sana makabalik na kayo, Sir.”

“Sana, Sir.”

“Hintayin namin balita mo sa bagyo, Sir. Ingat parati.”

“Kayo rin po, Sir. Salamat.”

Para kay Jeff, ang lakas daw maka-"fragile" ng mga ganitong random acts of support dahil sa mga pinagdaraanan ng mga empleyado ngayon ng ABS.

"Salamat, salamat mga Ser! Para sa inyo ang mga balita," caption ni Jeff sa kanyang post.

Inalala rin ni Jeff sa kanyang Instagram post nu'ng nag-apply siya sa ABS-CBN as intern nu'ng taong 2006.

"Pinalad na mapili. Tapos na-assign ako sa news desk para mag-encode ng mga press release na ipinapadala sa mga fax machine.

"Tahimik ako nu'n kasi wala naman akong kilala tapos siyempre, nakakahiya na mapalibutan ng mga batikang journalists sa newsroom. Sabi ko, ''Di yata ako tatagal dahil puro malakas loob ng mga tao rito.' Pero pumasok pa rin ako araw-araw kasi kailangan ko gumradweyt. Mahirap maging working student pero pasok pa rin."

Hindi raw niya namalayan na 14 years na pala ang lumipas.

"Graduate na. Tapos na ang unang dahilan pero tuloy pa rin. Pumapasok pa rin araw-araw.

Pakiramdam ko minsan, ako pa rin 'yung intern na nasa sulok na marami pa ring natututunan.

"Pero iba na ‘yung tingin ko sa mga nakapalibot sa akin. Hindi na sila basta-basta mga mukha. Sila na ‘yung mga taong nakasama ko na sa super-bagyo, lindol, giyera, sumasabog na bulkan at magbasa ng sangkaterbang dokumento.

"Sa chismisan, sa gatungan, sa tawanan, sila na ‘yung kasangga ko magpatumba ng bote sa mga araw na masasaya at araw din na malulungkot."

Kaya raw pala matibay at malakas ang loob ng mga kasamahan niya nu'ng una niya silang makilala ay dahil hindi sila nag-iisa.

"Ang nakapalibot sa isa’t isa ay pamilya. 14 years in service. Here’s to more," pagtatapos ng makabuluhang caption ni Jeff Canoy.

Ininsulto raw siya, ipinagkalat sa 'Pinas na Uber driver lang siya… BB: Robin, gustong makitang

Julie Bonifacio / Winner

Umalma si BB Gandanghari sa sinabi ng kapatid niyang si Robin Padilla sa video na in-upload sa social media account ng misis niyang si Mariel Rodriguez.

Hindi nagustuhan ni BB — na matagal nang naninirahan sa Amerika — ang mga sinabi ng 'utol' na si Robin.

"Mabuhay po sa inyo at siyempre po, sa pamilya natin. Kahit kay Bb, Bb, tigilan mo na ang kakatampo. Uh, mahal ka namin. Uh, marami lang nangyari sa pamilya natin nu'ng pumasok ang 2020," pagbati ni Robin kay Bb sa naturang video.

Sa kanyang Mornings with BB vlog sa sariling YouTube channel niya, naglabas naman ng sama ng loob ang dating si Rustom Padilla kaugnay ng naging pahayag ni Robin.

"Tigilan na natin ang public imaging. Tigilan natin ang pagpapaguwapo o pagpapabango at my expense, okay?" panimula ni BB.

Gamit na gamit na raw ang salitang "love" para kay Bb.

"So, kung love ang pag-uusapan at ganu'n klaseng pagmamahal ang sinasabi n'yo sa akin at ipinaparamdam ninyo sa akin, then, maybe this needs a conversation."

Nagsasalita si BB sa harap ng kanyang camera habang nagda-drive paalis ng bahay papunta sa kanyang pinagtatrabahuhan.

"Sa bibig mo na rin nanggaling, Robin Padilla, aking nakababatang kapatid, baka nakakalimutan mo. Haaay, uh, 'yan ang klase ng pagmamahal na sinabi ko sa sarili ko na I think I deserve more. At 'yun din ang sinabi ko na sa pag-ibig, kung gagawin mo akong doormat, huwag na lang. You can have it. But I think I will have a better love.

"Unang-una, ang pinanggagalingan lang nito ay emotional support. Hindi ko alam kung saan nanggagaling ang malaking brouhaha na after I said my piece, no phone call. Really?

"Now, sasabihin mo sa buong mundo na mahal mo ako? Tigilan ko ang pagtatampo? Hindi ako nagtatampo. I'm over it," himutok ni BB na halatang pinipigilan ang pag-iyak.

"Ang pina-process ko ngayon ay 'yung ipinaramdam ninyo sa akin. But I know, in God's grace, I will be over it. Pero hindi na ako nagtatampo, okay?"

Nag-move on na raw siya pagkatapos niyang magsalita at naghintay siya ng tawag. Kaya lang, wala raw tumawag kay BB na kapamilya man lang niya.

Nabanggit ni BB na ikinasama ng loob niya ang pagkakalat ni Robin dito sa 'Pinas na Uber driver lang siya sa Amerika.

