Pagtanggal sa bar exams, pinalagan ni CJ Gesmundo

ni Lolet Abania | July 8, 2021

Hindi sang-ayon si Chief Justice Alexander Gesmundo sa naging panukala ni Department of Labor Secretary Silvestre Bello III hinggil sa pag-abolish ng bar exams at iba pang katulad nito.

“I don’t see the need to abolish the bar exam. We must continue having the bar exam,” ani Gesmundo sa isang interview ngayong Huwebes.

“I respect the view of Secretary Bello but as far as the practice of law, I think we should maintain the bar examinations so that we can sift those who are competent, considering the nature of the legal profession… The legal profession is vested with public interest,” paliwanag ng chief justice.

Giit ni Gesmundo, kinakailangang masiguro na iyon lamang may kakayahan ang papayagang makapasok sa legal profession at maisagawa ang kanilang tungkulin.

“Aside from the tradition, it is important that we make sure that those who join the legal profession are competent, that they can perform their duties as lawyers, not only to the court but also to their clients and to society as a whole,” sabi ni Gesmundo.

“So the qualifying exam for legal professionals should be therein continued,” diin pa niya.

Ayon kay Gesmundo, ang legal na basehan hinggil sa pagkuha ng mandatory bar exams para sa mga nagnanais na maging abogado ay nakapaloob sa Rules of Court.

Nitong Miyerkules, iminungkahi ni Bello na alisin na ang licensure exams para sa mga nurse, bar exams sa mga lawyers at iba pa dahil aniya sa mataas na gastusin sa pag-aaral at nadaragdagan pa ng pagkuha ng board exams.

Ipinunto rin ni Bello na basta ang isang estudyante ay graduate mula sa isang institusyon na accredited ng Commission on Higher Education (CHED), hindi na kailangan pang kumuha ng licensure exams.

Pinalagan din ng Philippine Nurses Association (PNA) ang panukalang ito ni Bello.

Mga mahistrado ng SC, nabakunahan na

ni Lolet Abania | June 11, 2021

Nabakunahan na ang lahat ng 14 mahistrado ng Supreme Court (SC) laban sa COVID-19, ayon kay Chief Justice Alexander Gesmundo ngayong Biyernes.

“All members of the Court have been completely vaccinated. I think all of us have completed the second jab,” ani Gesmundo sa unang press conference niya mula nang maupo sa kanyang judicial post noong Abril.

Ang mga mahistrado ay nasa edad 50 o 60, kung saan prayoridad naman ng gobyerno na mabakunahan ang mga senior citizens at mga indibidwal na may comorbidities.

Matatandaan ding isinama na ng task force against COVID-19 ang mga empleyado ng judiciary sa A4 category matapos ang naging kahilingan ng SC.

“The Supreme Court wanted to ensure that the judiciary will continue to administer justice without sacrificing the health and safety of its personnel,” ani Gesmundo.

Sa datos mula sa COVID-19 Response Team ng SC, nitong June 3, 2021, may kabuuang 1,994 empleyado ng SC, Court of Appeals, Sandiganbayan, Court of Tax Appeals, at ang mga trial courts ang tinamaan ng COVID-19 nang magsimula ang pandemya noong nakaraang taon.

Gayunman, sa bilang na 1,994 cases, nasa 1,846 ang nakarekober, 33 ang nasawi, habang 115 ang active cases.

Lumabas din sa datos na sa 1,584 court workers na sumailalim sa quarantine matapos na tamaan ng sakit, 213 ang naospital, 33 ang na-quarantine sa mga COVID-19 facilities, at 972 naman ang home quarantine o nasa isolation.