Bangka ng Taiwan, kinumpiska ng China

ni Eli San Miguel @Overseas News | July 4, 2024

Sinakyan at kinumpiska ng mga opisyal ng China ang isang fishing boat ng Taiwan malapit sa baybayin ng China, na malapit din sa isang islang kontrolado ng Taiwan noong Martes ng gabi.

Dinala ng mga Chinese ang bangka sa kanilang daungan. Nagpapahiwatig ang pangyayaring ito ng pagtaas ng tensyon habang patuloy na ipinapahayag ng China ang kanilang pag-aangkin sa Taiwan, na itinuturing nilang kanilang sariling teritoryo.

Nagtaas ang China ng tensyon sa Taipei mula nang maupo si Pangulong Lai Ching-te noong Mayo, na itinuturing ng Beijing bilang 'separatist.' Ayon sa coast guard ng Taiwan, malapit ang squid fishing boat sa islang Kinmen ng Taiwan, malapit sa mga lungsod ng Xiamen at Quanzhou sa China, ngunit nasa mga tubig ng China noong Martes ng gabi nang sakyan at kumpiskahin ito ng dalawang Chinese maritime boats.

Ayon sa coast guard, nangingisda ang bangkang Taiwanese sa kasagsagan ng 'no-fishing' period ng China. Magkakaroon ng diskurso ang Taiwan sa China at papakiusapan sila na agarang palayain ang mga mangingisda.

Dahil sa pambobomba sa MSU Gym... Seguridad, pinaigting ng PCG

ni Angela Fernando - Trainee @News | December 5, 2023

Nagpahayag ang Philippine Coast Guard (PCG) ngayong Martes na kanilang pinalakas ang mga hakbang sa seguridad matapos ang kamakailang pagsabog ng bomba sa Mindanao State University (MSU) sa Marawi City.

Ayon kay PCG spokesperson Rear Admiral Armand Balilo sa isang Bagong Pilipinas Ngayon Public briefing, itinaas na ang antas ng babala sa ahensya dahil sa insidente sa MSU.

Aniya, nagdagdag sila ng tauhan sa mga nakikita nilang maaaring maapektuhan ng pambobomba lalo na sa mga port na involved sa bahagi ng Mindanao.

Saad ni Balilo, dinagdagan na rin nila ang mga naka-deploy na K9 units sa gitna ng pinaigting na inspeksyon at pagsusuri sa ports.

Merong mga floating assets na rin ang umiikot sa mga baybayin para sa mas mahigpit na seguridad.

Sinigurado naman ng PCG kasama ang Philippine Ports Authority, Philippine National Police (PNP), at ang Armed Forces of the Philippines (AFP) ang kaligtasan ng mga biyahe at ng mga pasahero.

2 mangingisdang Pinoy, nasagip ng China Coast Guard sa WPS

ni BRT @News | September 24, 2023

Nasagip ng mga tauhan ng barkong pandigma ng China ang dalawang mangingisdang Pilipino sa bahagi ng West Philippine Sea (WPS).

Ayon sa Chinese authorities, naglalayag ang naval vessel ng Chinese People’s Liberation Army sa bahagi ng Spratly’s Island nang mamataan ang mga mangingisdang humihingi ng tulong.

Agad na nilapatan ng paunang lunas ng mga Tsino ang isa sa dalawang mangingisda nang tamaan ng propeller blades.

Samantala, bukod dito ay nagpaabot din ang mga Tsino sa mga mangingisda ng pagkain at gamot.

Kasunod nito ay itinurnover naman ng China Coast Guard sa mga awtoridad ng Pilipinas ang dalawang nasagip na mga mangingisda sa pamamagitan ng communication hotline.