Ivana, ginamit ni Raffy Tulfo para kumita, pinalagan ng netizens

Beth Gelena / Bulgary Files

Kahit sinabihan ng netizens na batiin na para

bati-bati na… Matteo at Sarah, dedma kay mommy divine nu'ng Mother's Day

Nagtatanong ang mga netizens kung binati raw ba nina Matteo Guidicelli at Sarah Geronimo ng

"Happy Mother’s Day" si Mommy Divine, ang ina ng Popstar Royalty.

May post kasi si Matteo sa kanyang Instagram account na sweet Mother’s Day greetings para sa kanyang ina.

Sabi nito, “Dear Mama, Happy, Happy Mother’s Day! We love you so much! Thank you for being a Wonder Mom! You make the impossible possible! Thank you for the unconditional love and all the sacrifices you have done for all of us. WE LOVE YOU! Stay beautiful!”

Samantala, si Sarah naman na hindi na masyadong active sa social media since ikinasal sila ni Matteo last February 20 ay may ibinahaging art card sa mismong IG account niya.

Quote mula kay Agatha Christie: “A mother’s love for her child is like nothing else in the world.”

Kaya nagtatanong ang mga netizens kung binati rin daw ba ng mag-asawa, lalung-lalo na ni Sarah, ang inang si Mommy Divine.

Heto ang komento ng mga netizens para kay Matteo, “Idol Matteo, batiin mo rin ang mama ng wife mo para magkasundo kayo.”

“Oo nga naman, batiin mo rin si Mommy Divine… siya pa rin naman ang mommy ni Sarah. Cheers! God bless.”

“Matt, batiin mo naman 'yung mother-in-law mo para maging maayos na kayo… Ang sinumang nagpapakumbaba ay itataas ng Panginoon, Matt. Love you, Matt and Sarah.”

***

IVANA, GINAMIT NI RAFFY TULFO PARA KUMITA, PINALAGAN NG NETIZENS

Nakatuwaang i-good time ng programa ni Raffy Tulfo ang sexy actress na si Ivana Alawi.

Kinontak ng staff ni Raffy si Ivana para mag-guest sa programa ng batikang newscaster.

Ang akala ni Ivana ay iinterbyuhin siya kaya naghahanap siya ng script. Na-prank ang Kapamilya actress dahil may nagsumbong daw sa kanilang programa na ang ibinigay niyang relief goods ay mga ‘expired’ na.

Hindi makapaniwala si Ivana. Hindi raw siya bumibili ng basta-basta para makamura lang.

Tinanong ni Raffy kung magkano ang nagastos ni Ivana sa relief goods na ipinamigay niya.

Ani Ivana, "Mga P800K po."

Saka sinisiguro ng sexy actress na hindi expired ang kanyang mga pinamili dahil sa mismong kumpanya raw niya kinuha ang mga de-lata.

Sa prank, inireklamo si Ivana ng isang nagngangalang Loida, na ang nakain daw niyang sisig ay may amoy na. Ang bigas na isinaing ay hindi raw maganda kaya nang kainin niya ay sumama raw ang kanyang tiyan. Hinihingan niya si Ivana ng P200 K bilang kabayaran sa damages na naidulot ng mga ipinamigay ni Ivana.

Halos maiyak si Ivana, pero sinabi niyang tutulungan niya ito.

“Sir Raffy, iso-shoulder ko na po ang pagpapagamot at bibigyan ko rin siya ng konting tulong, pero ang manghingi ng P200K, parang 'di naman po tama ‘yun."

Magdemanda na lang daw ang nagrereklamo laban sa kanya.

Ani Ivana, kung hindi raw matatanggap ang tulong na maiaabot niya, di magkita na lang sila sa korte. Pero ang magbigay ng P200K, hindi naman daw niya obligasyon na ipagpatayo ng bahay ang nasabing nabiktima ng kanyang ipinamigay na ‘relief goods.’

Paniwalang-paniwala na si Ivana na ang naipamigay niyang goods ay mga expired na kaya halos maiyak na siya.

Bandang huli, bumigay na rin ang grupo ni Raffy at sinabing prank lang ‘yun.

Maraming netizens ang hindi nagustuhan ang ginawa ng programa sa aktres.

Anila, “Hindi nakakatuwa 'yung prank. Na-stress si Ivana. At puwede ba, siya 'yung pinakasosyal at mahal na relief bag na ibinigay. P800K is no joke.”

“Ginamit pa si Ivana. Dati nanonood pa 'ko rito. Kaso naging commercialized na. Secondary na lang pagtulong kuno. More on views na.”

“It’s commercialized since the very beginning. You think ginawa 'yan para talaga tumulong lang?

Haha! Nagoyo ka. Si Tulfo pa ba? Inaabuso ang kahirapan ng mga masa.”