"Grabe ka, Robin. Nu'ng panahon na nag-i-struggle ako rito sa Amerika, ano ang ikinalat mo sa Pilipinas? Na nag-u-Uber ako, that's all I do?

"You don't want me to succeed, why? You want me to struggle. You want me to crawl. Why?

"Ngayon na maganda ang takbo ng YouTube ko, you're doing this? Why?

"You can't even call me and say, 'Congratulations, Utol.'

"Magla-live ka to impress the people that I have problem? Why?"

Ibinulgar din ni BB na under attack daw ang Instagram account niya ngayon. Hindi niya sure pero feeling niya, may nang-hack ng kanyang social media account.

"Kahit konting suporta, Robin. Pag-usapan natin ang financial ko kung aabot doon kung gusto mong pumunta ru'n. Kung 'yun ang gusto mong sabihin. Pero emotional support lang ang pinanggagalingan ko. Kung emotional support ang pinag-uusapan, bakit napakadamot mo?

"Hindi mo ako sinuportahan emotionally dito — sa struggles ko rito, sa dreams ko rito.

"(Sa) 50th birthday mo, ano'ng sasabihin mo sa harap ng mga tao? 'Si BB.... ah, huwag muna nating pag-usapan 'yun.'

"Are you diminishing me? You think, what I'm doing here is easy?"

Feeling ni BB, minamaliit siya ni Robin dahil mas marami itong pera sa kanya.

"Robin, hindi nasusukat ng pera ang katatagan ng tao. Baka mas marami ka sa aking pera, oo. Pero baka hindi ka tumagal dito sa Amerika ng isang buwan kung pupunta ka rito nang walang pera.

"Hindi ito paramihan ng pera kaya huwag mo akong insultuhin," kasunod ang malalim na buntong-hininga ni Bb.

"Hindi ako umiiyak. Tapos na. I will not cry here for this family, e…ver! I will not be your doormat anymore. Rustom may have, but I will not. Remember, I'm a Gandanghari.

"Kung ito ang kahihinatnan ng Padilla, I am proudly Gandanghari, honestly."

Sinita rin ni Bb ang post ni Robin sa kanyang IG account noong Mother's Day.

"(Noong) Mother's Day, ano'ng ipinost mo? Piktyur ng manager mo. At buong-ningning mong sinabi na, 'Eto po ang nanay naming lahat.'

"Excuse me! 'Yan ang... uh, oo. Tama. Hindi na nga ako Padilla."

Ang tinutukoy ni BB na manager ni Robin ay si Betchay Vidanes.

Tinawag din ni BB ang atensiyon ni Betchay sa kanyang video at sinabi na tigilan daw siya nito.

"Tigilan n'yo ang Instagram ko. Tigilan n'yo ang pagsasabotahe sa akin.

"Robin, tigilan ninyo. Namumuhay ako nang simple. Hindi ko hinahangad na magkaroon ng milyon.

Huwag ninyong sabotahihin 'yung konting kinikita ko. Hindi 'yun kawalan sa inyo," diin pa ni Bb.

Nilinaw naman ni Bb na wala siyang connect sa manager ni Robin sa lahat ng gusto siyang lapitan.

"Mga magnanakaw ng ideas 'yan. Puwede kong ilaban kahit saan 'yan. Puwede tayong mag-usap d'yan, kahit dito, open forum."

Ang tanging respeto raw na meron siya para kay Robin ay dahil akala niya ay ang mister ni Mariel Rodriguez ang tatayong tatay sa kanilang pamilya.

"Ngayon, ang nanay, pagka-nanay, ibinigay mo ru'n (sa manager ni Robin)? Pati ang nanay natin, pina-nanayan mo na? Why? Siya ba ang nagpakain sa 'yo?" himutok pa ni BB kay Robin na mas binigyang-tribute pa raw ang manager kesa sa kanilang Mommy Eva Cariño.

Samantala, pati si Mariel Rodriguez ay nadamay sa galit ni BB kay Robin.

Sabi niya, "At itong si Talking Mariel, huwag mo akong daanin sa pa-live-live, huh?"

Inamin ni BB na extra income para sa kanya ang pagba-vlog niya. Kaya feeling ng mga netizens, ikinasama ng loob ni BB na hindi siya pinagbigyan ni Robin na mag-guest sa IG Live niya dahil baka raw ang gusto ni Mariel ay sa sarili nitong YouTube channel lang mapanood ang mister.

Ikinatampo rin ni BB na maraming oras si Robin para sa panonood ng Netflix at paglilinis ng playground ng anak pero pagdating sa kanya, ni hindi man lang nga raw siya matawagan ng kapatid para alamin ang kanyang kalagayan sa Amerika.

"Ilang beses na akong nagkasakit dito. Hindi puwedeng ihiga kundi mamamatay ako sa gutom kesa sa sakit," at sa mga panahon nga raw na 'yun ay wala man lang siyang karamay.

Ramdam namin ang mga hinanakit ni BB sa kanyang pamilya at sana lang ay maayos nila ito sa pag-uusap at hindi na lumaki pa ang hindi nila pagkakaintindihan.