Swab test sa puwet, mas epektib, sinimulan sa China

ni Lolet Abania | January 28, 2021

Nagsimula na ng paggamit ng anal swab para sa COVID-19 testing ang mga mamamayan ng China.

Ayon sa Agence-France Presse, naglabas ng ulat ang China state TV na mayroon umanong ilan na nagdududa sa ganoong klase ng paraan ng pagkuha ng swab sample.

Subalit sinasabi umano ng mga doktor na mas mabisa ang nasabing sistema dahil agad nakikita ang virus.

Sa report, kabilang sa mga isinailalim umano sa anal swab ay ilang residente sa Beijing na nagpositibo sa coronavirus at mga nasa quarantine facilities kaya ito isinagawa para masuring muli.

Ayon din sa mga dalubhasa, mas epektibo umanong ma-detect ang virus sa isang tao kapag sa puwet kukunin ang swab sample kaysa sa kasalukuyang paraan na throat at nose swab.

Paliwanag din ni Li Tongzeng, senior doctor mula sa You'an Hospital sa Beijing, mas tumataas ang detection rate sa mga taong infected. Matutukoy dito nang husto ang virus na matagal manatili kumpara sa respiratory tract o kaya sa lalamunan ng isang tao.

Gayunman, may ilang residente ang nagsasabing nakakahiya ang ganitong uri ng anal swab para sa COVID testing. Aminado naman ang ilang doktor sa China, hindi na nila palalawigin ang paggamit ng anal swabs sa COVID-19 testing dahil sa isyu ng inconvenience ng mga pasyente.

Night club sa Wuhan, China, bukas na

ni Lolet Abania | January 22, 2021

Binuksan na ulit ang isang night club sa Wuhan, China at hataw na sa dance floor ang mga residente matapos na isang taong naka-quarantine dahil sa COVID-19, kung saan nadiskubre sa nasabing lugar ang pinagmulan ng nakamamatay na sakit.

Sa lumabas na video ng Agence-France Presse, maraming tao ang nagsasayawan at nagsisigawan habang paikut-ikot ang mga spotlights sa loob ng night club. Ilan sa mga partygoers ay naninigarilyo pa umano habang ang iba ay walang suot na face mask.

Subalit, bago makapasok sa loob, kailangang may suot na face mask at dapat magpa-check ng body temperature. Hindi papayagang makapasok at maki-party ang mga may temperature na mataas sa 37.3 degree Celsius.

Marami ring nagpahayag ng kanilang saloobin dahil sa makakapag-aliw-aliw na sila matapos ang naranasang quarantine dahil sa COVID-19. "I was stuck inside for two or three months... The country fought the virus very well, and now I can go out in complete tranquility," ayon sa isang lalaki.

"The Chinese government is good. The Chinese government does everything for its people, and the people are supreme. It is different from foreign countries," ayon sa isa pang partygoer.

China, magdo-donate ng 1 M COVID vaccine sa Cambodia

ni Ronalyn Seminiano Reonico | January 16, 2021

Magdo-donate ng 1 million doses ng Sinovac COVID-19 vaccine ang China sa Cambodia, ayon kay Prime Minister Hun Sen.

Ayon sa Cambodia prime minister, "Friend China is helping us with one million doses.

"Many countries are already using vaccines, including those of the People's Republic of China, Sinopharm and Sinovac, which are our necessities and we cannot wait any longer.

"This is necessary for national defense, to prevent the people from contracting this vicious pandemic."

Ayon din kay Hun Sen, ang unang makakatanggap ng bakuna ay ang mga frontline health workers, guro, sundalo at ang mga opisyales ng bansa.