“Sobra si Tulfo. Just to get more subscribers. Gagawin kahit ano. Kawawa si Ivana.”

May nagsasabing may kita rin naman daw si Ivana dahil YouTuber siya.

Sabi naman ng iba pang netizens, “Paanong may kita si Ivana, eh, channel ni Tulfo 'yan? Ni hindi nga alam ni Ivana na pinagtripan siya for almost an hour. This is not a fun video but you can feel Ivana's sincerity to help.”

“Imagine being in that stressful situation for an hour. Sakit sa dibdib nito. Naawa naman ako kay Ivana.”

***

MAGLO-LAUNCH ng online reality talent show si Matteo Guidicelli titled The Pop Stage kung saan siya rin ang magho-host in partnership with Viva Artists Agency.

Ang nasabing online show ay chance na para sa mga talented people na ipakita sa buong mundo ang kanilang mga talento at magkakaroon pa sila ng oportunidad na mag-viral.

“This is to make them legit,” ani Matteo.

Hindi lang din daw talent ang maipapakita ng mga sasali kundi ang pagiging creative ng mga contestants.

Esplika ni Matteo, “When we have our normal shows, we have our directors and professional staff.

Now, it is you shooting your own material. We want to see your creativity. It’s very real and organic.

That’s what’s exciting about this. It’s not professional, it’s just your own creativity.”

Ang mechanics para makasali sa The Pop Stage ay open para sa lahat — solo or group performers with a maximum of four members aging between 13 to 25 years.

I-send ang inyong video sa www.thepopstage.ph at ang deadline of submission ay May 27, 2020.

Ang mananalo ay makakakuha ng P1M cash at isang taong kontrata sa Viva Artists Agency.

Ang mga entries ng mga contestants ay idadaan sa deliberation mula sa panel ng mga judges at ang suwerteng mapipili ay ipi-feature sa weekly shows na mapapanood sa The Pop Stage’s Facebook page at @thepopstage at sa Facebook page ni @matteog.

Ang ibang detalye ng talent show ay puwedeng i-check sa official website, Facebook page at Instagram page.

***

NAGLABAS ng opisyal na pahayag ang ABS-CBN kaugnay ng pag-apruba ng House Committee of the Whole na payagang muling umere ang Kapamilya Network habang dinidinig ang renewal ng prangkisa nito.

Ang nilalaman ng official statement ay…

"Malugod na tinatanggap ng ABS-CBN ang pag-apruba sa House Bill 6732 ng House of Representatives Committee of the Whole na nagbibigay ng provisional franchise to operate hanggang Oktubre 2020.

"Nagpapasalamat kami sa liderato ng Kongreso at sa mga sponsor ng bill, sa pangunguna nina House Speaker Alan Peter Cayetano at Majority Leader Martin Romualdez, sa kanilang pagkilala sa aming pagtugon sa mga pangangailangan ng ating mga kababayan pagdating sa balita, impormasyon, entertainment, at serbisyong publiko sa kritikal na panahon ngayon.

"Handa kaming sumailalim sa proseso ng franchise renewal at sagutin ang mga isyung nabanggit laban sa network, sa mga may-ari, sa management, at mga empleyado.

"Nananatili kaming bukas sa mga opinyon at suhestiyon na nakakatulong para mas mapabuti pa ang aming organisasyon at paglilingkod sa sambayanang Pilipino.

"Lubos kaming nagpapasalamat sa lahat ng tao at grupong nagpahayag ng kanilang pagmamahal at suporta. Kayo po ang aming inspirasyon. Maraming salamat."

Aray ko, Bea!.. Julia, hapi raw sa bagong lalaki pero 'di naman mailantad

Beth Gelena / Bulgary Files

Nainterbyu ng programang Moving On sa Magic 89.9 FM si Julia Barretto nu’ng Monday night.

Naitanong ng dalawang DJs na sina Sam YG at Gino Quillamor ang love life ng actress.

Ayon kay Julia, "My heart is fine right now, actually… thankfully."

Dugtong pa niya, "It’s happy right now… it’s very happy.

"But I think, as to whether I’m single or not, I think I’m not gonna answer that for now.”

Hindi nagbigay ng detalye ang aktres kung sino ang sinasabing love niya ngayon.

"I’m gonna protect it with all that I have," aniya.

Alam daw niyang nababahala ang mga tao kung sino ang lalaking nagpapasaya sa kanya ngayon.

Hindi raw niya maise-share nang lubusan ang tungkol sa kanyang love life dahil ‘yun daw ang natutunan niya sa past relationship niya.

Sey pa ni Julia, "If there’s something that you really wanna last and work out, protect it as much as you can.

"Don’t share too much about it.

"Don’t share so much about a relationship that is supposed to be just between two people."

Esplika pa ng aktres, "I think, the less people know about something, the less they could have an opinion about it."

Hindi man niya sinabi kung nasa showbiz o non-showbiz ang guy, nagbigay naman siya ng taglay ng katangian nito.

"Someone intelligent and a good conversationalist," ani Julia.

***

Ipinapahiya pa raw…

Alden, ayaw palapitan sa mga babae, manager todo-bakod at harang

Sino kaya ang pinatutungkulan ng manager ni Alden Richards na si Carlites de Guzman sa kanyang social media post?

Aniya, “May BF ka, alam mo 'yan.. Mahiya ka naman, hanap ka na lang ng ibang puwede mong gamitin.

“Hindi lahat ng bagay sa mundo nadadaan sa kinis, madaming babaeng flawless, hindi naman malinis.”

Sabi ng mga netizens, gumagawa lang daw ng istorya ang manager para mapag-usapan ang alagang si Alden. Baka raw kasi biglang malaos lalo na’t panahon ng COVID at walang isyu sa mga artista.

Sey ng isang netizen, “Gawa-gawa ng issue para umingay ang natutulog na career.”

May netizen din na nagsasabing ang tinukoy daw ng manager ng aktor ay ang gamer na binigyan ni Alden ng 100 stars at sinusuportahan niya sa online game.

Komento naman ng iba pang netizens… “Ano’ng issue sa AlCake? Ba't ba meron pa nito, eh, natuldukan na ito, ah?”

“Hahaha! Kaya kawawa ang mga nali-link kay Alden, eh.. Selosa ang ibang fans lalo na ang manager niya na si Carlites, lol.”

“Juskopo, ka-cheap-an para sa naghihingalong career ni pabebe this boy, hahahaha!”

“Grabe 'yung manager, ang bastos sa babae. Naglabas na ng statement 'yung girl para tuldukan 'yung AlCake, nagpaparinig pa itong manager. 'Di lang pala fans ni boy ang toxic, pati mismong manager."

"OA ng manager ni boy. Madami pa namang natutuwa sa AlCake sa gaming community, daming fanboys, sabay tutol pala ang manager, haha! 'Kaloka."

Depensa naman ng iba sa girl, “Si Alden ang pagsabihan n'yo kasi siya naman nauna. Puwede naman anonymously mag-support kaso ginamit niya ang real account niya at nagpapadala siya ng minimum 1k stars kaya mapapansin talaga siya.”

“Ay, wow, maybe he just wants to break free and have gamer friends? Or, I don't know, a life? Grabe this manager, ha?”

“Eh, si Alden naman ang like nang like at comment nang comment 'pag nagla-live streaming si Bianca ba 'yun.”

May kumampi naman sa manager ni Alden at aniya, “Can’t blame the manager. Magaspang and oportunista si girl.”

Ang iba naman ay nagsasabing kaya wala pa raw girlfriend si Alden ay dahil nga toxic daw ang mga nakapaligid sa aktor.

Anila, “'Yung akala mo fans lang ni boy ang toxic, 'yun pala reyna ng ka-toxic-an din 'tong manager niya.. No wonder wala pa rin GF 'tong si Alden, napapalibutan ng toxic at mga possessive na tao.”

Sabi naman ng isang netizen, “Pansin ko lang, parang hindi professional ang mga managers ng mga artista. Hindi ko naman nilalahat pero may mga ganu'n talaga. Siyempre, they handle their artist and they represent them so they are also part of the image. So dapat, careful din sila sa mga sinasabi nila, hindi 'yung talagang sadya pang nagpaparinig sa social media.

"Hindi na dapat pinapatulan at pinapalaki ang mga ganitong bagay. Mas bumababa lang 'yung image ng artista. Tsaka bakit kailangang pag-aksayahan ang maliit na bagay? Ganu'n ba talaga kalaki ang ikakasira sa image ni Alden? Kung gusto i-address ang issue, talk in a professional way,

hindi 'yung ganito na nang-aatake at namamahiya pa.”

Sadyang mahilig daw talagang manghiya ng mga babaeng nali-link kay Alden ang manager niya.

“Actually, noon pa 'yan, ipinapahiya ang mga babaeng nali-link kay Alden. Lagi ang babae ang may mali at kung anu-ano pang panghuhusga sa kanila.”

***

BILLY, BABU SA TOMA AT YOSI DAHIL KAY COLEEN

Sa panahon ng paglilihi ni Coleen Garcia, sinabi ni Billy Crawford na siya ang nagsusuka at umuubos ng mga pagkaing kinakain ng kanyang misis.

Nararanasan din daw niyang mag-morning sickness. Pero masaya ang host-rapper dahil maganda ang pasok ng 2020 sa kanilang buhay na mag-asawa.

Ayon kay Billy, malaki ang nabago sa kanyang buhay magmula nang maging girlfriend niya si Coleen at napangasawa.

Aminado siyang alcoholic at malakas magyosi. Pero, naalis daw niya ang lahat ng bisyo dahil sa pagmamahal sa kanyang misis.

Ayon pa kay Billy, napagsabihan nga raw siya ng kanyang doctor na "If you are trying to start a family any time soon, now is not the right time because your body is full of toxins. It wasn’t the proper lifestyle of a man.'"

Sabi ni Billy, "'Wow, there were a few errors in my lifestyle. I kind of have to change.’ It didn’t take overnight for me to change. It took years.”

Sobrang arte raw talaga ng misis mo, Chiz… Heart, kakain lang ng pancit canton, nag-OOTD pa worth P3

Beth Gelena / Bulgary Files

Ayon sa mga netizens, sobrang OA (overacting) na ang Kapuso actress na si Heart Evangelista. Muli na naman kasing nag-post si Heart sa kanyang social media account na kumakain ng pancit canton habang kuntodo-makeup, wearing sunglasses at nakasuot ng napakagarbong damit.

Kamakailan lang ay ginawa na rin ni Heart na namimili lang ng corned beef ay kuntodo-porma pa siya.

May mga naaaliw sa bawat post ng Kapuso actress sa kanyang socmed, pero meron namang hindi natutuwa at sinasabihan siyang maarte at sobrang kulang sa pansin.

Sa post ni Heart na kumakain ng pancit canton, nilagyan niya ito ng caption na: "Sometimes I workout, and sometimes I do this..."

Nakaagaw ng atensiyon sa Kapuso actress ang komento ng netizen kung saan sinabi nitong pinagtatakpan lang daw ng magaganda niyang kasuotan ang kawalan niya ng talent at personality.

Sey ng netizen, "The beautiful clothes make up for the talent, and personality.

"I just wonder, is she interesting without these expensive pieces?"

"I bet she knows that already that's why she dresses like that even in quarantine."

Hindi naman nagpatalo ang aktres. Sagot niya sa netizen, "Lol, glad you feel good about yourself now."

Sabi naman ng isang netizen, "Sobrang OA mo, nasa bahay ka lang, ganyan hitsura mo. Napakaarte mo."

Ever since naman ay aminado si Heart na maarte talaga siya, pero wala naman daw siyang tinatapakang tao sa KAARTEHAN niya. Kaya ang sagot niya sa netizen, “Super!!”

Eh, sino ba naman ang hindi makakapansin sa magarbong kasuotan ng misis ni Sorsogon Governor Chiz Escudero?

Ang dress na design ni Chris Nick ay worth P10K to P15K at ang Fendi sunglasses ay around P15K to P20K. Idagdag pa riyan ang Chanel pillow na for sure, sobrang expensive rin.

Kaya ang komento ng iba, "Magkano po ang price ng pancit canton at ano pong brand 'yan?"

***

ANGEL, 'DI PA RIN MAKALIMUTAN ANG EX NA SI MIKO KAHIT IKAKASAL NA KAY NEIL ARCE

Yearly, kapag sumasapit ang birthday ni Miko Sotto, ang pumanaw na ex-boyfriend ni Angel Locsin, hindi nakakalimutan ng aktres na batiin ito. Yesterday (May 10) ang dapat ay ika-38 birthday ni Miko.

Sa socmed account ni Angel ay nag-post ng larawan ang aktres ng puntod ni Miko. Nilagyan niya ito ng caption na: "R.I.P. HAPPY BIRTHDAY, MIKO."

Si Miko ay anak nina Ali at Maru Sotto (kapatid nina Vic, Tito at Val).

Namatay si Miko sa edad 21 nu’ng December 29, 2003.

Magkarelasyon sina Angel at Miko nang sumakabilang-buhay ang dati ring aktor.

Very tragic ang ikinamatay ng anak ni Ali, nahulog sa 9th floor ng kanyang condo unit.

Since then, tuwing sumasapit ang birthday ng kanyang first boyfriend ay hindi ito nakakalimutang batiin ni Angel.

Komento nga ng mga netizens, “In fairness kay Angel, consistent talaga siya pagdating kay Miko and at least, mature enough si Neil (Arce) na hindi bothered dito lalo pa't ikakasal na sila.”

May nagsasabi namang mahirap daw makipag-compete sa taong patay na. Malawak daw ang isip ni Neil kaya naiintindihan nito ang kanyang fiancée.

“Akala mo lang 'yan, baks. Of course, deep down inside, it hurts knowing that your jowa still thinks of her former BF. Somehow you’ll be insecure 'coz kalaban mo, patay,” ayon naman sa isang commenter.